ما شاء الله البنات ما قصرو بالنسبة للمقادير
حابة اضيف شئ بالنسبة للعجينة ممكن تستعملي هبرة بقري وممكن حاشي وتطلع رائعة بمعنى الكلمة مع حبة بطاطس مسلوقة طبعا هذي طريقتي المعتمدة

اما الحشوة ما اتنازل عن لحم الضان لانها بكل بساطة ألذذذذذذ

موفقة

حبيبتي انا سعوديــة وكبتي كلن يسألن عنه و لا فخر



صدق اول ما سويت مو بلذته الحين بس كانت ماشي حاله

اما الآن واللــه يا اختي لو تذوقينه ما تصدقين انه شغل وحــدة سعودية حتى المطاعم مو بلذة كبتي ,, متماسكــة ومقرمشة ومليانة حشوووة لذيذة

لاني اطيبه بالبهارات واكثرهن وتطلع وااااااوو


طريقتي انقع مثلآ كوب برغل بمويه فاترة مو حاارة واخليه كم ساعة واذا مستعجلة ساعة تكفي

بعدين اعصره بيديني من الماء ,, وابدا افرمه لحاله بفرامة اللحم اللي تخليه زي الخيوط واذا ما عندتس عااادي افرميه بفرامة البصل

كرري الفرم 3 مرات

بعدين جيبي قطع اللحم او الدجاج اللي تبين وافرميه مرتين

انا اسويه بلحم اذا موجود او بدجاج وتعطي نفس الطعم واللذة ,, بس ما قد جربت بلحم مفروم جاهز

المقدار كوب البرغل اضيف له 4 او 5 ملاعق لحم او دجاج ما اكثره


بعدين اذا فرمتي كل واحد لحاله اجمعيهن بصحن وافرميهن 3 مرات مع بعض

وابدي ادعكي العجينة دعك براحة يدتس الين تحسينه صارت بيضا من الدعك وتجانست
وانتي تدعكين اضيفي الملح و البهارات والثوم المطحون او المدقوق


وخلاص خليه ترتاح شوي بالثلاجة وابدي كببي على بركة اللـــــه

جربي طريقتي وبلغيني ويارب تضبطينه وتطلعين فنانة بالكبة