لمسات حرير :

انا لسه والده فيه بتاريخ 6-11 -1429 والله يااختي مو على قد السب والكلام اللي قالوه عنه بالعكس كل شي فيه معقول وموجود بكل المستشفيات والتوفيق من الله انا كنت متخوفه منه ولكن بعد اللي شفته ولله الحمد تغيرت نظرتي ... اول شي ان الرجال مستحيل يكشف عليك الا في حالة الضروره ..والضرب اللي يقولونه ماشفت ولاسمعت ان وحدة انضربت خلال وجودي وبيني وبينك مايضربون الا اللي تمسخها معهم بالصياح او باشياء ثانيه وهي اللي جنت على نفسها اما اذا كنتي هاديه وتذكرين ربك محد يمد يده عليك .. وبالنسبه لغرفة الولاده كانت نظيفه وفيه عامله تنظف بالدقيقه مو على قد الكلام اللي سمعته عن الوساخه وبالنسبه للخياطه ففيه وحده شكلها سودانيه او فيها عرق سوداني متخصصه بالخياطه خيطتني من الداخل والخارج وخياطتها ولله الحمد ممتازه ..هذا اللي شفته بعيوني ومن تجربه اقولك..انا ولادتي الاولى كانت بمستشفى ثاني ولكن واضح ان اليمامه متخصصين وفاهمين في التوليد اكثر من غيرهم وانتي لاتروحين لهم الا اذا جتك اعراض ولاده ولاتجين في اخر لحظه تعالي بوقت كويس عشان يحجزون لك سرير ..بالنسبه لمابعد الولاده الممرضات السعوديات كانوا قمه في التعامل اما الفلبينيات فعلى حسب النفسيه والحمد لله مااحتجت لهم دام عندي السعوديات..وكان فيه مندوبه من شركة بامبرز توزع هدايا للمواليد وموظفه من قسم التوعيه تعطيك كتيبات تفيدك بعد الولاده وبالنسبه للاكل يشاورونك في اكلك ..وانا الحمد لله ولدت الساعه وحده بالليل وطلعت من بكره يعني ماطولت عندهم. اتمنى اني افدتك من تجربتي فيه والله يهون عليك وييسر ولادتك

انا لسه والده فيه بتاريخ 6-11 -1429 والله يااختي مو على قد السب والكلام اللي قالوه عنه بالعكس...