زوجي وحالته اللي مو طبيعيه

السلام عليكم بنات حواء جميعاً انا مدري اشكي حالي
على مين زوجي من يوم اخذته ماقد مر يوم مانتكد فيه
مشكلته اذا حس بحاجه كبر الموضوع لو صداع تشوفينه
طول اليوم مكشر وطفشان غير كذا مشكلة بطنه دايم
يشكي من القولون ودايم طفشان ويقول ماجاني هالحاله
الا بعد الزواج كانه راببط مرضه فيني فيه وسواس فضيع
دايم يده على قلبه يقول نبضي سريع ومرات يقول احس
النبض بطئ وكل ماافتح النت بعده القا كله عن القولون
واسبابه ومدري ايش احس منكد علئ نفسه وعلي والحين
طالع بسالفه جديده يقول الشهيه عندي مسدوده اكيد فيني
شي ولله تعبت سد نفسي معه المشكله كل الدكاتره اللي
يروح لهم يصرفون له ادويه نفسيه بس ماياكلها يقول
مو زينه انا متأكده ان مشكلته نفسيه بس عجزت اقنعه
ولله اني اليوم قاعده ابكي تشوفين جو البيت كئيب مايبني
اتكلم ومايتحمل ازعاج بناته يدخل بغرفه ويسكر عليه مايجلس
معنا