آآآآآآآآآآآآآه .. صار اللي كنت خايفه منه...

استخدمي زبدة الكاكاو وحاولي ماتهرشين في بطنج وايد أو سيري ماذر كير وعندهم كريم خاص والله كريم إنشالله
وبعد ما تولدين بالسلامة استخدمي هذي الوصفة علها تقلل وسمعتيني شو أقول بعد ماتولدين مش الحين
للتبييض ولتوحيد الوان البشرة

120 جم روب
1 م ك نشا
1 م ك نعناع ناشف
1 م ك شاي أخضر
1 م ك بقدونس ناشف
لمدة 30 دقيقة.
كل يوم والله يتمم حملج على خير بإذن الله

أختي لاتخافين أنا صار لي مثلك بس وصف لي الطبيب كريم بزبدة الكاكاو لتشققات البطن للحامل تلقينه في الصيد لية ولامنة أي ضرر على الحامل

يا حبيبتي ما أدري وش أقولك

بس مشكلتك مشـــــــــــكلة

زيت جونسون خفيف جداً وماله فائدة!!!

بس مو مشكلة ممكن تلحقين عمرك واستخدمي كريم (بالمرز) بزبدة الكاكاو
أنا في ثاني حمل الآن في الشهر التاسع وماشاء الله ما عندي ولا خط
بس أنا مدمنة عليه يعني من الشهر الثالث وأنا أحطه مرتين باليوم ومن الشهر السابع 3 مرات اليوم.. أو كل ما حسيت بحكة (وياكثر ما أحس فيها)..
وحتى تشترينه من الصيدلية استخدمي زيت زيتون ترا يمدحونه البنات كثير لكن أنا كنت أستخدمه بس لما يخلص الكريم ولا ألقى اللي يشتريلي إياه
إن شاء الله تلقين فائدة بس لا تنسين
كل يوم كل يوم كل يوم كل يوووووووووم مرتين أو ثلاثة لأنك بدأت الخطوط تظهر فيك أصلا

أتمنى ما أكون أزعجتك بس ربي يسهل وتنتهي المشكلة على خير

كرزه عيوني ..
ادهني بطنك بزبدة الكاكاو حقت بودي شوب لاتفوتك ..
واستمري عليها لين تولدين ..
تجربة شخصيه مني .. وادهنيها اا ..علىىىى فخوذك لاتنسينها ..

أختي نسيت أقولك
تعقيبا على رد الأخت دانة 2002
زبدة الكاكاو اللي في بودي شوب ممتازة بس سعرها غالي خاصة إنك بتستمرين عليها كذا مرة
ولكذا شهر..
بالإضافة إلى إني جربتها وأحسها أخف من زبدة الكاكاو من (بالمرز) اللي بالصيدلية اللي أساسا مخصصة لتشققات الحمل وسعرها جداً مناسب..

وعموماً:
الأجسام تختلف