يؤانتي زيي بس اللهم انا مش قادره انزل وزني زي الناس
يعني ماشاءالله انتي بطله
بس حبيت اسئلك وش هي اعرض هبوط القلب؟؟؟ هو نفس الي احس فيه ولا لا
اما المسهلات انا استخدمها دايما بس ما احسها فايدتني

يعطيكم العافية خواتي على هالمشاركات الحلوة و الله يعيننا كلنا على سوالف الريجيمات و يهدينا .
غنوجة انا لما صار فيني هبوط كنت عادي , يعني قمت الصبح ما فيني الا العافية و رحت المستوصف علشان احلل دم و كنت واقفة مع اختي عند غرفة الدكتورة ننطر دورنا علشان تكتب لنا تحليل الدم و لما صار دورنا حسيت بلوعة و كأني برجع و بعدين دارت فيني الدنيا وكنت احس فيهم و هم يتراكضون و لما حاولت الدكتورة تقيس ضغطي كانت تصرخ في اختي و تقول ما في نبض و بعدين عطوني ابرة و مغذي و نقلوني بالاسعاف للمستشفى و كان الي بالاسعاف يقول ما اقدر اسمع شي النبض مختفي و لما وصلت المستشفى كانت دقات قلبي 49 دقة في الدقيقة و ضغطي 85/40 يعني على قولة الدكتور ما كان بيني و بين الموت الا شعرة و لو اني طحت في مكان ثاني غير المستوصف كان انا الحين مودعة الدنيا . بس ما اقول الا الحمدلله على نعمة العافية.و على قولتج اختي غنوجة المسهلات ابدا ما وراها اي فايدة استخدمتها طول العطلة و ما نقص وزني حتى جرام واحد و الحمدلله انا قطعتها صار لي 3ايام و من اليوم و رايح راح التزم بنظام صحي حتى لو كان ينقص نص كيلو بالاسبوع لاني من جربت ريجيمات الهبة و خصوصا ريجيم السعرات الي كنت اعطي نفسي فيه بحدود 400الى600سعرة و انا حالي متلخبط زاد وزني و زاد تخبيصي و طاح شعري و تلفت بشرتي لاني كنت اجوع نفسي طول اليوم و اخربها في العشا و هذا الخطأ بعينه و علمه .

يوووووووووووو ماتشوفين شر
تصدقين عاد نفس الي صار فيني
بس المشكله انا يومها كنت في الجم وتوي مخلصه رياضه وجالسه اخذ شاور
تصوري حسيت معدتي المتني وكان فيها هوا ولاعت نفسي وحسيت كاني راح ارجع والدنيا صارت سودا ولا اقدر اشوف شي وماحسيت بنفسي الا وانا طايحه با الارض ومتكيه على الباب اسمع الناس بس ما اقدر اتكلم
فضيحه عاااااد با احمام واخذ شاور بدون ملابس يعني
وصاحبتي تطق على الباب وتشوف رجولي من تحت الباب وتقول لي ليش طايحه با الارض
بس بعدها طلعت با الموت من الحمام وعطوني مويه وصحصت شويه
الرجيمات بتجيب فينا العيد وياليت الوزن ينزل بعد
الله كريم

اما عن 600 سعره ابدا ماينفع
لان با الاول وزنك راح ينزل لكن بعدها راح يوقف وماراح ينزل الا لما تقللين عن 600 سعره وهذا شي مستحيل
وتساقط الشعر انا شوي وبقرع لكن الحمد لله
والله العظيم ان شعري كان يطيح مجموعات لكن كل يوم صرت اكل جرجير وخلال 3 يام خف التساقط حيل واستمريت عليه لي الحين شهر
شعري طال وصار اكثف من اول ويلمع
وعلى فكره الجرجير مايسمن ولا يخرب الدايت ابد جربيه وراح تدعين لي