قالت لي (ولدج ما فيه مذهب)!!!!!

مرحبا بنات..

اليوم حصل موقف ضايقني وقهرني حيييييييييل :44:

طبعاً أنا وأهل زوجي ساكنين في بيت واحد (أهل زوجي ما شاء الله تسعة)

اليوم الخميس والسهرة عندنا .. والكل موجود.

يوم قربت الساعة على ثمان طلعت غرفتي عشان اسوي كوب الحليب حق ولدي فديته .. وهو كان يالس تحت مع امي (أم زوجي) وعماته وخالتهم .. ويوم نزلت فاجأتني امي تقول (ولدج ما فيه مذهب .. يقرص ويضرب عمته) :huh:

انا صراحة انصدمت من الكلام .. لأني من وقت ما بدا ولدي يتحرك (يعني قبل ما يكمل السنة) وانا اقول لكل اللي في البيت اذا الولد سوا اي شي غلط وانا مب موجودة لا تسكتون ونازعوه عشان يعرف انه هذا شي غلط ... وكانت امي (أم زوجي) دايما تقول: (حرام بعده نونو ما يفهم)!!!!!!!!!!!!!!!!!!!!!!!!!

ومن فترة ولدي كان يالس مع ابوه العود .. وبغا الولد يضربه .. ويوم ييت بانازعه رد ابوه العود وقال (خليه خليه .. بيني وبينه ما حد له شغل)!!!!!!!!!!!!!!!!!!!!!!!!!!!!!!!

ومن كم يوم قالت لي امي (أم زوجي) أن الولد ضرب ابوه العود .. فقلت لها امي انا قلت لعمي من الأول ينازعه يوم بدا يسوي هالحركات بس هو ما طاع .. ووالله اني ترجيتها تقول لعمي ما يسكت للولد يوم يتصرف بهالشكل !!!!!!!!!!!

وأمس قالت لي امي (أم زوجي) أن الولد ضرب عمته .. فسألت عمته انتي كيف تلعبين وياه؟؟؟ .. فقالت لي: (احنا مرات نضرب بعض باللعب .. يعني مب ضرب ضرب بس لعب)!!!!!!!!!!!!!!!!!!!!!!!!!


طيب يا جماعة .. أنا من الأول قلت لهم ان الولد الصغير ما يفرق بين اللعب والجد .. واذا سكتنا له على الضرب أول مرة حتى لو كانت لعب فبياخذها على انه تصرف عادي وبيتعود عليه .. لكن ما حد سمع الشور والحين هم ينقدون علي وعلى ولدي :44:

وبعدين انا ولدي ما يسوي هالحركات معاي ولا مع ابوه .. لأنه أول مرة حاول يسويها نازعته على طول وفهمته انه الضرب عيب .. مع انه فديته كان يلعب .. يعني ما كان يضرب بجد.

:44:

انا صراحة اليوم ما سكت .. وقلت لامي (أم زوجي) اني من الأول قلت لكم لا تسكتون عن هالحركات وما طعتوني فليش الحين تشتكون؟؟؟؟؟؟؟؟

طبعاً ما سويتها مشكلة ولا تهاوشت .. بس وايد تضايقت .. وكلمة (ولدج ما فيه مذهب) عورتني واااااايد لدرجة اني طلعت غرفتي من القهر اللي فيني ولا كملت السهرة وياهم مثل العادة .. وكل اللي كنت افكر فيه ان الولد بيتأثر بكل واحد موجود في البيت لكن ما حد راح يتحمل مسؤولية تساهله مع الولد والكل بيحملني انا بروحي نتيجة أي غلط في سلوكه لأني أنا امه :44:

واللي صار اليوم أكبر دليل :06:


انا قلت باكتب لكم عقب ما اهدا شوي .. بس صراحة بعدني فيني غصة وقهر .. ومب عارفة كيف اتصرف .. أنا ما ابا ولدي يخترب أو يطلع عدواني أو يكتسب عادات قبيحة وسيئة تخلي الناس ما تحبه ولا أباه يطلع ما يحترم أهله .. وأنا اساسا تركت الشغل عقب ما كمل السنتين لأني أدري أن هالمرحلة مهمة ولازم أكون موجودة وياه .. بس بعد مب معقولة اتم لاصقة فيه أربع وعشرين ساعة عشان اراقب تصرفاته .. ومب معقولة احرمه من اهله خصوصا ان احنا كلنا في بيت واحد وهو وايد يحبهم ويحب يقعد وياهم .. وهم بعد يحبونه بس الواضح من المواقف السابقة انهم يتساهلون أحياناً مع الولد في مواقف انا اشوف انها تحتاج للشدة والحزم .. وعقب ينتقدون!!!! :06:

والمشكلة ان هالمواقف تصير وهو عندهم في غرفهم أو في الصالة .. وانا اكون في غرفتي وما اعرف بالسالفة الا عقب ما تصير .. وانا اعرف ان احنا ما نقدر نحاسب الطفل على خطأ مرت عليه فترة .. ولازم نحاسبه عقب الخطأ مباشرة .. وهذا ما يصير يوم يكون الولد مع حد فيهم. :crap:

بشو تشورون عليّ؟؟؟؟؟؟؟ :44: