لأول مره بعد 6 سنين انام في غرفه وزوجي في غرفه ؟؟

ياما تزاعلت أنا وزوجي بس ما قد فكرت أنام برى غرفه النوم وهو في الغرفه اصلا ما يخليني إذا زعلت يقالي بأدلع و اطلع برى الغرفه والله ما يخليني

بس امس ولا فكر يناديني ويراضيني
المشكله وما فيها إن ضرس العقل يوجعني ولى فتره اقول له ودني عشان اسوي له جراحه ويشيلونه وهو يقول خذي مضاد وبيخف طيب وبعدين كل هذا عشان ما يبغى يخسر فلوس على وحده عقيم
لكن عشان عياله كل يوم وهو في الصيدليه حليب وحفايظ وأدويه الخ ....
حتى الشغاله إذا تعبت يوديها وما عنده مشكله يدفع لها طيب الحين الشغاله أهم مني والله قهر

بصراحه مواقف كثيره تجمعت على بعض وحسيت إني بأختنق أغراض البيت أشتريها أنا وانا أصلا ماني موظفه بس ابوي الله يطول في عمره يعطيني فلوس وكمان انا إداريه في دار ويعطوني مكافئه وانا هبلللللللله أصرفها على البيت
مع إن بيته الثاني أي شي يحتاجونه يجيبه لهم وإذا نا قشته يقول طيب عيالي
انا تعبت من جد وصلت لمرحله خلاص كرهت كل شي حاسه إنه مخليني معاه عشان يمتع نفسه بس

يشهد الله ما أقصر معاه والله ثم والله ما أذكر مره نام وهو زعلان مني

بس الحين خلاص والله لأغير معاملتي معاه حتى يعرف إن الله حق وإني مسؤاله منه ولي حق زي عياله بالضبط
حتى الطبخ ما راح أطبخ حتى يجيب مقاضي للبيت مثله مثل غيره
بنات ساعدوني والله حالتي حاله وحاسه بضيقه الله العالم بها
هل أنا على صح مع العلم إني حاولت معاه بالطيب والتفاهم ونفس النتيجه فقلت أغير الإسلوب يمكن يفيد معاه

يارب يا عالم بحالي اسألك في هذه الساعه من يوم الجمعه ان ترزقني الذريه الصالحه وان لا تحرمني وإرحمني اللهم فرج همي ويسر أمري وإرزقني من حيث لا أحتسي وإغفر لي ذنبي يا رب العالمين يامن إذا سأل اعطي وإذا دعي اجاب إرحمني إرحمني إرحمني
امين يارب العالمين