ولد زوجي كيف اتصرف معاه ..........

زوجي له بنتين وولد من حرمة قبلي مطلقه وعايشين عند عمتي ام زوجي الاسبوع اللي فات بعد اجازة الحج زوجي وولده رجعوا من السفر وانا كنت عند اهلي في الاجازة ما رحت معاه وبناته مع امه بيجون مع عمهم المهم زوجي جاء على الظهر الخميس اللي فات وعارفين مشوار السفر بالسيارة من المدينة لمكة متعب الولد نام في السيارة وشبع نوم ولمن جاو بعد الظهر في بيتي اتغدوا وزوجي نام في المجلس اللي في اخر الشقه علشان ولده يبغى الكمبيوتر في غرفه النوم وتعالوا شوفوا لمن جابني زوجي في الليل كيف لقيت البيت مفكك ادراج غرفه النوم ولاعب فيها لعب والثلاجة مفكك العسل والحلاوة وماكل شوي ورامي والسكر الاصابع انا ما استخدمه الا في التماشي وفي الدوام معدم المطبخ فيه وجايته مويه وصار يلصق والقهر لاعب في الكاميرا حقتي اللي مصورة فيها بنتي وما حمضتها ومنزل الفلاش وكمان اليوم اللي بعده رحت عند عمتي ام زوجي علشان باعايدها والا عيالهم الصغار يبجيبون اله حاسبة لمن شفتها عرفت انها حقتي وربي قهر اله حاسبة بميتين ريال كنت استخدمها في الرياضيات ولها عندي كم سنة قهر لو ماجابوها ولا شفتها ما عرفت انه اخذها وعمتي تقول انه جاب كيس مليان اشياء ........مقهورة منه هو مو صغير مرة خامس ابتدائي يعني عمرة 11 سنة اش نصيحكتم اتصرف معاه بحيث زوجي وعمتي والولد ما يزعلون علما ان الولد وعيال زوجي كلهم يحترموني لاني اعاملهم بما يرضي الله واحط نفسي في مكانهم لا قدر لو عيالي اتربوا بعيد عن امهم وابوهم وهذي مو اول مرة يسويها لمن كنت نفاس وحضروا زواج جاء مع ابوه وولد عمته في عمره ولعب في بيتي وانا مو موجدوة نصيحتكم لارضاء كل الاطراف