سندريللا 2000 :

هلا جالكسي باين ان شغالتك متنحسة قوة لكن حاولي تكسبينها لانك محتاجتها خصوصا انك حامل شوفي اول ماجتني شغالتي صارت تكب كل شيء تخيلي حتى اكياس المقاضي الحلوة تكبها بالزبالة مسكتها وقلت لها هالحين لو هذي الاكياس عندك ببيتك باندونيسيا تكبينها قالت لا .. وكذا كل شيء اقول لها عليه هذا لو ببيتك تكبينه لما تادبت وصارت ماعاد تكب اي شيء .. حتى لو يبقى بالترمس قهوة مقدار فنجال واحد ماتكبه لما تسالني ... ومرة عصرت ليمون تقريبا ثلاث حبات ونسيت احطهم مع السلطة لما جا بعد المغرب ابصلح عصير ليمون قلت لها وين العصير قالت كبيته .. خير ان شاء الله ؟؟ وزعلت عليها وقلت لها ان هذي نعمة لازم تحافظين عليها وحرام تكبينها .. وذكرتها انه لو هذا لك ماترمينه بالمجاري بهالسهولة ... الزبدة يالحبيبة انك لازم تعاملين الشغالة كانسانة لها كيان واحترام .. وذكريها ان تصرفاتها هذي راح يعاقبها الله عليها .. واذا مشت معاك صح عطيها هدايا وخليها بالمناسبات مثلا كل عيد اعطي شغالتي مئة ريال واقول لها انت انسانة كويسة وحبوبة مع الاطفال ونظيفة وهذي هدية لك .. تعالي شوفيها كانك سحرتيها بهالمية تقطع قلبها علشان ترضيك .. ايضا نقطة ثانية مالها شغل بالمصروف بس علشان فتحنا سيرة العاملات ابيكم تستفيدون .. بعض الاحيان اذا جيت اطلع يصير كله واحد عندي تروح ولا نجلس فاشاورها .. اذا تبي تروح ولا لا ؟؟ اذا جيت اطلع وما ابي اخذها ما اقول لها وين ابروح ابدا اخليها تساعدني بتجهيز الشنطة وبس واذا ابي اخذها اقول لها يلا مشينا ما اعطيها فرصة اني اشاورها لاني فعلا ابيها تروح علشان ما احب تصير في البيت وحدها او علشان تساعدني على الاطفال اذا طلعنا ..وبس

هلا جالكسي باين ان شغالتك متنحسة قوة لكن حاولي تكسبينها لانك محتاجتها خصوصا انك حامل شوفي اول...

raianh2007 :

هلا وغلا بكل البنات السنعات والمدبراات وراعيات الزين احب اطمنكم اني بخير وصحتي عال العال خخخخخخخخخخخخخخخخخخ بنات تذكرون في بدايه الحمله كيف كنت محطمه وحالتي النفسيه دمار من كثرة اديون والمصاريف وقلة السنع جيت لكم هلحين وبعد غياب ثلاث شهور وانا باتم الصحه العقليه والنفسيه واقول لكم اني صرت مرة سنعه ومدبرة والله يا بنات اني مو مصدقه الي صاير معي او شي سويت وزعت الراتب على حسب الولي فالولي <== احس الجمله غلط المهم اول شي كتبته سجلت الفواتير وحطيت لكل فاتورة مبلغلها وبعدين رواتب الخدم وبعدها مقاضي البيت ثم مصرووف البيت انا حطيت 1500 طبعا شامله بنزين السيارة والطواري وش سويت صرفت ال1500 على 50 50 ريال وكل يوم نصرف 50 والله ذا الحركه نفعت بشكل مو طبيعي لدرجة اني احينا اطلع 50 حتى لو مو محتاجين شي واقول للسواق رووح جيب كذ وكذ مثلا شكولاتات للبنات او اي شي نفسنا فيها ورجع حالنا الحمد لله تحسن وكثر الخير في البيت وما صرنا محرومين من شي ابد بس بقت مشكله وحده وهي السلفه الي على ما قدرت اسددها يبي لها مبلغ جامد انا وش فكرت فيه قلت اوزعها على اربع شهور مثلا وكل شهر ادفع مبلغ زايد يعني اشووف لي صرفه منا ومنا واسددها على اربع دفعات المبلغ تقريبا 14 الف ايه نسيت دخلت جمعيه بسيطه ب250 ريال شهري يجيني 2500 قلت باسدد اول دفعه من الدين الي على وبعدها ربي يحلها بس بجد يا بنات حبيت اقول لكم تجربتي والله ثم والله اني استفدت من الحمله بشكل وااضح وتحسفت على الفلوس الي صرفتها من قبل وقلت لو عقلي هلحين معي قبل كان ما صار على دين وقدرت اسدد كل ديوني وعلى فكرة ترى يا بنات انا مرة صريفه بس احاول اجاهد نفسي ولو اقدر عليها باقدر اجمع بالراحه

هلا وغلا بكل البنات السنعات والمدبراات وراعيات الزين احب اطمنكم اني بخير وصحتي عال العال...