لبنات الشرقيه ولكل من زار الشرقيه ممكن لحظه

السلام عليكم وياهلا وغلا بكل اللي دخلو الله لا يحرمني من هلاخوات ويبارك فيكم ...

في اثناء تصفحي للمواضيع وبما اني اتردد دايم على الدمام والخبر بس ماعندي خلفيه كويسه

عن اهم اماكن التنزه واهم الاسواق واحسن المطاعم ...

انا لقيت في المنتدى اشياء كثيره بس مدري بالضبط اي شئ عنها ووين مكانها بالضبط هل هي بالدمام

ولا بالخبر ولا بالجبيل فارجوكم ارجوكم ساعدوني وبذلك يكون مرجع حلو للي بتزور الشرقيه

ابكتب لكم المطاعم والمنتزهات والاسواق اللي لقيتها هنا وانتم الله يعافيكم ياليت تقولون

وين هي فيه بالضبط وكيف الاسعار وكيف مستواها وشاكره لكم حسن تعاونكم للارتقاء بعالم

حواء للافضل للعلم انا من الرياض بس اموت بالشرقيه سبحان الله توسع الصدر لو تروحين

لها يومين بس تخلي النفسيه كذا:23:

بسم الله اببداء اولا ""المنتزهات"""
1/منتجع الهوليدي ان (وش قصته وهل فيه خصوصيه وبكم اسعاره )
2/قريه العزيزيه ( عوائل ولا نسائي ياليت تفصلون فيه اكثر)
3/مجمع الدانه الترفيهي النسائي ( مدري فتح ولا لا بس اللي راحت تقول وش رايها فيه ووين مكانه بالضبط )
4/مدينه الامير محمد بن فهد الترفيهيه ( يقهرني اغلبه اجانب وكاشفين من زمان مارحت له هل فيه تحسينات جديده )
5/حديقه الحيوانات ( وش رايكم فيها تستاهل العنوه وهل هي مثل حديقه الرياض )
6/دار العلوم بالجبيل الصناعيه (ماعرف شئ عنها وش قصتها )
7/قريه الدلافين (وين موقعها بالضبط وماهو مستواها واسعارها)
8/قريه الخليج (ياليت تفاصيل اكثر)
9/منتجع شاطئ الغروب (ايضا ياليت تفاصيل اكثر )
10/شاليهات النخيل (نريد تفاصيل)
11/القلعه اسمع فيها وش هي بالضبط ووين مكانها .
12/ مجمع الشرقيه النسائي ( يستاهل الواحد يروح له يعني راقي ولا مااتعب نفسي )
وياليت لو فيه اماكن ترفيه غير اللي ذكرت تضيفوها .

الان نجي للمطاعم (ابغى اعرف وين هي بالدمام ولا الخبر وكيف مستواها واسعارها ومكانها
بالضبط الله يعافيكم ) ولو فيه غلط بالاسم ياليت تصححونه :
1/البحار الصيني 2/ دارين . 3/جندولا 4/تشيليز 5/ السنبوك
6/ الدور التاسع 7/ ماضينا 8/ شاهيناز 9/ كوبر شندني 10/التنور الصيني
11/ سبايس ميل 12/ الفن تايم بيتزا 13/ابو نواس 14/ بيت التنور
15/القريه الصيني 16/ فلامنجو 17/ اروما 18/ الملتقى (اشك انه مطعم )
19/غابه الزيتون او حديقه الزيتون 20/اصفهان 21/ لافوندا 22/ اصدقاء

ياليت تقولون كل مطعم وش متخصص فيه يعني هندي ايراني مكسيكي ايطالي صيني بحري

واذا كان فيه مطاعم حلوه وجلساتها رايقه وهاديه ومافيها ازعاج ياليت تضيفونها هنا .

الان الشقق وش رايكم بالشقق اللي بذكرها لكم :

1/ الخليوي 2/ المنصور سويتس 3/ ليالي الكورنيش 4/ نوفا 5/ الديوان

وياليت تذكرون لنا شقق حلوه ونظيفه واسعارها معقوله سواء بالخبر او الدمام .

وان شاء الله ان الله أحيانا بنسوي موضوع مثل هذا لمدينه الرياض ليسهل على كل زائره او

حتى الساكنه بمدينه الرياض الرجوع له وقت الحاجه بس نبغى تفاعل والله يجزاكم الف خير.

:32: