وحشتوني انتم و إبداعكم الدائم ,,
هذي فكرة لعبة جداً ممتعه اسمها لعبة " المكر الملون " <<<توها تخترع الاسم ترى ,
خاصه وقت الحفلات و المسابقات وهيك ,
في حفله حضرتها و انا جبت الفكره و جربناها وكانت
مره حلوه و اعجبت الكل ,
....
الفكره هي إنك تجيبين مكر"لفافات الشعر" ,
و كمان توفرين شرايط ساتان ملونه ,
ابيض , احمر , ازرق , اصفر, اسود .
((اي عدد الشرايط المقصوصه بين 28 الى 30 مو تغلطين وتجيبين ساتان ملون عدده كذا)) .
انتِ قصي من نفسك يعني نوعي بين الالوان .
وتقصينها حول " شبرين و نص" <<<<< تتعامل بالاشبار بث ,
بعدها تجيبين "بنس الشعر صغيره وكبيره" .
(( ببساطه اللعبه عباره عن مكره و تلفين عليها بالشريطه الساتان و تبنسينها بالبنسه و بس )) ,
و الزين باللعبه ان فيها تحديد اللوان في الورقه "تعطي حماس اكثر" ,
وكمان الوقت محدد ويزيد الشغل ,,
...
تجيبي ورقه وقلم و تحددي الالوان المطلوبه
يعني تكتبي بالورقه رقم 1:
(( 3 أحمر ,
2أصفر ,
4 أبيض ,
2بني ,
3 أسود )).
و الورقه رقم 2 :
(( 4 أبيض ,
1 أحمر ,
3أصفر ,
2 أسود ,
4 بني )),
و تصفطين الورقتين ,
وبعدها تخلي بنت مثلاً اسمها ( منال ) تختار ,
والبنت الثانيه ( رولا ) تأخذ الورقه الثانيه طبعاً ,
او انتِ توزعي بينهم الورقتين ,
وبعدها تحددين الوقت لهم يعني { اللي تخلص المطلوب في ورقتها خلال2 ونص أو 3 دقائق تفوز ,
أو اذا ما خلصت و انتهت الثلاث دقائق , تحسبين كم وحده سوت
مكره ملفوفه ,
وتفوز اللي اكثر} ..
والاهم ان كل وحده تتبع نفس اللي بالورقه من ناحية الالوان .
و انتِ يمديك تزيدي عدد الشرائط المقصوصه ,
و تزيدي الالوان , و كمان الوقت ,
انتِ واللي يناسبك ..
هذي الصور توضح:
لازم تخلطي الشرايط الساتان مع بعض ,
عشان المتسابقه ما تسحب اللون بارد مبرد ..
كذا الطول تقريباً ,
~
و بكذا يكون الشكل ..
أتمني إني وفقت بالشرح ,
وان اللعبه أعجبتكم .
دعواتكم لي بالتوفيق و النجاح
و الرزق الحلال..
......
أسأل الله أن يرفع عن كل مسلم ومسلمه البلاء ,
و ان يبلغنا واياكم ليلة القدر و يدركنا..