مرحبا يا قمرات
ما اعرف ليش اغلبكم ما تضبط دونات المكينه بس يالله مو مشكله هذي طريقتين ان شاء الله سهلين وباذن الرحمن ناجحين
اولا دونات حلوه
كوب سكر بودر
1 ونص كوب طحين منخول مع 1 م ص بيكربونات صودا ومثلها بيكنج بودر
نص م ص ملح ومثلها فانيلا
2 بيض
نص كوب زيت ومثلها ماي ومثلها لبن
تعجن وتريح 5 دق
المكينه تاخذ 3 دقايق للصبه بعد دقيقنتين افتحي واقلبي بسرعه وراح تتحمش زين وخليها حتى لو انطفت اللمبه صبري دقيقه
المقدار يكفي 6 صبات وعوافي
الدونات المالحه
كوب طحين
1 م ك بصل مفروم ناعم
1 م ك كزبره خضره ناعمه
1 م ك شبنت مفروم
فص ثوم ناعم
نص م ص بيكنج ومثلها بيكربونات
نتفة كمون وفلفل اسود وملح وكركم
نص كوب ماي
3 ملاعق طعام زيت ومثلها لبن
بيضه
عجنيها وخليها 10 دق وصبي ونفس الشي قلبي بعد دقيقتين كل صبه
وعوافي
=======================================
كريمه سهله جدا
القالب هذا ما نفعني بالكيك استخدمته مره وضبط بس بعدها كل الكيك يلصق وما تطلع شكلها مثل القالب جربتها اليوم بالكريمه الجاهزه بخدعه بسيطه غيرت طعمها
2 باكت كريم كرمل اي نوع
كوب حليب بودر
3 كوب ماي
كوب ماي دافي مضروب بالخلاط مع 4 حبات كيري وفانيلا ونتفة بشر ليمون
رشي السكر المحروق بالقالب الكيسين الي مع الكريمه
ذوبي الكريمه بالماي والحليب على النار وبس يغلون ارفعي واضيف الماي بالكيري وقلبي زين وخليها تبرد شوي صبيها بالقالب وبرديه 5 ساعات او طول الليل واقلبيه بالراحه وطعمه كانه تشيز كيك خفيف :)
158210
158211
158212
158213
ماكو اسامي @mako_asamy
كبيرة محررات
يلزم عليك تسجيل الدخول أولًا لكتابة تعليق.
ماشاء الله علييييييييج أطبااق رووووووووعه ماشاء الله:)
وشكل الكراميل لذيييييييذ ومميز:27:
وشكل الكراميل لذيييييييذ ومميز:27:
الصفحة الأخيرة
انا لازم اشتري الة الدوناااااااااات وبعدها اقولج على تجاربي
بارك الله في جهووووووودك
:26: