طرح رائع يعطيك العافيه

ندى.. بكل خوف وحذر شديد تمسك بجوال خالد وترجعه ثم تمسكه مره اخرى وتقول اوووه خلاص بشوف عادي ابي ارتاح وشفيها يعني..
الشك اكبر خصله تتمتع بها الجنوبيه والتردد طبعا هنا ندى غلطت لسببين اولا ان كلام صديقتها اثر عليها كثير لدرجة انها صارت ترا الامور بوجه مختلف يعني تشوف خالد مبسوط تقول اكيد في شي تشوفه يبتسم او يعاملها كويس تقول ايه يبي يغطي على تصرفاته.. ولو كل امرأه فكرت بهذا المنظور اذا لن يكون للسعاده مكان في حياتها.. السبب الثاني وهو عبثها بجوال زوجها ولم تفكر بالعواقب يعني فرضا صحى من النوم وش راح يكون موقفها غلط كبير اللي تسوينه ياندى وبعدين طالما في بالها الشك يعني لو شافت حتى رقم بدون اسم راح تاخذه وتسوي مشكله من لاشيء.. العقل اين العقل عند غيرة النساء؟؟ سؤال يتبادر الى الذهن ولا يوجد له جواب..

ترجع ندى الى سريرها وتمسك بيد خالد وتنظر اليه وهو نائم ياربي من جد الشيطان شاطر استغفر الله وتنااااام..
لوم النفس وتأنيبها من الصفات الغالبه على الجنوبيه وذلك لطيبة قلبها وحساسيتها الزائده.. وكان ممكن ترا تصحي خالد من النوم وتقوله ترا شفت جوالك وانا اسفه بس ربنا ستر..

نجلا.. انتي مو صاحيه عاااااااااادي كل الحريم يفتشون من حقهم انتي مكبره الموضوع بس وبعدين اثقلي عليه خليه هو يركض وراك..
من قالك يانجلا كل الحريم يسوون كذا هذا ينم على عدم الثقه بالنفس والكثير من النساء يقعون ضحية شكوك لا اساس لها من الصحه وان كان البعض منهم يجد ادلة الخيانه وتبدا دوامة المشاكل والمرض اعاذنا الله من شر الخيانه..
طبعا اغلب النساء يحسون المقوله هذي صحيحه اثقلي عشان يركض وراك!! امممم احيانا تكون صحيحه واحيانا ممكن تنقلب ضدك يعني لاتلعبينها الا وانتي عارفة زوجك ميه بالميه والا ممكن من كثر ما انتي ثقيله يطفش فخير الامور الوسط خلك مره كذا ومره كذا عشان تصير الحياه حلوه..

خالد.. انا مضطر اسافر يومين شغل ابيك تجهزين اغراضي لان طيارتي بكره..
ندى.. ليش ماقلتلي من اول؟
خالد.. نسيت.. المهم جهزيها الله يعافيك وحطي لي..........الخ
ندى.. زعلانه من داخلها بس مابينت طيب ان شالله..
طبعا هذي خصله ممكن تكون في اغلب الشماليين اللي هي يفاجأك بحاجه بتصير بنفس اليوم او بالكثير بكره امممم اوكي معاكم حق الخصله تضايق ولكن ممكن تبينين له ان هذا التصرف يضايقك بطريقه حلوه وماتزعله منك وطبعا اهم شي اختيار الوقت.. يعني مثلا حبيبي ودي تقولي بدري عن سفراتك مو عشان شي بس عشان استعد نفسيا انت تعرف فراقك مو سهل علي الله يخليك لي يارب وبعدين اعرفك انسان منظم ومرتب ودقيق يعني لما تعطيني وقت ارتب اغراضك بالطريقه اللي تليق فيك حبيبي لاحظي بهالطريقه في مدح وسياسه بنفس الوقت .. وتقولين له بس اذا جاتك سفره مفاجئه لاسمح الله هذي ربي يصبرني عليها ويرجعك لي سالم يارب..
لكن لاحظوا معاي التصرف الخاطىء اللي صار..
خالد.. جهزتي الشنطه..
ندى.. ايه جاهزه.. بس ابي افهم انت ليش ماقلتلي من قبل ليش انت دايما تفاجئني ولاتهتم بمشاعري..

طيب بعدين شوفوا رد خالد..
خالد.. ليش مكبره الموضوع عادي هذا انا قلت لك..
بالنسبه للشمالي الامر جدا عادي وبسيط يعني مايتحمل كل هالزعل والجنوبيه لا التصرف هذا فيه قلة اهتمام وجرح للشعور.. اختلاف التفكير بين الانماط..

ندى .. بس انت مسافر بكره ولازم تجلس معاي..
اكبر غلط تجبرين الرجل على الجلوس معك اذا كان مو من طيب نفسه لاتجبرينه لانه بيجلس مغصوب وتخيلي الجلسه الممله هذا اذا كان بيجاملك بس طبعا هنا عندنا الشمالي ماراح يجامل بيقولك لا اسف وارتبطت .. كوني ذكية دائما وخلي نفسك عزيزه وخليه هو اللي يتمنى جلستك..

ندى.. طيب وانا ايش اسوي؟؟
برضوا هنا غلط كبير من الجنوبيه وهو ايضاح الالتصاق العاطفي بزوجها وهذا مايكرهه الشمالي يكره ان يكون المصدر الوحيد لاسعادك برأيه اسعدي نفسك بنفسك ولكن لاتهملي جانبي ايضا..

يطلع خالد وتجلس ندى على اعصابها تنتظر الساعه 10 بفارغ الصبر..
الساعه 10 ونص وخالد لم يرجع ندى طبعا علطووول مسسسسسسسسسسج..
المسج.. وين اللي بيرجع 10..؟؟؟
خالد.. يرد على المسج اسف ياحبيبتي بس توهم طالبين العشا اتعشى وارجع بس ابتسمي ترا الدنيا سهله..
قالك 10 ماجا بسلامته ليش الحنه والزن المزعج والذي ممكن ان يؤدي للعناد واللف والدوران والكذب احيانا فقط لانه مستمتع بالجلسه.. اتركيه واشغلي نفسك وخليه يحس انه عادي جيت 10 او ماجيت انا ماراح اضيع بدونك..
شوفي رد الشمالي الدنيا سهله يعني ليش تحبين تصعبين وتعقدين الامور حاس بانه بتصير مشكله لما يرجع فقالها ابتسمي مايبيها تزعل يعني الكلمه هذي بصراحه تكفي واعتذار غير مباشر وهي طريقة الشمالي في الاعتذار..
بس الجنوبيه وقت العصبيه ممكن ماتفهمها وتحسها تطنيش وقلة اهتمام..

خالد يتأهب للنوم يتقرب الى ندى شدعوه ليش مبوزه؟
ندى.. خالد لو سمحت ابي انام..
الصد هو مايكرهه الشمالي وممكن يعاقبك الايام الجايه فاحذري
كان ممكن يكون الصد الطف من هالطريقه مثلا بدلع وتغلي بس مو كذا يعني بتسوين قويه وبتعاندين ترا انتبهي انك تعاندين الشمالي اعند ماخلق ربي بهالدنيا يعني هنا وضحت له ترا فعلا مالي نفسك ابدا فيها جرح بالنسبه للشمالي بينما الجنوبيه بنظرها بتعاقبه وياعمري انتي انتي وين وتعاقبينه وين ماعرفتي ان التحدي مع الشمالي خساره..

خالد.. طيب شوي تعالي انا بكره بسافر ..
ندى.. والله قول لنفسك توك تفكر فيني من الصبح اقولك نقضي اليوم سوا وانت طلعت ولاهمك والحين جاي تبيني اقول نام نام بس..
خالد.. يالله حبيبتي عاد مايحتاج تكبرين الموضوع واللي صار غصب عني..
ندى.. رجاااءا خلني انام خلاص ياخي..
كان اعتذار غير مباشر من خالد ولكن ندى لم تفهمه او بالاصح لم يعجبها الاعتذار وكان لازم برأيها يقول ااسف ويكرر الاعتذار اكثر ويتودد اكثر.. ولكن هيهات مع من تتكلمين مع الشمالي الذي يحاول مره فقط وان قوبل بالصد او الرفض فاحلمي ان يرجع بتكرير الاعتذار الغير مباشر برأيه يكفي ولاداعي لتكبير المواضيع..

خالد يتركها ويلف جهة اليسار ويناااااام طبعا ندى لم تنام تتقلب وتتقلب وتفكر في نفسها لو انت اللي زعلان مستحيل اخليك تنام وانت زعلان بس صحيح الرجال ماعندهم احساس ولامشاعر اففف.. وتتقلب وتتقلب تحاول تناااااااااام..
ايضا اختلاف التفكير بين الانماط هنا فالجنوبيه بحكم حساسيتها وقلبها الطيب بزياده لايمكن ان تترك الشمالي دون مراضاته ان زعل منها اما الشمالي لايعد هنا قاسي القلب انما له وجهة نظر مختلفه وهي كلام الليل يمحيه النهار فلاحظوا بالرغم ان ندى هي اللي صدته الان الا انه غدا صباحا سيصحوا وكأن شيئا لم يحصل
او مثلا حصل زعل وطلع الشمالي ورجع تلقينه عادي ما كانه صار شي!!
فهنا تستغرب الجنوبيه لانها تحتاج الى نقاش وتبرير وحل ..
بينما الشمالي يعتبر الموضوع انتهى بلحظته فلا يجد من داعي للنقاش والنبش في نفس الموضوع..
فهو لايحمل بقلبه ويمشي الامور عشان تمشي الحياة..

صباح باكر وموعد سفر خالد تصحو ندى قبل خالد وتحضر له الفطور وذلك بسبب لومها لنفسها فيما فعلته بخالد ليلة امس وارادته ان يسافر مرتاح وراض عنها..
ندى توقظ خالد من نومه ..
خالد خالد قوم لازم تفطر قبل ماتسافر..
طبعا تصرف جميل ولكن بعد لوم نفسها وعدم نومها وكان بامكانها تسهيل الامور وارضاء خالد امس بالليل حتى يسافر وهو مرتاح اكثر ولكن الجنوبيه هنا عاقبته بطريقه خاطئه ومما جعلها تلوم نفسها وتحاول تصليح الموقف بفطور الصباح..

خالد يفتح عينيه مبتسما ان شالله قايم يلا..
ندى .. تقبل خالد على جبينه حبيبي زعلت مني انا اسفه بس كنت مقهوره شوي منك امس..
خالد.. ولايهمك ماصار الا الخير..
هذا هو الشمالي قلبه كبير وطيب ويحسن التعامل في مثل هذه المواقف يمكن لو كان جنوبي سيختلف رده وممكن يطلع بدون فطور حتى.. فهذه سمة مميزه بالشمالي انه مايحب يكبر الامور ..

ندى.. خالد بتشتاق لي؟
خالد.. ههههه اكيد..
ندى.. طيب قولها..
خالد.. وش اقول؟؟
ندى.. اني بوحشك!!
خالد.. هههههههه بتوحشيني..
ندى.. طيب انت زعلان؟
خالد.. لا عادي..
ندى.. اكيد؟
خالد.. ايه اكيد..
هذا احنا نسميه دلع الجنوبيه وتغليها وتبي تعرف قيمتها عند زوجها هنا مثل ماتلاحظون ندى تحاول تسحب الكلام من خالد عشان ترضي غرورها وهذا طبعا ماينفع مع الشمالي لانه بتحس حتى لو قالها انها طالعه منه لانها هي اللي اجبرته يقولها..المفروض تكون اكثر رزانه معاه وتقوله توصل بالسلامه يالغالي بنشتاق لك ( اذا كانت المده طويله بس اذا يومين احذفي كلمة الشوق لان الشمالي بيحس بالمبالغه والتعلق الزايد )
وانتبه على نفسك لاتشيل هم بغيابك وربي يحفظك هنا فيه احساس بالمسؤوليه اللي يحبها الشمالي وايضا الاهتمام ..

خالد يصل الى المطار يتصل ندى انا وصلت اكلمك اذا رحت الفندق ان شالله.. الى الفندق... يضع اغراضه... يبدل ثيابه..يتمدد على السرير ويقلب بالتلفاز ويغفو...
ندى.. على اعصابها تنتظر اتصال من خالد.. يوووه صار له ساعتين ماتصل اكلمه ولا اثقل؟؟ اممم لا اتصل لا لا بنتظره..
انتهى اليوم ولم يتصل خالد اليوم الثاني ايضا يمر بدون اي اتصال من خالد..
هنا يتضح لنا اختلاف الانماط فالشمالي انسان عملي هو لما قالها انا وصلت بنظره طمنها ولما قالها اذا رحت الفندق بكلمك كنهاية للمكالمه ومن التعب غفى ونام اما ندى بما انها جنوبيه فكلمة انا وصلت وانتهى الموضوع لاتكفيها ولما قالها بتصل صارت تعد الدقايق والثواني عشان تسمع صوت خالد وتهدى وطبعا هنا تصرف احييييييييييي ندى عليه وهو عدم اتصالها بخالد وايضا انتظارها لليوم التالي ليبادر هو بالاتصال بس لاحظوا التفكير انا بثقل عليه لكن ماقالت مابي ازعجه يمكن يكون مشغول او باجتماع عمل وممكن اتصالي يسبب احراج واكيد لو بيفضى بيكلمني يعني لم تحسن الظن وهذه صفه ايضا بالجنوبيه تعتقد دائما بانها يجب ان تكون اهم من العمل واي شيء اخر اما الشمالي فعمله ونجاحه يسيطر على تفكيره اكثر من الجانب العاطفي.. وهذه النتيجه لاحظوا معي..

ندى لا تستطيع الاحتمال اكثر.. تتصل تتصل لايرد.. تعاود الاتصال ويرد خالد وجنبه زحمه.. بصوت منخفض الوو
ندى.. هلا خالد وينك شغلت بالي؟؟
خالد.. انا مشغول الان في شي ضروري؟؟
ندى.. مصدومه!! لا بس ابي اتطمن وانت قلت بتتصل وماتصلت.. عموما ما اعطلك مع السلامه..
خالد.. طيب طيب مع السلامه..
رد خالد بالنسبه لندى قاسي اما بالنسبه له جدا عملي وعادي والوضع لايحتمل رد اخر..
بس انا اقولكم ليه يعني لو ندى بمكان خالد وفعلا كانت مشغوله بتقوله انا الحين مشغوله وبكلمك وقت ثاني وماراح تنتهي الى هنا ولكن بتتبعه بمسج وتقوله حبيبي لاتزعل وانا مشتاقه لك موت وماني مصدقه متى يخلص الاجتماع عشان اسمع صوتك فهي كانت تتوقع ردة فعل مشابهة وهذا ماسيرضيها تماما ولكن لاتتوقعي هذا التصرف ابدا من الشمالي فيجب ان نفهم اختلاف التفكير بين النمطين..

وفعلا لاحظوا كيف فهمت ندى المكالمه..
ندى.. ياربي وش مشكلته بصراحه مايحس من جد يقهر اففف
ندى تتأهب الى طبعا مسسسسسسسسسسسسسسسسج!!
المسج.. خالد انت ليش تعاملني كذا الحين انا مشغوله عليك وابي اتطمن وانت ترد علي كذا وبعدين ليش تقول بتصل وماتتصل وانا جالسه انتظرك الله يسامحك بس..
تصرف خاطىء جدا لان الشمالي بيجلس يطالع بالمسج ويقول الحين وشفيها زعلت وش سويت انا اصلا يعني تفكيره مايجي بباله انها فعلا بتزعل من المكالمه يستبعدها تماما ..

ندى.. ماقريت المسج؟
خالد.. الا قريته..
ندى.. طيب ووين الرد؟؟
خالد.. ندى ترا انا مو فاضي كل ما ارسلتي مسج تبين ارد عليك انا انسان مشغول قدري شوي وبعدين ماعندك الا تلومين دايما عمرك ماشكرتي تعرفين ندى بقولك شي مره ثانيه لو ارسلتي مسج تعرفين ايش بسوي بمسحه علطول من دون ما اقراه عارفه ليش لان مسجاتك كلها عتب ولوم..
خلاص طفح الكيل عند الشمالي وفعلا اللي تابع وقرأ وممكن البعض منكم يراجع نفسه ويشوف المسجات ليش الشمالي مايرد عليها او يتجاهلها لانها عتب ولوم وهذا مايكرهه الشمالي فان كنتي من هذا النوع فغيري من طريقتك والا مصير مسجاتك فعلا دليييييييييييييييييييت مسح..

ندى.. خافت شوي من ردة فعل خالد وبنفس الوقت انقهرت خالد انت شفيك علي انا ابي شوي اهتمام ماقصدت شي وبعين الشرهه علي اني احاول ارضيك ومابيك تزعل وخايفه عليك واحاتيك..
بنظرها مافي غلط سوته ولاتستحق من خالد هذه المعامله القاسيه فتشعر الجنوبيه هنا انها انظلمت..

خالد.. انا مو طفل تحاتيني وبعدين اذا في شي مهم كلميني انتي عارفه اني رايح شغل وبكون 24 ساعه مشغول ماني فاضي لخرابيطك وتفكيرك اللي مثل تفكير الاطفال..
ندى.. انا تفكيري مثل الاطفال؟؟ طيب مشكور وماقصرت..
خالد.. العفو ويالله مع السلامه..
هنا طبع الشمالي لما يطفح معاه الكيل مايعرف يجامل ابدا فلاحظوا لما قالها مثل الاطفال هو لم يكذب ولكن بالنسبه للجنوبيه شعرت بانها اهانه ولم يحترم شعورها واهتمامها واعتبرها طفله..
الشمالي ياعزيزتي هنا كان يريد منك اهتمام من بعيد اتعرفين كيف بعدم ازعاجه وقت عمله بعدم اللوم والعتب والاتصال بلاهدف دائما تذكري انه انسان عملي ويقدر قيمة الوقت فيجب ان تسانديه وتقفي بجانبه بكلمات تشجيعيه بمدح يستحقه مثلا انا مقدره وقتك والله يعطيك العافيه ويعينك وعساك على القوه بس حبيت اتطمن عليك ومابي اطول واخذ من وقتك ترجع بالسلامه جربي وسترين الفرق..

ندى مصدومه وتسكر االسماعه وتبدأ رحلة البكاااااء وتجلس مع نفسها ياربي انا اللي غلطانه ولاهو ؟؟ عجزت افهم تصرفاته احيانا احس انه قريب واحيانا يقهرني بتصرفاته بيجنني احبه وماهو حاس ابيه يدلعني يطبطب علي ابي اهتمامه دايما يجرحني باسلوبه وكلامه اللي مايثمنه قبل يقوله يارب من فينا غلطان انا تعبت كل ما احاول اصلح الامور تخرب وتتعقد اكثر مادري الغلط من مين يارب نورني يارب..
طبعا ما الومك ياندى بحكم جهلك بنمط زوجك وهذا ماكنا عليه جميعا فنعتقد ان تصرفاتنا صحيحه ولانجد من يوجههنا ويصحح اغلاطنا واللوم وتعذيب النفس من صفات الجنوبيه الله يعينها..

خالد طول رحلة سفره ماتصل على ندى وطبعا ندى تتصل فيه ومايرد ابدا وترسله مسجات بالهبل ومايرد ابدااااااااااااااااا..
ندى تتألم وتحرم نفسها من الطلعات ومن كل مايسعدها ويصبح شغلها الشاغل خالد وكيف ترضيه..
خالد لم يتصرف هذا التصرف بحكم قسوه او عدم محبه لندى ولكن لكي تعتاد على طبيعته وان تقدر انه في رحلة عمل فعليها ان تدعمه وتقف بجانبه وان لاتحط من معنوياته بلومها وعتابها وهذا مايريده الشمالي من زوجته ..
وكان يمكنها تاجيل كل هذا كل ما يزعج زوجها حتى موعد رجعته وسيكون مستعد نفسيا للنقاش وطبعا بشرط ان يكون بهدوء واختيار وقت مناسب للنقاش وان لا تكثر من اللوم والعتاب..

قبل رجوع خالد بدقائق ارسل لندى مسج محتواه.. انا الحين بركب الطياره.
اشارة صلح من الشمالي فهو لم يرد ان يرجع البيت ويعود الى عتب ولوم.. دائما كوني حريصه على فهم اشارات الصلح الغير مباشره من الشمالي فهي غامضه وغير واضحه كهذا المسج البعض لن يفهم ان الشمالي هنا يريد من ندى ان تستقبله بدون عتب ولا لوم ولا تكشير بل بابتسامه وسعاده..

ندى.. بكل حزن وصدمه من بعد التطنيش ولم يرد لاعلى مكالماتها ولا رسائلها تقرأ المسج..
ترد.. توصل بالسلامه حبيبي..
تصرف جدا ذكي من الجنوبيه فهي هنا ارسلت اشارة راحه لزوجها بان كل شيء على مايرام ..

وصل خالد بالسلامه وارسل اليها رساله محتواها.. انا وصلت الله يخليك مابي اشوفك مبوزه وزعلانه اذا رجعت..
ندى.. مقهوره من المسج اللي بنظرها لاينم على اي احساس وفي نفسها تقول ( يقتل القتيل ويمشي بجنازته) تمسك اعصابها وتقول طيب ياخالد ولاترد على المسج..
لاحظوا الشمالي هنا بصريح العباره قالها وش اللي يبيه منها لانه عارف انها بتتكلم بموضوع مو في وقته ابدا وهنا اشاره ايضا من الشمالي انتقي الوقت للنقاش لاتناقشي الشمالي بموضوع سوف يؤدي الى زعل ونقاش في وقت يكون به مشتاق اليك لانك ستفسدين على نفسك ليلة سعيده..
طبعا ندى هنا بما انها لم ترد على المسج افضل من انها ترسل مسج من الممكن ان يقلب مزاج زوجها فالتزام الصمت هنا ذكاء ولها كل تقدير على هذا التصرف..

تبتسم ندى .. حمدالله على سلامتك حبيبي..
خالد يتوجه اليها ويمد يده لها لاحتضانها الله يسلمك ويحضنها وينظر اليها ايش هذا كله ترا ما اتحمل كذا..
ندى.. بكل دلع وزعل عشان تعرف بس كيف زوجتك..
خالد.. المشكله اني عارف وهذا اللي مخليني طيب معاك وماتحمل زعلك..
ندى.. ايه واضح من التطنيش على مكالماتي ومسجاتي..
خالد.. خلاص عاد سكري الموضوع..
ياعمري الجنوبيه ماتعرف تخلي بقلبها وهي موقصدها تفسد الليله بس يعني على بالها بتدلع بس برضوا نقول مو بمحله لان الرد من خالد كان سكري الموضوع يعني ارجوك لاتخربين علينا اليوم باللوم والعتب مو وقته ابدا

خالد..يالله حبيبتي تعالي ننام..
ندى.. بكل خجل تهز راسها..
كانت ليله سعيده لكلاهما الا ان ندى مبسوطه ومحروقه بنفس الوقت لاتستطيع فهم خالد وتصرفاته..!!!!!..
فعلا انا مالوم ندى ولكن هي طريقة الشمالي في الاسف انه يعبر عن اشتياقه باسعادك جنسيا فهو يشعر انه ارضاك بهذه الطريقه فلا تتكدري او تزعلي جاريه وابسطيه وفي وقت لاحق يمكنك التحدص بالموضوع ولكن كل القصد هنا عدم افساد شوق هذه الليله.. وصدقيني عزيزتي الشمالي من اكثر الانماط الذي يرجع بشوق وعطش غير طبيعي لحبيبته فاحتواءه يشعره بامان وارتواء..

اليوم الثاني الروتين اليومي يذهب خالد الى عمله وبعد مايرجع قيلوله بسيطه قبل الصلاه ويرن
خالد.. واحد من الشباب يقولي ان فهد ومساعد جايين من الرياض عندهم دوره لمدة اربع ايام ويبون يشوفون الشباب كلهم..
طبعا هنا الكثير منكم بيتعاطف مع ندى ومنهم انا وفعلا خالد غلطان لكن ماينفع هنا الاجبار يعني الاسلوب الصحيح للتعامل في كثل هذه الحاله..
معاك حق حبيبي واجب مادام اصحابك جايين دوره واربع ايام لازم تقوم بواجبهم هنا بيشعر الشمالي بانك امراه متفهمه وسند له وسيعجب بطريقة تفكيرك.. ثانيا تقولين له مع اني مشتاقه لجلستك بس يهمني بعد انك تقوم بواجبهم واعرف انك ماتقصر وبعد مايرجعون بالسلامه تعوضني بطلعه حلوه معاك.. هنا ماتتخيلين كيف راح يكون الرد لان الشمالي طيب جدا ولو عاملتيه باسلوب حلو ستملكين قلبه ولكن للاسف الكثير منا يفتقر الى هذا الاسلوب او ينساه في هذه اللحظات مثل ندى لاحظوا الرد..

ندى.. ياسلام وان شالله بتروح؟
خالد.. يعني ايش تبين اقولهم..
ندى.. هم مايدرون انك كنت مسافر وانك لازم تعطيني من وقتك..
خالد.. طيب انا جالس الحين معك..
ندى.. نعم تحسب هذي علي جلسه اصلا انا صرت ماشوفك الا وقت النوم..
خالد.. لاحول ولاقوة الاباللله شوفي عاد انا بطلع معاهم بطلع رضيتي ولا موب لازم وبعدين اشغلي نفسك انتي روحي لاهلك روحي لصديقاتك انا ما امنعك..
ندى.. تظل صامته وتقلب في التلفاز وخالد يستعد للخروج ويتقدم اليها ويمسكها خلاص عاد افرديها.. وندى تقوله خلاص بعد عني ..

نصيحه والله ومن قلبي اكبر غلط توضيح الالتصاق العاطفي بالشمالي خليه هو اللي يدور جلستك مو انتي تطلبينها منه لانه ممكن يصير اسلوبه مثل خالد روحي اطلعي انبسطي انا
ما امنعك اي لاتربطي سعادتك فقط بوجودك معي ابدا لاتشعري الشمالي بهذا الشعور غلط كبير تقع فيه غالبية الجنوبيات..

ام ندى.. هو ماتغير بس انا بنصحك يابنتي الرجال مايحب المرأه النكديه هو يبي يرتاح ببيته مو يرجع من شغله تعبان ويلقى بعد تعب بالبيت كذا بيهرب وبيطير من يدك يابنتي وخالد رجال والنعم فيه واي بنت تتمناه انتبهي انا امك ولي خبره وفاهمه الدنيا صح اسمعي كلامي..
ندى.. ليش يما احنا اللي لازم ندلع ونهتم ونداري والرجال طيب احنا نبي بالمقابل بعد ..
ام ندى .. يابنتي سنة الحياة تذكري كلام الرسول عليه الصلاة والسلام(لا يصلح لبشر أن يسجد لبشر، ولو صلح لبشر أن يسجد لبشر لأمرتُ المرأة أن تسجد لزوجها من عظم حقه عليها)) ندى تسمع وتفكر ....
يابنتي ترا زوجك جنتك ونارك الله يهديك بس..
طبعا كلام عين العقل ولازم فعلا كل امرأه تحتسب اجر معاملتها الحسنه لزوجها ولو اساء هو المعامله فتذكري ان ماتفعلينه وصاك به الله ورسوله واحتسبي اجرك عند الله تعالى.. واصبري وماجزاء الاحسان الا الاحسان وهنا تذكرت قصه ساختصرها لكم عن المعامله عشان كل وحده تقرا تراجع نفسها وتحمد الله وتتذكر ايجابيات زوجها وتحاول ان تتناسى السلبيات لكي تستمر الحياه..
القصه ان امراه كانت متزوجه برجل سيء الخلق وبذيء اللسان ويضربها ليلا ونهارا ورفقته من اصحاب السوء وايضا كانت له علاقات ببنات حرام .. المرأه اصبحت تبحث عن ايجابيات هذا الزوج فلم ترى منه الا انه يصرف عل البيت والاولاد وكانت تنظر الى اولادها وتبكي فتشعر انهم يتامى بوجود اب بالاسم فقط فقررت ان تعيش حياتها بدونه اي تعتبر وجوده وعدمه واحد وان تعيش لابنائها وتحتسب اجرها عند الله في تربيتهم التربيه الصالحه ووكلت امرها لله تعالى فاصبحت اكثر قربا من الله تعالى والتجأت له بالدعاء وقيام الليل فكان كلما دخل عليها زوجه وجدها تصلي او تقرأ القران واستمر الحال لمدة شهرين على هذا المنوال ولكن احست بتغير واحد وهو انها جسدها ارتاح من الضرب ففي يوم بعد صلاتها توجهت الى زوجها وسألته يافلان انا مستعربه انت منزمان ماضربتني؟ ولا سبيتني؟
رد وقالها تصدقين يافلانه اني صرت استحي اضربك او اسبك لانك اقرب لله مني ولجاتي له ولزمتي بيتك ولو غيرك يمكن منزمان طلبت الطلاق او راحت لاهلها مع اني متأكد انك ماتحبيني لاني عمري ماعاملتك زين ومقصر معاك وساكته عن عيوبي قالت يكفي انك ابو عيالي اعز مالي بهالدنيا قام وجاب المصحف وحلف لها انه بيعوضها عن كل هالسنين وانه ماراح يرجع ابدا للي كان فيه وطلبها تسامحه ردت عليه وقالت قلبي مسامحك وربي غفور رحيم ابيك تطلب السماح منه انا بشر لاتطلبه مني ..
لاحظوا انه سبحان الله المعامله الحسنه تخجل الشخص مهما كان سيء لاتقولون ماتنفع والله تنفع ولو بعد عشر سنين وتخيلي الاجر اللي بتاخذه المرأه هذي لانها اولا صبرت ثانيا كان لها فضل بعد الله بصلاح وهداية زوجها ..
والله يسعد الجميع..

يسلموووووو والله شخصية زوجي شمالي وتقريباا صرت اعرف كيف اتعاااامل معهااا واخذ اللي ابي منه وهو مبسوووط ومبتسم فكرة الرساله نعجبني احس اعبر اللي بداخلي وهو ياخذهااا لصدر رحب ويقتنع احياناا اسلوووب الرساله يجي ارتب..