اختي العزيزة مراحل العلاج للحمل كلها عندي(خبرة ست سنين)
1- الكلوميد والابرة التفجيريه واذا ما صار حمل تكرر العملية بعد شهر واذا ماصار بعد تاخذين راحة شهر وتعيدين الكلوميد والابرة بعد مرة يعني 3 محاولات بالكلوميد بينهم راحة شهر كل مرة واذا ماصار حمل ننتقل للمرحلة الثانية .

2- اذا كانت المشكلة بالتلقيح(يعني في بويضات زينه بس ماتتلقح تاخذين الكلوميد والابرة بس هالمرة مو جماع يكون تلقيح صناعي يعني ياخذون عينه من السائل المنوي للزوج ويحطونها داخل الرحم وبعد اسبوعين يبين الحمل واذاماحملتي تتكرر العمليه مره ثانية مع راحة شهر بينهم)
اما اذا كانت المشكلة بالتبويض يعني البويضات صغيرة او عددها قليل ماراح تاخذين الكلوميد راح تاخذين ابر التبويض وبعدين الابرة التفجيريه مع التلقيح الصناعي اللي شرحته قبل شوي
اذا ما الله كتب الحمل ترتاحين شهر وتنتقلين للمرحلة اللي بعدها.

3- مرحلة اطفال الانابيب والتلقيح المجهري ونفس الطريقة راح تاخذين ابر للتبويض مع ابرة تفجيريه بس بعدها تدخلين المستشفى ويسحبون البويضات وبعدين ياخذون عينه من السائل المنوي للزوج ويلقحون البويضات ويخلونهم في الحاضنه 48 ساعة لحد ما يتلقحون ويصيرون بويضه ملقحة وبعدين يزرعونهم داخل الرحم وبعد اسبوعين من العمليه يتم تحليل الحمل ويبين اذا تم الحمل واللا لأ.

هذا آخر ماتوصل له الطب على حسب علمي وانشالله ماتحتاجين كل هالمراحل انشالله تحملين بسرعه وطبيعي يارب وترى مو بعيدة على ربج واخذيني قصه واقعيه وصلت لملرحلة اطفال الانابيب وقبل لا اسوي العملية حملت من الله في فترة الراحة (شهر) اللي بعد آخر تلقيح صناعي الحمدلله اللي ربي رزقني بدل العذاب اللي باطفال الانابيب الحمدلله رب العالمين له الحمد والشكر ويارب يرزق كل محرومه بحق محمد وآل محمد
انشالله اكون افدتج واي سؤااال انا حااضرة حتى لو على الخاص اعين واعاون


2-

&تفاحة خضراء&
عزيزتي الابر التنشيطيه توجع ولا لا
والابره التفجيريه كم مره تؤخذ وهل تؤلم

ماشالله البنات فادوكي وبالاخص تفاحه خضرا الله يجزيها الخير

والله يرزقك الذريه الصالحه عن قريب

والله يرزقك الذريه الصالحه و يطمن بالك يا رب

الله يجزيكم الخير كله ياااااا رب....

و إن شاء الله ما نحتاج لإبر مرة ثانية و لا حبوب و لا عمليات و لا تلقيح و لا أنابيب...

الحمل من الله...هو القادر على كل شيء...

و شكرا جزيلا لك يا تفاحة خضراء...الله يخلي لك عيالك يا رب :)