متزوجة ولكن........................

مرحبا بجميع العضوات وهذي أول مشاركة لي مع اني كنت دايما أدخل وأقرأ المواضيع وأتفاعل وياها بعد

طبعا حبيت أقولكم قصتي وأسمع رايكم وتعليقاتكم وطبعا قصتي للحين ماانتهت بس أتمنى ان وجودي وياكم يكون فال خير عليي

قصتي ياحبيباتي اني تزوجت من حوالي سنة وأربعة شهور وطبعا الزواج كان تقليدي يعني الولد ماكنت أعرفه ولا يعرفني من قبل لأني ماأؤمن بالزواج عن حب وأؤمن ان الحب يجي بعد الزواج وشاءت الأقدار ان احنه نتزوج مرة وحدة (يعني بدون فترة خطوبة) زواج على طول..المهم مابطول عليكم..العملية الجنسية ماصارت بيننا يعني ظليت عذراء...وزوجي طبعا عاش في حالة نفسية الله أعلم بها...ومع اني كنت أعاني ماكنت أبين له هالشي الا نادرا...لأني ماأبي أجرحه وكنت أبي أخليه يتجاوز هالمحنه لأن العلاج النفسي هو الأهم بهالمرحلة...وعشنا حياتنا وطبعا مرينه بمراحل كثيير بس الي أبي أوضحه لكم ان الحب الي نما بيننا حب مافي احد يقدر يتصور اي كثر...وكنا عايشين سعيدين وراضيين..رغم الألم الي داخلنا..وطبعا كل الي يشوفنا مستحيل يتوقع ان فيه شي منغص علينه حياتنا....وطبعا تتصورون يعني شنو ان الوحدة تكون اسمها متزوجة بس هي للحين عذراء وشهر ورا شهر بدأت أمي تسأل عن موضوع الحمل...والي كل شهر هي تنتظره طبعا وأني بدوري أتظاهر اني أنتظره...وأني كنت أتعذب وتمر عليي ليالي أصيييح بها صياح محد يتصوره...زوجي حاول بكل مايقدر انه يحطني في عيونه لأني كبرت في نظره وااااايد...وأني ماكان يهمني الا اني أوقف جنب زوجي...وراجعنه يمكن أكثر من 7 أطباء كلهم قالوا لنه ان كل شي طبيعي عندنا...ومن اليأس الي احنه فيه...اتجهنا لأحد المشايخ وقال لنه ان في احد مسوي لنه عمل...وزوجي كان مرتبط قبل بفتاة بس انفصل عنها...يعني ماكان متزوجنها بس كان في مشروع خطبة...وهو كان عنده شك ان هالبنت هي الي مسوية العمل لأن قالت له بالحرف الواحد "اذا تزوجت غيري ما بتتهنى في حياتك وبذكرك بهالشي" وهالعمل مدفون في قبر...وطبعا ساعتها اسودت الدنيا بوجهنا...ومرت سنه على زواجنا ومحاولاتنا مستمرة...وظليت بنت عذراء...لأن عملية الإدخال ماكانت تتم..رغم ان زوجي يمر بجميع مراحل العملية الجنسية بمافيها الانتصاب والانزال...بس الإدخال مايصير...المهم من حوالي شهر راجعنا طبيب جديد..وهالشي كان بعد شهر رمضان بحوالي اسبوعين..ووصف لنا كريم...وقال جربوا بعد وضع هالكريم لأن بيساعد على الإدخال...وطبعا وصف الفياجرا لزوجي...وصارت عملية الإدخال بس هالمرة بدون إنزال...والإدخال ماكان كلي...كان جزئي بس...بس في المحاولة الثانية صار إدخال كلي..وطبعا مو في كل محاولة نحاولها يصير إدخال...ألحين غشاء البكارة انفض..بس العملية الجنسية مازالت غير طبيعية...والدكتور اكد لنا ان احنه طبيعيين ومافينا شي...وقاعد الوضع يتحسن شوي شوي...وأهم شي ان احنه صابرين وراضيين بقضاء الله وقدره...

وبعدين راجعنا الدكتور من جديد..وعمل لي فحوصات قال لي ان البويضات عندك صغيرة فوصف لي على دواء "متفور 500" 3 حبات باليوم..والموعد الي بعده عمل لي سونار بعد ووصف لي كلوميد وقال اذا نزلت الدورة آخذه من 2 إلى 5 يوم..وأروح له تاريخ 12 أو 13 من بداية الدورة

الي خايفه منه ان صدق فيه احد مسوي لنه عمل....

طبعا أني بعتبر روحي متزوجه حديثا لأني ماعشت جنسيا كزوجة الا من فترة بسيطة بس

فأبي أسمع تعليقاتكم ولكم مني كل الشكر

الشمعة الحزينة