بنتي خديجة وما أعرف كيف أتعامل معاها... ساعدوني

عاااااااااااااااااادي
لاتخافين
أنا ولدي مب من أطفال الخدج بس جبته ضعيف وقزوم ومن كثر ماهو صغير
تخيلي لونه أحمر إني جلست أعاني من لونه يمكن 3 شهور لين أخذ لونه الطبيعي
تخيلي شكله كتكوت
والله إني شالتنه في المستشفى وأقول لولد اختي شوف البيبي ... يقول وينوه
لأن ولدي كام ضايع في القماط
فصغر حجمه لا يخوفج
إللي أسمعه دايماً إن المفروض تعاملينها بشكل طبيعي جداً حالها حال أي طفل
وهي مب أقل من أقرانها بأي شي
بالعكس أنا سمعت يقولون إن نسبة الذكاء تكون فيهم عاليه
وعمرج لا تعاملينها معامله خاصة عشان ما تفسدين تربية البنت
ولو كان في شي ما كانوا بيطلعونها من المستشفى
هي حجمها صغير.... فلا تخلين الحجم مشلكة وإن شاء الله بتكبر وبتشوفينها عروس بإذن الله
وبتذكرين هذي الأيام وبتضحكين

اول شي .. مبروووك ماجاكي وتتربى بعزكم ودلالكم يارب ويبلغك فيها كل خير يارب

يااقلبي .. انا كمان ولدت ولدي بالاسبوع الثاني من الثامن

ووزنه نفس الشي كيلو وستمية !

ودحين عمره 3 سنوات ونص .. احب اطمئنك ..

لا قوة الا بالله ذكي جدا جدا ولمااااح جدا جدا ! ويتقن العربي والا نجليزي ! مع انه بدا يتكلم متاخر !

حتى ذكائه اعلى من اخوه اللي اكبر منه ماشاءالله واللي ولدته بعد ماكملت تسع اشهر

يعني لاااا تشيلي همم ياقلبي

هي مشكلته انه قصير يعني اللي يشوفه يعطيه سنتين ونص او سنتين و8 اشهر بس مو ذاااك القصر اللي كانه فيه عيب خلقي !

اما عن انك كيف تتعاملي معاها .. والله بالنسبه لي صح تعبت مرررره معاه اول مانولد وقعد فتره جسمه رخو ومايمسك رقبته يعني لا تقلقي ابدددا بيطول يمكن شوي الين يمسك رقبته

لما كمل 3 اشهر حسيت اني اقدر اتفاهم معاه عاااادي مثل اي طفل فطوللي بالك ياقلبي ولا تشيلي هم ..

على فكره ولدي يناث عليه اشول ( يكتب باليسار ) ويقولو ان الاطفال اللي يكتبو باليسار اذكياء :)

لا تقلقي ولا تقلقي ولا تقلقي

:) :26:

انا بعد مشكلتي مثل مشكله الاخت سنيورة الحين عمر بنتي 18 يوم وهي في الحضانه ولدتها وانا ماخذة من الثامن 5 ايام وبقيصريه واحاتي لما تطلع كيف اتعامل معها الي عندة خبره ينصحني الله يعافيكم

ربي ييسر امركم

الله يسعد كل من ردت علي والله انكم وسعتوا صدري وريحتوني لأني من جد كنت خايفه عليها والحين احس اني الحمدلله احسن .......