السلام عليكم ورحمة الله تعالى وبركاته
لكل منا رحلة مكافحة ليصبح له مدخول قار وربما ايضا يصبح غنى
فليس هناك شئ صعب على الله
اتمنى من الاخوات التى لها تجاريب
وتغيرت حياتهم من الفقر الى الغنى
ان يدكروا تجاربهم ليستفيد الجميع من تجاربهم وخبراتهم
ولكم جزيل الشكر
انتظر تجاربكم اخواتى
موضوعج واااايد حلو
اول شي لازم يثق بالله تعالى انه يرزقكم من حيث لا تعلمون ويخلص النيه ويتوكل على الله
انا كنت متطوعه في احدى اللجان التطوعيه
وقائدة مجموعتنا طرحت علينا فكره للي يحب يشارك فيها
الا وهي: فكرة استثمار دينار والربح يكون للجنه
يعني كل وحده تاخذ دينار واحد وتتصرف بحيث ان نياية الشهر بالموعد المحدد كل وحده تجيب الدينار بالاضافه للربح والطريقه اللي استثمرت فيها الدينار
انا عن نفسي اخذت الدينار وقلت شاقدر اشتري بضاعه بطينار مايسوي شي
وبعد التفكير شريت كرتون علكه بدينار وبعته بالحبه على صديقاتي بالدوام وبالبيت والحمد الله النتيجه كانت ربح الدبل
بعدين الفلوس اللي جمعتها شريت فيها كاكاو بطاطا شبس وحلاو وسويت مني بقاله بالمنزل للاهل والحمدالله توفقتوبعتها كلها
المهم تدرجت بالبيع لما وصلت اني شريت كم قطعه من الشنط وبعتهم
وقبل لا ينتهي الشهر كان عندي مبلغ 65 دينار
كانت تجربه وااااايد حلوه
انا اصلا تفاجأة بالنتيجه لاني ما كنت اتوقع اني ممكن اطلع من الدينار شي
انا قلت تجربتي للاستفاده من الفكره بان موضروري يكون عندج راس مال كبير لتبدأي بمشروع
ان شاء الله اكون فدتكم بشي