من جد تعبت واحترت --افيدوني!!

الأسرة والمجتمع

السلام عليكم ورحمة الله وبركاته
اخواتي العزيزات--انا من جد تعبت واحترت--فارجوا منكم افادتي ومساعدتي--
قبل اسبوع سافرت ام زوجي وبنتها اللي باقي ماتزوجت يتمشون حول خمس ايام --المهم ان في بيتهم كان فيه ابوه وهو رجل كبير مقعد وجت عنده احدى بناته المتزوجات هي وعيالها واعتقد وانا لا اجزم ان زوجي في خلال فترة غياب والدته انه لم يزر ابيه وانا مااعذر له بس فعلا وقتها كان جدا مشغول واتوكل على الله ثم ان عنده اخته وانهم اذا بغوا شي راح يتصلون هذا غير ان زوجي الاوسط يعني فيه اخيهم الاكبر والاصغر منه وكلهم ماشاءالله متزوجين وفاتحين بيوت---المهم من رجعت والدته من السفر وانا احاول الاتصال عليها هاتفيا حتى اتحمد لها على السلامه بس هي ماترد على اتصالاتي وفهمت من زوجي انها زعلانه لانه لم يذهب لزيارة ابيه---طيب انا وش دخلني؟؟؟
تعبت بصراحه اهل زوجي من الناس اللي صعب ارضاؤهم--بس اللي ابي اعرفه منكم هل انا مخطئه في شي؟
هل من حقها ماترد على اتصالاتي؟ واذا من حقها ليش؟؟
كمان احنا نجتمع اسبوعيا عندهم--كيف باروح اقابلها وهي ماردت على اتصالاتي؟؟ هل بتستقبلني زين او تصد عني؟ قاعده افكر مااروح للجمعات احس اللي رفضت اتصالاتي ماراح تستقبلني ببيتها برحابة صدر --افيدوني؟؟
9
863

يلزم عليك تسجيل الدخول أولًا لكتابة تعليق.

تسجيل دخول

دلوعة علولي 11
دلوعة علولي 11
والله ياحبيبتي ماغلطتي بشي بس هم كذا اكثر امهات الازواج اذا الولد غلطت حطت اللوم بزوجته على باله اهي اللي تحرضه على هالشي والله انا مثلك اذا زوجي امه زعلت منه والله تزعل مني بعد وتقعد تدعي على عيالي
والله شي يفقع القلب
Princess amal
Princess amal
الله يعينك والله ما ادري وش اقول بس انتي ما اخطيتي واذا تقدرين واجهيها وقولي لها انو مالك ذنب ابد وهو رجال ويعرف الي له والا عليه مو معقول راح اقوله لا تزور ابوك
الله ييسر لك
دون@
دون@
زوجك مهما كان مشغول ابوه له حق فيه وله حق الوصل ومستحيل خلال اسبوع مايلاقي ساعه يأدي الواجب

انتي اكيد مالك ذنب بالموضوع ومعليش تحملي عدم ردها ماخذه بخاطرها او مشحونه وبعض الحريم الكبار تعم الخطأ ماتخصه

كرري اتصالك ولو سمعتي منها كلمتين مو حلوين تعذري بالقصور والانشغال ,لاتزعلين ووتشيلين هم الدنيا فانيه ماراح ناخذ منها شي

وزوريهم تراها غيمه وبتروح ,لاتوقفين عند بعض المواقف تجاوزيها وباسلوبك امسحي الخطأ لو هو موجود عشان تكون حياتك هاديه وسعيده

:)
**الشووق**
**الشووق**
الله يعينك وانتى ماغلطتى
أم يارا و روينا
الله يعينك والله انا مثل حالك أهل زوجي يزعلهم زوجي وعلى بالهم اني أحرضه عليهم الله يهديهم ويسخرهم لي
بس انتي لازم تروحين لانك لو مارحتي بيقولون عارفه نافسها انها غلاطانه وماتبغى تواجهنا
بالعكس اختي روحي وخليك واثقه من نفسك وماأعتقد عمتك بتصدك وانتي فهميها وبعدين
نصيحه حثي زوجك لايقطع اهله وبصراحه حركته قويه على الاقل كان ساعه بس يجلس معه بس انتي مو غلطانه الغلط من زوجك