وش. الحل شي يطفش

السلام عليكم
بنات انا ساكنه في دور وتحتي ناس ساكنين دور ومدخلنا واحد حوش سيب ودرج
الدور الاول شقة الجيران وسطح شقتي واللي وصاحب البشقه ساكن فله هو قاص منها شقتين فهمتو علي كيف الزبده شقتنا اللي يسمنوها شقق مسروقه ههههه ان شاءالله وصلت الفكره
المهم المشكله في الدرج والحوش محد ينظفه يعني تعرفون بالرياض وجونا جو غبار
يبيله اقل شي كل اسبوع مره
طبعا الشقه اللي تحتي نظاف ماشاءالله حتى الزباله مايحطونها عند الباب وماعمري شفت عليهم شي
بس مشكلتنا العوامل الجويه مثل اذا جا غبار وعج محد يغسل الحوش و الدرج واذا تركناه وسخ الشقق
طبعا زوجي شراء خرطوم عشان اغسل فيه الدرج وقت مايطلعون الشقه اللي تحتي اغسل كل عشر ايام مره
والحمدالله صارنا نحس بنظافه بس من بعدها صاحب الشقق هو ساكن فله جنبنا صار يقول الزوجي حوشكم ودرجكم لاتغسلونه لانه يضعف المويه وزوجي خلاص صار يمنعني اغسل وتشوفون حال الدرج والحوش كسيف وسخ الطيور وتراب وطين ودرج وسخ ومغبر حاجه تكسف ومن اقول الزوجي بغسله يقولي تمسكين خرطوم المويه ياويلك ابو الجيران يقول لا تغسلونه وعلى ذا الحاله شهرين مالمسته والله كرهت البيت ومدخل الشقق وكل شي من القرف وزوجي ماهمه واخرها قبل شوي جهزت العده بعد ماكلمت جارتي وقالت طالعين هي وزوجها وماراح يرجعو الا 12 بالليل قلت فرصه اغسله وشافني زوجي قال وش بتسوين رجعي كل شي مكانه وياويلك تغسلينه فاهمه
قلت اكنسه طيب قال لا ماهي شغلتك قلت طيب جيبو عامل يكنسه تحركو مو ساكتين زي اللي معجبكم الوساخه قال انسي نجيب ولا تفكرين وخلاص شوفي جارتك اللي تحت عادي متعايشه مع الغبار والوسخ خلك مثلها تعايشي ماعليك الا من شقتك وبس والخرطوم اللي شريته راح ارميه
استغربت زوجي وردت فعله وانا صراحه تعبت وش الحل
تخيلو معاي المدخل كلو كلووو مغبر ووسخ حمام والله حاجه تقرف وغسيله ماياخذ نص ساعه شي يقهر :( وش الحل اخواتي