مرحبا ياصبايا
كيف الحال ...نخش في الموضوع اليوم جاء على بالي اسوي جريش واتمنيت اني أتغدى جريش لأني كنت جووووووعانة مرررررررة بس حيل الله أقوى جايه من العمل تعبانة قلت يابنت نامي وبعدين خير....:44:
قمت من النوم العصر وباقي الجريش في دماغي،،، قلت مبداهاش باءءء
وأدخل المطبخ دخول المحاربين وأبدأ بسم الله وقلت للشغالة جهزي مقادير الجريش ففتحت فمها وقالت يا مدام مافي معلوم مقادير وقلت لها مليون مرة مسويته باقي مافي حفظ مقادير؟؟؟؟؟:42:
المهم ندخل في صلب الموضوع لأني بديت أثرثر وسويت الجريش وكليت والحمد لله ثم حبست بالشاهي على قولة أخواتنا في مصر الحبيبة وقلت في عقل بالي لازم اشارك الحوائيات طريقة عمل الجريش...
المقادير والطريقة مرررررره سهلة
بسم الله على بركة الله
المقادير:-
لكل كاس جريش 2 كاس لبن سائل و2 كاس ماء بارد
الكمية اللي سويتها دبل يعني 2 كاس جريش واربع كاسات لبن واربع كاسات ماء
بصلة كبيرة مقطعة صغير
شوية كمون وشوية زيت وملح حسب الذوق وممكن شوية ملح الليمون ( حسب الرغبة )
2 فلفل أحمر حار
الطريقة:-
نضع المقادير مع بعضها مرة وحدة ماعدا الفلفل الأحمر ونضعها على نار عالية لغاية مايغلى ثم نخفف النار شوي يعني تكون وسط لمدة 15 دقيقة ثم نضع الفلفل الأحمر، ونحركها جيداً أخس ياللغة العربية الفصحى
ثم نقصر على النار تكون نار هادية جداً وبين فترة وفترة تحركين الجريش . أنا خليته على النار تقريباً ساعتين ونصف
في هاالوقت قمت وعملت الكشنة أو الشطة يمي يمي يمي خطيرة
وهاذي مقاديرها:-
بصلة كبيرة مقطعة صغير
فلفل أحمر يقطع شرائح صغيرة
ليمون أسود مطحون وحدة
فلفل اسود + بهارات الكبسة + ملح
طبعاً أأأأأأكيد الزيدة أنا حطيت تقريباً أصبع وهذا شيء يرجع لكم ياعسولات
الطريقة:-
أحط الزبدة في الطاوة أو القدر طبعا على النارلغاية مايطلع فقاقيع
ثم نضع البصل على الزيدة لين تذبل وبعدين نحط الفلفل الأحمر المقطع قم البهارات ومسحوق الليمون الأسود والملح حسب الرغبة لأن اللومي حامض ونحركه قليلاً مع بعض لغاية مايتجانس وتطلع ريحة الكشنة اللي تتدوخ وبالذات الواحد جوعان
في هاذي الأثناء أستوى الجريش وفرغته في الصحن وحطيت على وجهه الكشنة وإذا حابات تزيدون ذوبة بيكفكن لأاني أكتفيت بزبدة الكشنة وأنقضيت على الصحن كالوحش الكاسر ههههههههههههههه :o:o:o
أبي الردود السنعة ولاتنسون التقييم إذا موضوعي يستحق،،،،
الرجاء منكن أن تدعولي بأن الله يفك كربتي وينصرني على من ظلمني ويهدي زوجي وبنتي ويسخرهم لي ويرزقني بالذرية الصالحة
قولوا آآآآمين
سامحوني على التطويل ... وأي إستفسار أنا جاهزة،،،
سحابة سديم @shab_sdym
محررة فضية
يلزم عليك تسجيل الدخول أولًا لكتابة تعليق.
ماشاء الله شهويتيني على الجريش
احبه بس مااحد ياكله في البيت الا انااااااااا
واتعيجز اسويه
احبه بس مااحد ياكله في البيت الا انااااااااا
واتعيجز اسويه
الله يعطيك العافيه
بصراحه طريقه سهله ومريحه
بس بسألك ممكن استبدل الفلفل الاحمر بالفلفل الاخضر..؟؟ و احطه زي ماهوه ولا اقطعه..؟؟
وممكن احط دجاااج مفتت عليها..؟؟
بصراحه طريقه سهله ومريحه
بس بسألك ممكن استبدل الفلفل الاحمر بالفلفل الاخضر..؟؟ و احطه زي ماهوه ولا اقطعه..؟؟
وممكن احط دجاااج مفتت عليها..؟؟
الصفحة الأخيرة
تيب ليه ماصورتيه ياقلبوو