توتـا @tota_6

محررة فضية

بنتي اتعقدت من أستاذة الرسم.. تعالو احكيكم وارجوكم شوفو لي حل

حبيباتي..

بنتي سنه اولى ابتدائي.. واليوم قالت لي ياماما ماابغى اروح المدرسه يوم السبت.. استغربت وسالتها ليش ؟؟قالت لي عشان عندنا رسم وابلة الرسم عاقبتني على شي انا ماسويته..

ياماما صحبتي اللي جنبي سوت شقاوه والاستاذه وقفتني انا وهيا عقاب ولما جيت اكلمها انه انا ماسويت شي , صرخت وقالت لي اذا ماسكتي حخليكي واقفه الى الصرفه(موعد انتهاء الدوام)..وانا سكت بعدها .. وكمان ياماما هيا ضربت وحده في الفصل وجلست البنت تبكي ..ضربتها عشان ماعرفت ترسم زي اللي كتبته المعلمه في السبوره..

هذا الكلام اللي قالته ليا بنتي.. وبصراحه انا خفت على بنتي..البنت اتعقدت من المعلمه وخايفه منها.. بنتي هادئه وماشاء الله عليها تسمع الكلام ومو من طبعها الشقاوه.. واخاف ان هالاستاذه بعد كذا تخاصم بنتي اكثر او تضربها(الله لايقول)..ساعتها بنتي حتتعقد من جد

فكرت أروح المدرسه واتكلم مع هالمعلمه بس اخاف تحقد وتحط بنتي في راسها وانتو عارفين معلمات المدارس الحكوميه كيف يتصرفو في هالمواقف..طبعا انا ماأعمم لان في معلمات اخلاق

شايله هم بنتي وماني عارفه كيف اتصرف .. ياريت تنصحوني وتقولو لي كيف اتصرف واكسب هالمعلمه لصالح بنتي..

في انتظار ردودكم.. والله يخلي لنا اولادنا ويحفظهم من كل شر

.

يلزم عليك تسجيل الدخول أولًا لكتابة تعليق.

تسجيل دخول

ام الغلا ودودي • 12 سنة

لا ياقلبي لا تسكتي عن بنتك. روحي المدرسه واسالي كل المدرسات عن بنتك ورحي لمعلمة الرسم وكلميها عادي اساليها عن البنت وقوليلها بناي هادي طبعها ومودبه وحابه اسال عنها بالمدرسه كيف مستواها وادبها. وكذا. خليها تحس انك مهتمه ورا بنتك

توليب 33 • 12 سنة

لاحول ولاقوة الابالله...ياالله اذاهذا تعاملها مع سنه اولى كيف سنه رابع واعلى؟؟؟

لك الحق تخافي ع بنتك...باعتقادي انك تكلميها...

واذا مانفع تكلمي الأداره اذا انت جريئه..

توتـا • 12 سنة

ام الغلا ودودي :

لا ياقلبي لا تسكتي عن بنتك. روحي المدرسه واسالي كل المدرسات عن بنتك ورحي لمعلمة الرسم وكلميها عادي اساليها عن البنت وقوليلها بناي هادي طبعها ومودبه وحابه اسال عنها بالمدرسه كيف مستواها وادبها. وكذا. خليها تحس انك مهتمه ورا بنتك

لا ياقلبي لا تسكتي عن بنتك. روحي المدرسه واسالي كل المدرسات عن بنتك ورحي لمعلمة الرسم وكلميها...

ايوا انا فكرت اسوي هالطريقه.. حروح ان شاء الله المدرسه يوم الاربعاء وحروح لهالمعلمه واسألها عن بنتي وعلى قولتك ابين انه انها مهتمه وانه انا ورى بنتي..

انا اسال بنتي ها ايش تقول لك المعلمات والحمدلله كلهم مبسوطين منها ولله الحمد... صدقوني مو مدحا في بنتي بس بنتي طبعها هاديء وطيوبه وتسمع الكلام وماتحب العنف والصراخ ابدا..ومن جد شاغل بالي هالمعلمه .. مااحب احد يصرخ او يعامل بنتي بعنف وهذا مو انا بس اكيد كلكم توافقوني الراي..

توتـا • 12 سنة

توليب 33 :

لاحول ولاقوة الابالله...ياالله اذاهذا تعاملها مع سنه اولى كيف سنه رابع واعلى؟؟؟ لك الحق تخافي ع بنتك...باعتقادي انك تكلميها... واذا مانفع تكلمي الأداره اذا انت جريئه..

لاحول ولاقوة الابالله...ياالله اذاهذا تعاملها مع سنه اولى كيف سنه رابع واعلى؟؟؟ لك الحق تخافي ع...

صح كلامك بس على مااعتقد هالنوعيه ماتفرق معاها سنه اولى او فوق سنه رابع.. هيا بس تفرغ اللي جواها وبس من غير ماتفكر .. بس انا استغرب ضميرها فين وماتخاف من ربنا تستقوى على بنات صغار

وماينفع اروح اكلمها واقول لها ليش عاقبتي بنتي من غير سبب .. زي ماقلت حتحقد على بنتي وتحطها في راسها وماينفع اروح اتكلم مع الاداره لانه ساعتها حيكبر الموضوع وفي النهايه ماحيصير لصالح بنتي..

لازم افكر بحكمه ومااستعجل واحاول اتوصل لقرار كويس من غير مايصير فيه اي اضرار..

عشان كذا كتبت الموضوع هنا وقلت اكيد اخواتي في حواء حيفيدوني بارائهم...

جنة مشاعر • 12 سنة

تكلمي معها من جوال بدون اسم ولاتوضحين انتي ام مين من الطالبات ولاتوضحين وش الموقف بالضبط عشان ماتعرف بنتك
وبنتك لاتدري عن انك بتكلمينها
والله يوفقك
هذي طريقتي في معلمات اخواتي لما يجننوهم بالعبط