الله يعين المعلمات على هالجيل خبرو اولياء امورهم خلوهم يربون بناتهم والله انا صايرين نسمع قصص من بنات هالوقت تشيب الراس اللي تغازل زوج معلمتها على شان تقهرها تخيلو واللي ترسل خويها يرمي معلمتها بالحجاره وهي واقفه تشرح واللي ترمي بالطوبه من فوق الصطح على المعلمه بس طبعاً ماجات فيها مادري هي تبي تخوفها بس والا الرميه مااصابت الهدف

والله حاسه بمعاناتك لاني مريت بنفس المعاناه
جاتني وظيفه في مدرسه تعتبر من اكبر المدارس في المدينه وانا عصبيه والحال المايل مايعجبني وانصدمت قد ماكنت فرحانه بالوظيفه لكن صدمتي بجيل هذا الزمن كانت اقوى
دخلت فصول ابغى اشرح اللي تاكل مكرونه بالبشاميل في الدرج
واللي قاعده تحط مكياج وانا واقفقه على السبوره اشرح و2 قاعدين يتضاربو والرابعه تمشط شعر زميلتها وتظفره .......اصرخ مااصرخ مافيه فايده قعدت على هذا الحال شهر وفي اخر الشهر بدات ازبط الامور بدات اكسب حبهم وصرت احكيهم قصص واخرج عن الدرس كثيييييير كله عشان اقدر اضبطهم وفي 2 ثانوي كانو فيه بنات قليلات ادب قلو ادبهم علي وصارو يطولو لسانهم ويقولو احنا ندفع راتبك وراتب 4 معلمات معاك
انا عصبت نزلت للاداره اشتكي المديره المديره شخصيتها زفت قالت انتي ليش زعلانه هم صادقيييين وانتي هنا تحت طوع الطالبات لو ماعجبتيهم مظطرين نغيرك
انا استغربت انه المعلمه مالها اي قيمه رغم اني كنت مجده بشهادة المديرتين الموجودات في المدرسه وكنت شايله 30 حصه في الاسبوع ................طبعا بعد كلام المديره اتصلت على زوجي وقلت تعال خذني ولميت اغراضي .....المعلمات حاولو يهدوني بس انا كنت خلاص كارهه المدرسه وصدمتي كانت قويه حتى الطالبات شافوني خارجه بعضهم جلسوا يبكو ويقولون احنا بدانا نحبك لاتتركينا ............خرجت من المدرسه ودمعتي في طرف عيني ولا استلمت منهم ولا ريال ودعيت على المديره وقلت ياااااااارب عوضني خيييييير وشهرين وجاني عقد في مدرسه حكوميه ...................اه فرق السماء عن الارض طبعا في كانت في قريه نائيه البنات بسيطات والخوف من المعلمه مازال موجود حبيتهم من كل قلبي وبكيييييت كثيييييير عند فراقهم
هذا تجربتي في مدرسه اهليه ومدرسه حكوميه ................والله يعينك ويقدرك على تحمل الامانه