جربتي معاه كل الطرق اللينة ومانفعت
معناته حولي على الوجه الثاني معاه
ماراح اقولك اضربيه والا خلي ابوه يضربه لأن الضرب له اثار سلبية على المدى البعيد حتى لو انه اعطى نتيجة ايجابية في الوقت الحالي
جربي معاه اسلوب الزعل والتهميش اسبوع او عشرة ايام ..
الزعل كم ساعة مايفيد بشي لانه عارف انه وضع مؤقت وماعنده مشكلة في الوقت طالما قليل ..
لازم كم يوم يستوي فيها على نار هادية ويحس بالساعة كأنها دهر
انتظري لين يسوي غلطة من غلطاته ويراددك ..
قولي له انت قليل ادب وانا جربت معاك كل الطرق ومافيك فايدة
خلاص لاتكلمني ولا تقرب مني ابدا انا زعلانة منك وقررت اني ماعاد اتعامل معاك
ونادي اخواته قولي لهم لاتكلموه ولا تلعبوا معاه ولاتردوا عليه لو سألكم عن شي
اللي بترد عليه لاتكلمني هي كمان .. عشان يخافوا ومايخربوا خطتك
وروحي واتركيه ولاتضعفي ابدا لو قعد يبرر ويتكلم ..
لازم يحس ان الزعل هذي المرة غير وان الكيل طفح معاكي واتقفلت الابواب عليه من ناحيتك..
يمر قدامك لاتطالعي فيه ولا تردي عليه حتى لو كلمك وجا يعتذر ..
غالبا بيجي يتكلم عشان يفتك من وضع المنبوذين اللي بيعيش فيه .. لاتعطيه مجال
لازم يذوق التطنيش كم يوم
وقت الصلاة بصوت عالي قولي قوموا صلوا ولاتوجهي له الكلام مخصوص نهائيا
لاتناديه وقت الغدا او العشا .. نادي الصغار بالاسماء ولاتقولي اسمه
صدقيني وقتها بيكون يسمعك اكثر منهم وينتظر اسمه عشان يجي ... لاتعطيه وجه
اذا جا خليه يقعد وياكل من غير ما احد يعبره .. كأنه مو موجود بينكم ابدا
واذا سوى فيها العناد وما قعد معاكم خليه ..
بيحس بالجوع و بيدخل المطبخ ويدبر نفسه ..
لاتقولي صغير مايعرف يتصرف ..
انتي حطي الاكل في المطبخ بطريقة تخليه يعرف يحط لنفسه ...
لاااا تجهزي له صحن .. انتبهي .. لازم يحس ان ماما ماعادت تهتم لأمره ابدا وان زعلها مرة كبير
هو بيجهز صحنه بنفسه وبيتورط وبيحس بقيمتك
طنشيه تماماااا .. اليوم الثاني بتلاقيه اول واحد قاعد على السفرة
من ناحية ثانية خلي الوضع مع ابوه اخف شوية ..
يزعل منه يومين زي طريقتك .. بعدين يعطيه مجال لو جاه وكلمه .. لايناديه .. يخليه لين يجيه من نفسه
يقوله امك زعلت منك هذي المرة زعل مو بسيط عشان قلة أدبك وتستاهل اللي يصير لك
واتوقع انها ماراح تسامحك ابدا .. الا لو اثبتت لها انك تغيرت
طيب كيف اثبت وهم كلهم زعلانين مني مافي احد يكلمني ؟؟
تثبت لها بتصرفاتك ..
لو شفتها تشتغل في شي في البيت روح وساعدها .. بترفضك طبعا لانها زعلانة
بس انت لازم يكون عندك اصرار انك توريها قد ايه انت تغيرت ونفسك انها تسامحك
تقدر تساعدها في مكان ثاني غير مكان وجودها ..
رتب غرفتك مثلا .. وقت الغدا والعشا جهز معاها السفرة مو تستنى احد يناديك وتجي تاكل وتقوم ..
شيل الصحون معاها
لمن تشوفها قاعدة في الصالة روح للثلاجة وشوف لو فيه عصير ودي لها كاسة
مافي عصير .. ودي لها كاسة مويه وحطها وروح لاتستناها تكلمك لانها ماراح ترد عليك
لمن تشوفك كم يوم انك فعلا تغيرت يمكن تسمح لك تفتح الموضوع معاها وتكلمك .. يمكن مو اكيد
ولو انا شفت انك فعلا تغيرت وقررت تصير مؤدب .. انا بساعدك واصير واسطة واحاول اكلمها ..
ان شاء الله ترضى تسمع مني مع اني عارف انها خلااااص كرهت تصرفاتك وماتبغى تشوف وجهك ..
شفت قلة الادب وطولة اللسان ايش تسوي ؟؟
يحسسه ان رضاكي هذي المرة صعب وان اللي يسويه اسمه عقوق ولو ما تأدب وهو في هذا السن راح يكبر معاه وربنا بيغضب عليه ومايوفقه في حياته ابدا
ويكلمه في موضوع الصلاة بحزم وصرامة
يقول له صلاتك لاتكذب فيها .. اول ما يأذن قوم اتوضى وصلي
لو عرفت انك مستمر في الكذب في الصلاة والتهاون فيها ..
وقتها انا بزعل منك وامنعك تقعد معانا على الاكل ولا تجلس معانا ولا تخرج معانا نهائيا عشان تارك الصلاة كافر واحنا مانبغى كفار بيننا
ولمن تكبر وتبغى تتزوج كل مارحت تخطب بنت احد بقولهم ترى ولدي مايصلي وبيرفضوك لان مافي احد يرمي بنته عند واحد مايخاف ربه ومايصلي
طولت عليكي بس عطيتك وصفة مجربة وناجحة مع عناد الاولاد ..
الزعل والتطنيش بالايام يعيشه تعاسة حياة المنبوذين ويخليه يستوعب اغلاطه ويصلحها عشان ماتتكرر المأساة مرة ثانية
ربي يفرح قلبك بصلاحه وهدايته ويبلغك فيه وفي اخواته : )

الله يصلحه

مشكورين حبيباتي على تجاوبكم معاي ...بس بالنسبه  للهدايا انا اعطيه كمكافئه لتصرفاته الزينه مو اعطيه عشان مايصرخ علي ..بالعكس  ما اكلمه اذا ستصرف معاي بقله ادب واحترام .....الين يرجع ويعتذر  ...بس انا احس  رفع الصوت وعدم الادب في الكلام صار طبع فيه والمشكله حتى الصلاه مدري كيف احببه فيها ..استنى ردودكم بنات اللي قد مررت بالمرحلة هذه من تربيه الاولاد تررد علي جزاكم الله الجنه 

مشكووورين حبايبي

مشكوورة حبيبتي pulm and pearماقصرتي والله يجعل كل حرف كتبتيه في ميزان حسناتك ياعسل .....الله يجزاكم الجنه جميعا لكل اللي تجاوبو مع مشكلتي مررة ثانيه اقولكم مشكوورين ..