اللي سوت ((زوم)) لاسنانها تدخل

انا سويت زوم اللي هو تبييض الاسنان ب الليزر من 3 ايام صدق اسناني بيضت وفيه فرق بس مو اللي كنت اتوقعه مع انها سوت لي 3 مراحل يمكن كان يبغالي اكثر وحسيتها مستعجله لانها ع آخر الدوام وقالت لي رح تبيض اكثر بكره وبعده اليوم لي 3 ايام شفت العكس بدأت تصفر بس مورجعت زي اول بس انها خف البياض مع اني ماشيه ع تعليماتها قالت لي 3 الى 4 ايام لاتشربين قهوه شاي عصير له لون زي التوت والاكل اللي له لون ....
المهم صراحه تعبت ب المره جاني آلام فظيعه لما رجعت البيت زادت هي قالت لي رح يجيك شكشكه على قولها بس صارت معاي قويه مدري كل واحد سواها زيي واللا انا بزياده وقالت خوذي مسكن اخذت حبتين بنادول كأني ما اخذت شي ولا قدرت اناااام تخيلوا اسناني كلها تضرب زي البرق لما جت الساعه 2 وصلت حدي ما قدرت اتحمل قام راح زوجي الصيدليه اعطاه مسكن قوي اخذته كأني نسبيآ فيه تحسن المهم اليوم الثاني لما قمت الحمد لله الالم خف اقدر اقول 90٪ بعد كذا اللا احس اللثه مره ملتهبه واسناني حساسه من المويه حتي لمن اتمضمض تألمني المهم اليوم الثالث اللا لثتي ملتهبه زياده خاصة السفليه وعليها زي البياض وواضح انه التهاب كل هذا ماعلي منه ان شاء بيخف لكن خايفه تصير اسناني متحسسه ع طول والبياض اللي هو اهم شي خايفه مايستمر ف اللي مرت ب التجربه منكم تقول لي كيف احافظ ع بياضها اطول مده ممكنه مع انها قالت لي الدكتوره تحافظين ع النظافه ب استخدام الفرشه طبعا واذا اكلت شي حاولي دائمآ تتمضمضي وقد تحتاجين بعد سنه او سنه ونص نسوي لك مره ثانيه بس ماأظن بعد اللي عانيته اني اكررها.
ارجو منكم تجاوبون ع تساؤلاتي وش تنصحوني فيه ويعطيكم العافيه....