حبيباتي اكيد الكل يحلم بجسم ممشوق وقوام مرتب
وحياة مشعشعه نشاط وحيويه وصحة احسن بدون دايت وبدون مانحسب كالوري :)
اكثرنا نعرف ان نزول الوزن يحتاج جهاد نفس وحرمان ورياضه
وبعض منا مشغول وله اولويات ساحبته اهم , والبعض نفسيته ماتساعد يبدء دايت
والكل يتعب من نوعية الحياة اللي كلها اكل × اكل وشهية مفتوحه ماتتسكر :/
والجسم المهدود والحيل المكسر
بقولكم السالفه هذا اسلوب ونظام حياة اي احد يتبعه راح يتخلص من كل المشاكل اعلاه
انا اتبعته اول سنه وانا اكل كثير ماشاء الله لين مليت وصرت انظم 3 وجبات واحيانا الغمش بينهم
ونزلت عشره كيلو كيف , لو سويتوا معه رياضه ؟! كيف لو مرت بكم السنين وانتم ماشين عليه بتنحفون بكل سنه 10 بدون ماتحسون كذا بالراحه :)
النظام سهل جداً اسمه ( البديل الصحي )
في اكلات ناكلها ونحسبها شوي وهي والله مصايب مصاااايب
زي النوتلا هذي اكثر نصها زيت وسكر والكاكاو شي قليل :/ يعني انتي تاكلين زيت مخلوط بسكر
الجبن السايل زيت مخلوط بحليب
طيب وش الحل ؟! اتركهم ؟! ...لا
جيبي لك بديل صحي وبألف عافيه
النوتيلا مثلا:
تحتوي اكثرها على زيت وكمية مجرمه من السكر
البديل :
انتي بنفسك سويها بدون زيت
( ملعقتين حليب بودره خالي الدسم , ملعقتين دبس تمر , ملعقتين بندق مدقوق , ملعقة كاكاو بودرة خام , ملعقتين مويا مغلي ) وبالف عافيه
حلو وصحي , اخذتي فوايد الكاكاو الطبيعي , بدون ماتضيفين ولانقطة زيت.
الفرق : انك بالطبيعي اخذتي الياف اكثر , معادن من الدبس ، سكر الدبس طبيعي يعطي طاقه يستفيد منها الجسم (مايلعب بكيمياء المخ ويسبب لك ادمان حلويات وخبز زي السكر المكرر !)
الكاكاو الطبيعي غني بماده مغذيه للمخ تسبب السعاده ( اقروا عنه ) وفيه كافيين بالملعقه الوحده مناسبه لتنشيط القلب بالتالي الحرق ,الكاكاو الطبيعي يساعد على تنظيف الشرايين ( التكثير منه خطر لانه غني بالكافيين )
نفس الشوكولاته اللي راح تاكلينها راح تكون مشبّعه بالنسبه لك مايحتاج تاكلين منها طول اليوم وصحيه جداً تقدرين تاكلين منها كل يوم ( اكرر ماانصح باكثر من ملعقة كاكاو باليوم )
وهالطريقه هذي اصح حتى من الدارك شوكلت المر بالسوبرماركتات لان فيه سكر مكرر ومواد صناعيه وزيوت وهذا خالي تماما وحلو لانه يحتوي ع الدبس والدبس حلاوته مضاعفه بالفم :)
.
.
هاه حليتوا ولالا ؟؟
.
.
التوفي تحبونه !
البديل الصحي :
تمر سكري , وهذا موسمه :)
نفس الشكل تقريباً قطع , ونفس اللون وطعم مقارب له
الفرق بينهم :
السكري : الياف اكثر , غني بالمعادن والفيتامينات اللي يحتاجها الجسم , حلو لكنه سكره طبيعي مايضر ( سبع تمرات على وصية النبي صلى الله عليه وسلم هي الاكثر لاتتهدون )
التوفي : معدوم الالياف , غني غني غني بالسكر الابيض المكرر اللي يفسد الجسم والمزاج ويسبب ادمان الحلويات ,, غالبا الحليب المستخدم بالحلويات ( معاد تكوينه ) وزيوت مهدرجه تتيبس بجدار الشرايين وتسبب تعب للجسم
.
.
ملك شيك
غني بالسكريات
البديل الصحي:
سموذي :
حلو لانه غني بسكر الفاكهه الطبيعي من الفواكهه نفسها فيتامينات عاليه ويحرق الدهونوالكوليسترول لانه فيه شوفان
..
الشبس بالخل = خبز رقاق صبي عليه ملعقة خل وملعقة زيت زيتون ( الطريثة شبيهه بالطريثه النبويه ) تعطيك نفس الطعم للشبس والقرمشه بدون دهون ضار وزايد
وتحافظين على رشاقتك وصحتك
نفسه بالتمام بهريه بتوابل الشوي وملح الليمون ورشيه بشوية مويا وبالة فليبس ( تسخين هوائي ) يطلع لك نفس الطعم للبرنقلز تقريبا واطعم بالبهارات ( صبي فوقه كاتشب ار بالكاتشب )
( طبعا تقدرين تسوين بشرايح البطاطس بالفرن بس هذي ع السريع )
الزبده اخذتي الياف من البر , ولا نقطة دهون تدخل جسمك , الخبز الرقاق كمية وسط منه تعطي كالوري قليييييييييييل مره مقارنه مع غيره من الخبز
اكلتي اللي ودك بدون سمنه وبدون حرمان
.
.
ايسكريم الماء والسكر .. اضيفي فاكهه تحبينها بالخلا مع ماء وملح ليمون وبالقولب
ايسكريم الدهني = ملعقتين قشطه , 2 دبس , شوي فانيلا , 1 كاكاو وشوية مويا وبندق وباكواب بلاستك ع الفريزر
واحلا ايس
الفرق نفس فرق الشوكولاه ( الدهون الحيواني الطبيعي بدون مبالغه مايضر ابدا ) اللي يدمر العافيه هو المهدرج
\
الزيت زيتون ينظف الشرايين 2 م كويسه
زيت جوز الهند 2 ملعقة تشيل الدهون شيل ! ليه لانه مايمتصه الجسم تركيبته مايمتص بسهوله على طول يستهلكه الجسم
الاجانب الصحيين كلهم يستخدمونه باكلهم الطحينه لاباس
الكانولا للطبخ وبدون مبالغه ملعقه كافيه
الكرب الابيض دمار سمنه ع الفاضي البر النخاله تنحف وتعطي الياف تنظف الدهون
كل الحبوب حولوها بر
فمان الله