اولا شكرا للدخول على الموضوع اللي لو ما جذبك العنوان ما دخلتوو ..
أكيد لحظنا كثرة طلبات الاخوات في المساعده لبداية مشروعها البسيط وهنا ما اتكلم عن المشاريع
الكبيره .. لا .,, وإنما اتكلم عن المشاريع البسيطه اللي حبو الاخوات يدخلوها بعد ما شافو اخواتنا
التاجرات يشتغلو فيها وشافو كيف الطلب عليها وتحمسو للموضوع ( مع العلم انه مش كل وحده ردت
في موضوع تاجره أو طلبت معناه انها اشترت اكيد لا ,, ياكثر الطلبات الغير جاده :) )
هنا يا اختي اقول ,, يلزمك لبدايه مشروعك البسيط عدة نقاط لو توفرت فيك ممكن تتوكلي على الله
وتبدي , اللي هي ,,
( الجرأه يعني لا تقولين ولله استحي اعرض على اهلي ولا جيراني ولا فلانه وعلانه اخاف يقولون
اكيد محتاجه ) هنا اقولك يا اختي ,, التجار الكبار بدو مثل ما بدئنا وراح تبدين بإذن الله .
( القدره على اقناع المشتري , يعني لا تبالغين في المدح والحلفان ,, ولا تعطينه السلعه وتتركينه
يحلل من نفسه ايش فايدتها واستخداماتها وانتي تمقلين عيونك فيه وبس :angry: )
( الثقه في نوع سلعتك اللي تعرضينها يعني خلي عندك سرعة بديهه لأي سؤال يوجه لك حتى لو كان
محرج ,, ولكن لا تكذبي ولا تجاملي , واذا شافو كلامك مقنع في السلعه راح يشترو من غير تردد وهنا
يفضل انه يكون هناك ( تست _ عينات ) لكل نوع من بضاعتك , طبعا فيه حاجات ما تحتاج عينات ,,
مثل الشنط والابواك والملابس ..
( الاقتناع التام بأن الارزاق هي من عند الله ومقسمه على خلقه ,, وان كل شخص في الدنيا ما ياخذ
غير رزقه , يعني لو ما بعتي شي كثير ما تقولين ولله حظي العاثر أو ياربي ليه انا فاشله في التجاره
او شكله اتنصب علي ,, لا ولله الارزاق بيد الله وكل ماضاقت فرجت من رب العالمين اللي يقول ( ادعوني
استجب لكم )
( عدم المبالغه في الاسعار ,, يعني انتي ما تجيبين بضايع من المريخ ,, تجيبينها من محلات الجمله
او الاخوات هنا , يعني السلعه تقريبا معروفه بكم فلا تبالغين في السعر اوكي تزودين 5 ريال 10
20 لكن اكثر من كذا ؟؟؟ )
يعني لما تجين تعرفين كم تزودين على السلعه مثلا اشتريتيها جمله ب 25 تحسبين حق الشحن
نقول مثلا 25 وحق البنزين اي بنزين حق سيارة زوجك او اخوك او الوالد وبعضنا يتعامل مع
ليموزين نقول 20 ( 25 حق الشحن + 20 حق البنزين =45 ) الناتج يقسم على مجموع البضاعه
اللي رحتي تجيبينها في نفس اليوم .. ومن ثم تزودين فايدتك ..
( إذا بتعرضين في المنتديات ,, لازم يكون عندك علم بأسعار الشحن للشركات ولوين يوصلون
وطبعا لازم تعرفي ان الشحن يكون على المشتريه )
وأخيرا وليس آخر ,,
( انصح كل اخت في المنتدى وغير المنتدى تبي تدخل في هاذا المجال ,, انها ما تبدأ بكل اللي عندها
وتسوي سواة هل الاسهم :icon33: ,, خلي بدايتك بمبلغ بسيط ومعقول يخليك تنوعين في
في البضايع .. اقول تنوعين في البضايع لييييييييييييه ؟؟
لان مش كل الزباين يبغون عطور ,, ولا كل الزباين يبغون ملابس ,, او اكسسوارات او العاب ,,
التنويع مهم علشان تعرفي ايش اللي عليه اقبال وايش اللي الاقبال عليه بسيط وايش اللي ماعليه
اقبال بالمره ( عليه العوض ومنه العوض :) ) اللي عليه اقبال اكيد بيرجعون يطلبون منك هنا ارجعي
جيبيه لهم واذا منه اشكال منوعه نوعي فيه وهاكذا .. ولا تنسي ترغبين الزباين بالشراء بحيث اللي
ياخذ منك كم حاجه تسوين له خصم ...
هاذا كل اللي يحضرني الآن واتمنى اني اكون ما اطلت عليكم من غير ما تلاقون فائده ..
وشكرا للمتابعه وشاركو ولو ببتسامه :) ..
اختكم في الله %كابتشينو % ( وكثر السكر )
:26: :26: :26:
% كابتشينو % @kabtshyno_3
عضوة فعالة
الى كل من يرغب في التجاره البسيطه , لا تتردد نصائح تهمك ..
73
5K
يلزم عليك تسجيل الدخول أولًا لكتابة تعليق.
عنوده ..
ياقلبي اتمنى اكون فعلا افدتك ..
غريبه يازمن ..
الشكر لله وحده ويسلموو على المشاركه .
ياقلبي اتمنى اكون فعلا افدتك ..
غريبه يازمن ..
الشكر لله وحده ويسلموو على المشاركه .
الصفحة الأخيرة
الله يجزاك الجنه
استفدت :)