السنعات واللي عندها خبره واللي تبي لأجر تدخل/ ترتيب البيت الجديد تعديل

مساء الخير يا حلوة ..:26:
أول شي المكياج إذا كان كثير جيبي شنط المكياج ما في أحسن منها .. أو ترتيبها في الدرج بواسطة علب أو سلال
حتى الإكسسوارات عندك ( ايكيا ) عنده أشياء الترتيب و التنظيم روووووووووووعة العلب المقسمة ، السلال ، علب كبيرة أو صغيرة ..في أدراج خشب عند ايكيا صغيرة اما تكون 3 أدراج صغيرة و 2 كبيرة أو 9 صغيرة أو 3 كبيرة .. روعة في ترتيب الشباصات و البكلات والإكسسوارات .

بالنسبة للملابس : حددي لكل شي رف مثلا البجايم القطنية في رف القمصان في رف ثاني و كدة ، وممكن تشتري العلب القماش من ايكيا مررررررة روعة في ترتيب الدواليب .. اللانجري عندك التقسيم حق الأدراج عبارة عن أعمدة خشبية تحطيها تعملك الدرج كله مربعات و ترتبي فيها الملابس الداخلية ، وقمصان النوم حطيها في علب بس من غير الغطا وحطيها في الدرج و إذا لازم في الدولاب خليها بغطاها .وبالنسبة للريحة هذه طريقتي ( جيبي ورد مجفف و حطيه في علبة و حطي معاه البخور اللي يجي زي البودرة - المعمول-وعليه رشي عودة و غطيها و خليها في مكان توصله الشمس لمدة يوم وبعد كدة حطيها في اكياس و وزعيها على الدواليب .)

الجزم والشنط أنا شارية علب كبيرة مرة من ايكيا تجي 2 مع بعض و بأشكال روعة وحاطة الجزم في واحد والشنط في الثاني و حاطتهم على بعض جنب التسريحة وفوقها حاطة بروازة واكسسوارات صارت تجنن كأنها زينة .

ملابس ولدك الأفضل انك ترتبيها في أدراج أحس أريح و الملابس اللي صغرت عليه غسليها بكمفورت و بعدين حطيها في أكياس ( تعرفي أكياسالخضار اللي تنقفل بالضغط ؟ في زيها بس حجم أكبر تلاقيها في السوبر ماركت مع الأكياس و عليها صورة سمك ) رتبي في الملابس و حطي معها مناديل تكوني معطرتها بالعطر اللي تحبيه ومجففتها وبعد ما تدخلي الملابس في الكيس أضغطي عليها الى أن يخرج الهوا اللي فيها كله راح تصير مرة صغيرة وبعد كدة رتبي الأكياس في شنطة أو علبة .

أما المنظفات : للمطبخ (غسيل الصحون فيري ، تنظيف البتوجاز والأسطح والثلاجة وروعة في ازالة الدهون وهو 409 لا يفوتك و الأرضية العملاق مع الديتول الجديد اللي بروايح أما الأخضر أو الأزرق لأنها أجمل ريحة )
للحمام (العملاق وديتول وحاليا راح أجرب 101 و للبوديه هاربك )
طبعا منظف الزجاج داك ، أستخدمه كمان في مسح السيراميك روعة يخليها زي المراية .
للملابس تايد بالفل + كومفرت + فانيش المكعبات + شامبو العابايات.
وعن تعطير البيت للحمام حاطة فواحة والزيت من بودي شوب (أوشن) وللبيت ( لايف إز ) وأحيانا أبخر ببخور غناتي مرة حلو ..
أتمنى أكون أفتدك ،وان شاء الله قريب راح أنزل موضوع فيه صور ترتيبي لأشيائي ان شاء الله تعجبك .. ما ابغى منك غير دعوة ان ربي يرزقني بتوأم بنات تامين الخلقة و الخلق من غير زيادة أو نقصان ..:32:

الملابس طريقة الرولات تريح شوفي طريقتها بالمنتدى00000000000000المكياج علب شفافة او صناديق حلوة اشكالها او المقسمات 0وفي محلات ابو ريالين علب خاصة بمحددات والارواج 00الاكسسوارات في ادراج مرة حلوة مثل حقات الذهب وتجي ارفف 0000
المنظفات (ديتول الاخضر-داك العودة او الازهار)
البخور :بانافع -او من عبد الصمد 0في بخور رخيص اسمه (المسني )يصلح للاستخدام اليومي وعاد انت وذوقك في الروائح

شوفي حبيبتي بالنسبة للمكياج خذي شنطة حلوة من بودي شوب وحطي فيها كل مكياجاتك حقت السهرة واللي ماتستخدمينها الا في المناسبات وحطيها في الدرج ...
اما اللي تتستخدمينها يومي حطيها في الشنط الصغيرة زي اللي عند بودي شوب وخليها في شنطتك حقت الخروج واذا احتجتيها حطي منها ورجعيها وممكن تاخذين من اطقم بودي شوب خذي وحده كبيرة للمكياجات والثانية الصغيرة لحقت الخروج مرة حلوة....
اما الاكسسوارات حذي الاكياس الصغيرة عارفتها اللي تنسحب من فوق وحطي كل طقم لوحده....وحطيها في علبة وخليها في الدرج...
والشباصات زي ما قلتي حطيها في العلب والصغيرة خليها لوحدها في علب صغيرة...
اما التسريحه.... لاتحطين عليها الا العطورات وحطيها في استاند شكله حلو... ويكون داخل فيه شموع او اضاءات..
بيطلع شكلها مره حلو...
اما بالنسبة لترتيب الدولاب...
البيجامات والقمصان القصيرة طبقيها وحطي كل واحد في جهه وخلي مسافة بينهم علشان المبخرة او الفواحة لتعطير الدولاب..والتنانير والبناطيل حقت البيت كمان طبقيها وحطي جنبها سبت وسط ولفي البلايز والبديهات حقت البيت وحطيها فيها...
وكمان حلوة فكرة الرول لوحدة من الاخوات في المنتدى لملابس الزوج ان شاء الله بصلحها لملابس زوجي التي شيرت والبيجامات ...
نجي لقمصان النوم حطيها كمان في الاكياس اللي تنسحب من فوق بس المقاس الكبير وحطي معها الكور الخشبية وورد مجفف تطلع ريحتها مرة حلوة وحطيها في الدرج او الدولاب...
اما الملابس الداخلية انا حاطتها في شنط صغيرة اذا فتحتيها لها درجين درج للكلوت ودرج لسنتيان..وكل طقم حاطته لوحده وحاطتها في الدرج...
اما البنوتة بصراحة ماعندي خبرة.....
بالنسبة للفواحات لاتفوتك فواحة بودي شوب حقت الاعواد وخصوصا الفراووووووووووولة مره رهيبة وتثبت في البيت ,,,
اما المطهرات (للصحون الفيري.. والمطبخ والارضيات السيراميك والحمام استخدم الكلوركس+العملاق +ملح الليمون او خل.,,|)
والبخور وعطورات البيت بصراحة ما اتعامل الا مع حريم احلى بكثييييييييييييييير من الاسواق لانها مغشوشة,,,
اما الملابس عندك بوونكس رهيب بصراحة وداوني وحطي مع داوني شوي ديتول حتى يعقم الملابس وخصووووووووووووصا الداخلية,,
حبيت افيـــــدك حبيبتي باللي عندي ..........
ومباااااااارك عليكم المنزل ...

ما شاء الله الاخت ام لولي ما قصرت دخلت ابفيدك قريت ردها واستفدت منها كفت ووفت
بس حبيت اضيف حاجه بالنسبه لروائح البيت افضل شي عندي نكتار تاخذي فواحه من اي محل
وتشتري العطور من عندهم وكمان تاخذي معطرات المفارش رااااايقه
تحيااااتي

الاخوات ما قصروا شرحوا بالتفصيل
موفقه