السلام عليكم ورحمة الله وبركاته
كيف حالكم ان شاء الله تمام
الصراحه يوم اشوف حال الحريم والركض وراء الزيوت احزن عليهم :icon33:
و الشعر يطيح زيادة وريحة زيوت ورجالهم توذوا :09:
الموضوع يتلخص بكم نقطه
وراح ترتاحون ولاتركضون وراء الدعايات والنصب والغش :mad:
بس انا ما ابي منكم الا الدعاء لي بأن الله يفرج كربي ويزوجني ويرحم والدي ويطول عمر أمي ويرزقني الوظيفه ونصير أسره مترابطه ونحب بعض :icon33:
أولآ: وأهم شي التحصين واذا قريتي اذكار المساء والصباح انفخي بيدك وامسحي على كل جسمك ووجهك وشعرك
اذا مشطتي شعرك قولي مشاء الله تبارك الله حتى لو كان موحلو واحمدي ربك واشكريه لان الله سبحانه وتعالى قال وان شكرتم لأزيدنكم
واذا قريتي الرقيه بماء امسحي على شعرك
واذا عندك ماء زمزم انوي الشفاء لشعرك لأن ماء زمزم لما شرب له
(طبعا هاذي الأشياء تسوينها قدر المستطاع لاتتشددين عشان ماتملين)
ثانيآ : الغذاء السليم كيف طيب انا اقولكم
1 شرب الماء بكثيييره
2 اذا عندك فقر دم لازززززززززم تتعالجين والاترى اذا طول شعرك راح يكون خصلتين وشكله مرررره مقزز
من الأشياء اللي ترفع الدم بسررررعه البنجر طيب كيف اسويه
(حبه بنجر وحبة تفاح بالعصاره تبع العصير ونضيف لهم اي عصير عشان طعمه موحلو او تضيفين كوب ماء وسكر )
تشربينه يوم بيومه ماينفع تتركينه لبكره (حتى وجهك راح يمتلي بسبب التفاح)
وفيه اشياء ثانيه ترفع الدم (الرمان الغجر الاشياء الخضره مثل جرجير وبعد الكبده سواء خروف او دجاج)
ثالثآ:لما تمشطين شعرك اللي ينزل لاترمينه جمعيه بكيس واخر الشهر ادفنيه لو بالحوش حقكم واتصدقي عنه لو بريال
او سوي اكله يحبونها الصغار او امك لان في كل كبد رطبه اجر (فيما معناه)وانويها صدقه عن شعرك
لان الشعر نعمه (وفيه بنت في المنتدى قالت موضوع عنه )
رابعآ:سوي حنه لشعرك مره بالأسبوع
كنت اعجنه بمويه البصل والثوم ولما تركته طاااااح شعري وريحته مقرفه:09: عشان كذا اعجنيه بماء صحي من غير ثوم وبصل
(مكونات الحناء كوب لكل من حناء القصيم+ورد او ناس تسميه مشاط+سدر+فوه+شمطري بودره لونها احمر شريتها من القصيم+ قرنفل لاتخافون مو حار ابد +الآس+اكليل الجبل)
وملعقه لكل من (محلب +قرفه )
تطحن مع بعض وتعبينها بعلبه زجاج
وتحطين اللي يكفيكي وعليه ماء صحي وملعقه زبادي ماله داعي التخمير انا احطه على طووول
اخليه ساعتين فقط
اغسله بشامبو سلفكرين بزيت الزيتون
ولما اطلع من الحمام ادهنه خفيييييييف جدا بكريم بليركريم الاحمر الاصلي ريحته حلوه والتقليد معفن
اما باقي ايام الاسبوع قبل ما اتروش بساعه احط زيت عبد الصمد القرشي وخلص الان وريحته ماعجبتني بس فيه خلطه بسويها لسه ماجبت الطلبات بس بقولها عشان تستفيدون
الخلطه هاذي عندي من زماااااااااااااان وكل يوم اقول بسويها والى الان ماسويتها
احلى مافيها انها مو زي الزيوت الخايسه ريحه وغير كذا ماتدرين وش ممكن تسوي لانها علب جاهزه
مقادير الخلطه :)
لتر زيت سمسم من المعصره وريحته تهبللللللل بالظبط زي علبة لبن الصافي ام 4 ريال
(30 غرام )ربع كوب من ازهار البردقوش
(5غرام)ام ط اوراق اكليل الجبل
7 غرام من ازهار البابونج
20 غرام من اوراق الزعتر
10 غرام من اوراق السنامكي
الغرام قيسوا على اللي قبله
كلها تحطينها بـ برطمان زجاج بالشمس مدة 30 يوم وترجينها كل يوم وبعدها صفيها
من الأعشااااب واخلطي معها زيت الخردل عشان تخففين من السمسم ولا يساقط شعرك
شفتم يابنات لواني انانيه كان سويتها وبعتها بس انا ابي الاجر
طبعا ماراح اقيدكم بالوقت ومتى لا ابد
مره بالأسبوع حناء
وقبل الاستحمام بساعه او بساعتين تحطين الزيت
وتريحين راسك من الركض وراء الزيوت مو اذا سمعتي فلانه شعرها كذا وكذا ترمين هالخله وتروحين وراء الزيت
نصيحه استمري على البرنامج هاذا
لاريحه ولا بصل وزيوت تصرع وتجيب الصداع
امكن تقولون زيت الخردل معفن بس اهون من غيره لما تخلطينه بالسمسم راح يخف واكليل الجبل يعطره
ادري بتقولون انتي ماجربتي الزيت بس فوائد زيت السمسم تهبل والكل يمدح فيه
والخردل الباكستانيات يستخدمنه وشعورررهم تهبل وحده من صاحباتي لا اله الا الله شعرهاااا كثيررررر مرررره وتستخدمه
والاعشاب ماعليها كلام تعرفون فوائدها
اوهم شي مالها ريحه قووويه زي الزيوت الثانيه
ونصيحه لاتغطون شعوركم ببلاستك ابد
والفاتمين الافضل للشعر هو الزنك بغض النظر عن الشركه
انا يابنات صابتني عين وطاااااااااح شعري وخربتها زيااااده بالركض وراء الزيوووت
واستخرت ورميت كل الزيوت اللي عندي بس ريحه على الفاضي
وقلت مالي الا هالطريقه وكل ماسجدتم ادعوا الله
انا ان شاء الله بس ناقصني الزيت واسويها وان شاء الله يزين شعري وشعوركم بس الصبر ثم الصبر ومن صبر ظفر
وبخبركم اذا سويتها واقولكم كيف ريحتها
واخيرآ اتمنى لكم شعرو ثقيله ماتمسكها اكبر شباصه
اختكم انتم مستانسين؟؟؟؟ :heart:
انتم مستانسين @antm_mstansyn
عضوة فعالة
يلزم عليك تسجيل الدخول أولًا لكتابة تعليق.
احب أمي
•
الله يجزاكي الخير يارب
الصفحة الأخيرة