المقروض
حلا ليبي من الحلويات الاساسية واللي مانستغني عنها مع كل انواع الحلويات اللي طلعت بعده
ونقولو عليه حلو زمني ياعني من ايام زمان ولليوم لازم يكون هو الاول علي شرف الحلويات الليبية
نجي للمقادير
4 اكواب سمدينا
كوب دقيق
ملعقة صغيرة بيكن باودر
كوبين زيت ساخن لدرجة الغليان
ماء عطر او ماء زهر
تمر
قطر للتعسيل
الطريقة
4 اكواب سمدينا اني خلطتتها درت كوب سمدينا نااااااااااااااعمة زي الدقيق
و3 اكواب سمدينا عادية مع نص ملعقة صغيرة بيكن باود وكوب دقيق
نضيف لها كوبين زيت سخووووووووووووون ونبسسها ونخليها علي جنب مدة يوم كامل او اقل شي 6 ساعات
نفرم التمر في الفود برسسر لن يجي معاي زي العجينة ونحطه في طنجرة ونقليه في شوية زيت وشوي قرفة
ولما يبرد نعصمه زي الصورة ونخليه علي جنب
ناخد السمدينا بالشوي ونضيف ليها ميه سخونة مغلية مع ماء عطر . ماكانش عندي ودرت ماء زهر
ونبداء نعجن شوي شوي لن يطلع معاي اللون الابيض هذا معنها العجينة بدت جاهزة
نحط علي الرخامة العجينة ونحط التمر ونصكر عليه
نلفه لفتين لن يمسك بعضه كويس
وننقشه
نحطهه في الطاجين وعلي الفرن لن يستوي من تحت وبعدين نشعل الفرن من فوق مجرد يشقر نطلع
ونصب عليه قطر بارد ويفضل ليلة كاملة في التعسيلة ( نسيت اصور هالخطوة )
وهنا جاهز
ونقدمه مع القهوة التركية وشوي ماء زهر و الف صحة وعافية
ماتنسوني من صالح دعواتكم بصلاح نيتي وذريتي والشفاء العاجل