طفشت من كثرالاسماء
ال جي حلوه والصابون ارييال تنظظف ماادري السر بالغساله او الصابون او ملابسنا لان ماتتوسخ مره بمدنيه مافيه ذاك البقع مااشوف قلة التنظيف اللي البنات يشتكون منه ماشاءالله ولله الحمد
طيب وين العروض اللي تقولين اختي الان؟؟
حموزيه
حموزيه
شوفي اسم الشركه او الماركه هي بس للجوده
وكل شركه لها موديلات كثيره
يعني لو واحده قالت لك سامسونج مثلا كويسه ومريحه
بتروحي السوق بتلاقي سامسونج اشكال والوان وموديلات واسعار وبتحتاري اي واحده تأخذي
المهم اذا تبغي غساله مع مجفف مافي الا الغسالات اللي من الامام فقط
من فوق مافي اي غساله فيها مجفف
وترى مو كل الغسالات اللي من الامام فيها مجفف
في بعضها غسالة بس وبعضها غساله ومجفف في نفس الجهاز وبعضها تكون الغساله تحت والمجفف فوق يعني جهازين فوق بعض
وانتبهي تأخذي الغساله اللي من فوق وفيها عصا في وسط حوض الغساله لانه غسيلها مو كويس وماتحرك الملابس مضبوط
ترى انا اتكلم عن تجربه انا جربت كل انواع الغسالات
لقيت احسن شيء الغسالات اللي طالعه جديد من كم سنه اوتوماتيك من فوق بدون عصا في الحوض تغسل الملابس كويس زي الغساله ام حوضين بس هي حوض واحد تغسل وتعصر
مااعرف انزل صور والا كان وريتك
بس انصحك تأخذي غساله كبيرة اكبر شيء وخاصة اذا متزوجه وعندك اولاد
واختاري الغساله اللي فيها خيارات لمقدار الماء وحرارة الماء وعدد مرات الشطف وقوة العصر
انصحك تروحي هايبر بنده هذا الاسبوع وشوفي ايش عندهم واذا مالقيتي السعر اللي يناسبك انتظري الاسبوع الجاي
طبعا انا قصدي من هايبر بنده لانه يبيع اجهزة وكل اسبوع يسوي تخفيضات
بس لازم تروحي مو تعتمدي عالمجله لانه في اشياء وعروض اكثر من الي في المجله
واذا اشتريتي من عندهم لا تنسي تسوي ختم عالضمان
او شوفي عروض في محلات ثانيه
بس اتوقع المبلغ اللي عندك مايكفي غساله فيها مجفف ولا غساله كبيره
انا عندي غساله من الامام كبيره 11كيلو مع مجفف تقريبا 2700 طبعا هذا سعر العرض والا سعرها مايقل عن 4000
بس عندي اللي من فوق بدون عصا احسن من اللي عندي
لانه اللي من الامام لازم صابون خاص وماتقدري تحطي اي صابون ولا تقدري تحطي شامبو العبايات لانه الرغوة بتصير كثير وتطلع بره الغساله وتخرب الغساله ولازم يكون عندك ملابس كثير لانها كبيره وما فيها خيارات لمقدار الماء زي الغساله اللي من فوق وماتقدري تشيلي وتحطي في الملابس زي اللي من فوق لانك لو فتحتي الغساله بتكب المويه عالارض
احسن اشتري غساله من فوق بدون عصا بدون تردد
واذا ربي رزقك بعدين اشتري مجفف يصير احسن تغسلي في واحده وتجففي في الثانيه وخاصة اذا مستعجلة او عندك ملابس كثير او ملابس مشكله ابيض وملون واسود
حموزيه
حموزيه
طبعا الغسالة الاوتوماتيك لازم يبغالها تجربه وخبرة
واكيد اللي تجرب الاوتوماتيك اول مرة بتتعب بس بعدين مع الخبرة والتعود بيصير تمام وتقدري تتحكمي بطريقة الغسيل اللي يناسبك
تقهرني اللي بس تشغل الغساله وتتركها الين ماتوقف وتشيل الملابس بدون ماتشوف الغساله كيف غسلت وكم مرة شطفت وغسلت كويس ولا لا
كذا خطأ لازم نشوف الغساله وخاصة اذا جديده
لازم نشوف الغساله كيف غسلت لانه احيانا يكون في شيء غلط او نختار البرنامج غلط وبعدين تجي الواحده وتقول الغساله مو كويسة وترميها وتذم فيها وتنصح غيرها انه ماتشتريها
المهم ترى انا عندي خبرة في الغسالات
اي واحده عندها مشكله في الغسيل انا حاضره
عفيفة بحجابها
عفيفة بحجابها
يوالله حمدالله على النعمه الى حنا فيها غساله ومجفف
اللهم لك الحمد غسالتى سامسونج لها تسع سنوات
ان شاءالله تكمل معروفها لين نسكن بيت العمر
بـــوحـ
بـــوحـ
طيب ايش مميزاتها؟ وعيوبها؟ وتنشف الملابس؟ يعني على طول على الدولاب؟!
طيب ايش مميزاتها؟ وعيوبها؟ وتنشف الملابس؟ يعني على طول على الدولاب؟!
غسالة سامسونج عندي من 7 سنوات حلووه
وهي ماتنشف تطلع الملابس مبلوله
اذا تبين نشاف على طول على الدولاب نشاف سامسونج اخذته ع 1200