زوجي ومحادثاته مع قريبته !

السلام عليكم
موضوعي ممكن يكون للاغلبيه تافه لكن كل وحده تحط نفسها مكاني وتحكم !
زوجي كان يوميا يرسل لي مسجات من الدوام وكمان لما يطلع وكنت محل اهتمامه ومن فتره انقطع عنها وقلت عادي مافيه شي يدوم
لكن اكتشفت انه يراسل وحده من محارمه الليل والنهار مع انها مشغوله لانها متزوجه وعندها عيال وردودها له يادووووب لكن ماينام الا ويرسل لها واول مايصحى يرسل لها اوقات ترد واوقات لا
كلها كوووووم وانه يمسح محادثاتها كوم ثاني !!!
انا مو شاكه فيهم ابد بس ليش يمسحها ويخلي محادثات الباقي !
حتى اذا مداوم ادخل اشوفه متصل وبنفس الوقت هذيك متصله ويطول يسولف معها واذا جيت اكلمه انا مايرد الا ردود مختصره ويالله خلصي :""(
حتى لما يرجع اقوله وش اخبار فلانه من زمان عنها يقول بخير وبس !
كل ذالساعات يعني مافيه سالفه تنقال لي !


بيني وبينكم بديت اغار منها مع انها حبيبه وقلبها طيب لكن زوجي يحب يسولف معها اكثر مني :(:(
حتى يحكي لها اشياء وسوالف عنه انا ابد ما اعرفها الا لما اقرا المحادثات
كمان جاب لها هديه قبل فتره وماشفت الا وهي تشكره ع الهديه وعصبت وصارحته بس قلت انها هي حكت لي مو انا قريتها
فقال سالفه تافهه مو لازم اقول !!
كيف اخليه يراسلني مثلها او يقلل من مراسلتها
لحد يقول بينهم شي والشيطان شاطر ووو هالنقطه متاكده منها مابينهم اي شي حتى هي مشاعرها تجهه عاديه جدا بس هو متعلق فيها بقوة ماكان كذا !