المتزوجات ادخلوا وردوا علي بنهاار

الله يسخره لك. 
هالنوعيه ماينفع معهم التفاهم والمعاند 
اخصريه ولاتجادلينه كثير حتى عند بنته. 
ينزلها بكيفه.  
اما تطبخين لأخوه وعياله. سلامات. 
لو يحتاجون لاقدر الله صح. هذا حق الجار ع الجار
اما ان امهم تداوم وانا اطبخ خلفها لا وألف لا 
بس أعيد وأكرر لاتعاندين عند أشياء بسيطه 
الله يوفقك ويسعدك يارب. 

الله يفرج همك ويعينك هذي الدنيا ابتلاءات للمؤمن ماحدن مرررررتاح الراحه في جنه نعييييم

وعليكم السلام ورحمة الله وبركاته

ياغاليه واضح انك متوتره ونفسيتك تعبانه وكلامك مختصر وملخبط مو واضح الاسباب مجرد المكتوب ردات فعل مانقدر نحكم بشكل سليم
لكن باختصار الي بينكم هو موضوع التفاهم كل واحد موب قادر يوصل للثاني

جمعتي اكثر من موضوع التي تعتبر سلبيه وما وضحتي الايجابيات وبكذا تجيبين لنفسك نوعية البنات المدرعمات الي يقولون لك (هالنوعيات وش تبين بهم اتركيه ماعليه حسوفه اوو تجيك اللي تقول لك احسن من هنا وزود انتي الي عطيتيه وجه وانتي وانتي ... )

فيا اختي اذا كنتي ترجين من فضفضتك حل صحيح لابد تكون صياغتك واضحه وشامله وعادله

تكلمينه تقولين له وش علومك ويقفل الخط بوجهك ؟؟ وش السبب اكيد ورا ردة الفعل هذي اسباب انتي ادرى بها

ينوم بالدوام ويتركك عند اهلك باليومين والثلاث ؟ طيب طالما انتي عند اهلك ليه ماينوم في البيت وش يحده ينوم بالدوام ؟

بنتك يعطيها اهله رغم انها صغيره ؟ هل يرى انك ماتعرفين لها ؟ هل يحس انك جاهلة بالعناية بالصغار ؟ هل انتي تعطين له ايحاء باهالشي انه يوه وش اسوي بها وكيف اعمل لها ؟

بالنسبه لغداء اخوه عشان زوجته موظفه هذا ان سويتيه فهو احسان منك وتكرم عليهم وبامكانك تتفاهمين معه انه لايفرض عليك هالشي

أضم صوتي لأختي بنت جد و مؤيده لكلامها

ذكرتي أمور مختصره عن حياتك معه بدون ذكر للأسباب
نومه بالدوام وش أسبابها ليه يترك بيته و يضطر ينام بالدوام ؟ أذا أنتي ماهميتيه ما يهتم لردة فعل أهلك
طول الفتره ألي تجلسينها عندهم ؟!
قلتي قفل الخط بوجهك هل بينكم خلاف قبل المكالمه أو بس كذا نفسيه ؟!

يعني لكل فعل أسباب وراه
أذا هو يمارس كل هالأمور مجرد تسلط ولا مبالاه هنا تحتاجين وقفه حازمه معه
حاولي تعالجين المشاكل هذي معه مانفع أنصحك تدخلين حكيم من أهلك بالموضوع يتفاهم معه
و يعرف أسبابه و يتعالج الوضع .......

مانعرف وش أسبابه محد يعرفها غيرك أذا مابينكم مشكله قبل المكالمه و بس كذا عنجهيه قفل الخط بوجهك
أنصحك ما تتواصلين معه لحد مايتصل بك و بعدها ناقشيه بهدوء و حاولي تعالجي المشكله معه
مانفع هنا يجي دور الوسيط بينكم من شخص ثقه من أهلك ........

كونه ياخذ البنت لأهله هذي نوعا ما هينه مصيرهم يملون و هم ألي بيرفضون وجودها
كونه يستشيرهم بأمور تخص بيتكم فهذي كثير يعانو منها

نجي لموضوع طلبه منك تطبخين لبيت أخوه كون زوجته موظفه هنا ماله حق أبدددددد
لو هي تعبانه منومه بمستشفى ممكن تعملين بأصلك لكن تتحملين وضعهم مو مسؤوله عنهم
يدبرون أنفسهم يا أهلها يطبخون لهم أو أهل زوجها أو يجيبون خادمه ........

البنات ماقصرو في الرد

بس احب اضيف غلط انك تظنين او تتوقعين انه لازم زوجك يطيع كلامك كامل طاعه عمياء ومايعارضك وكذلك انتي غلط عليك تطيعينه طاعه عمياء في الشي الغلط

لابد يكون في اخذ وعطاء ونقاش هادي لتقريب وجهات النظر وايجاد طريقة مناسبه للاقناع او الاقتناع
يقولون لكل رجل مفتاح للوصول لقلبه وتفكيره ابحثي عنه واستخدميه بذكاء
لان الغضب والزعل والتوتر والبكاء لن يحل المشاكل للاسف

وعلى فكرة في ازواج اطباعهم وتفكيرهم متخلف ويعتبرون المرأه فقط للطبخ والنظافه والخدمه والحمل والتربيه وممنوع يكون لها رأي او اعتراض

وبصراحه انا مستغربه من اخو زوجك ليش راضي بهذا الشي انك تطبخين له ؟!
مايشوف انه تكليف وتعب عليك ؟!
وبرضوا زوجته ماتستحي وتخجل انك تطبخين لزوجها ؟! ماتحرك شي بداخلها ما اهتزت غيرتها ؟!
الزوجات الموظفات يقدرون يوفقون بين العمل والبيت حتى الطبخ يجهزونه ويحطونه بالثلاجه اذا هي ماهي قادره الناس ماهم مجبورين يحملون همهم

وبرضوا زوجك اعتبر حركته نوع من التدخل في حياة اخوه وزوجته يمكن هم راضيين بالوضع وعاجبهم ماطلبوا من احد يطبخ لهم والمطاعم ماليه البلد يقدرون يدبرون انفسهم .. بس زوجك الله يهديه

انتي خليك هاديه وحاولي تفهمين تفكير زوجك
وربما زوجك من النوع اللي ينفع معه تعملين نفسك ضعيفه عنده عشان يحس انه هو الرجال القوي عطيه من الكلام اللي ينفخه عشان يلين معك

وبالنسبه للطبخ طالما انتي مجهزه الاكل لبيتك امرك لله زيدي الكميه احترام لزوجك وصدقيني اذا زوجة اخوه مثل باقي الزوجات ماراح تقبل بهذا الشي لو تضطر تجلس بالبيت
اصبري وبإذن الله تنحل الامور

وكل شي بالتفاهم والهدوء يصير

الله يشرح صدرك وييسر امرك