راما تعبانة ادعوا لها.. والي صار مع البيبي حقه كذا يقول لي وش صار

الله يشفي لج بنتج ..وصعب البلغم اذا صار بالاطفال لانه ما يقدر يطلعه لا بالارجاع ولا عن طريق الادوية ..ربي يقومها بالاسلامة و تابعي علاجها وما تشوفون شر

انا عندي ولدي الله يشفيه عمره7شهور انكتم 3 ايام بعدها وديناه لمستوصف وكتب لنا بخار كل 4ساعات وحنانطلع مع شده ذاك البرد اللي جانا لان حق البيت يقول الدكتور ماينفع
المهم جلسنا على هالحال اربع ايام وحنا خري مري على المستوصف والطفل لا يرضع زين ولا ينام زين ولا مرتاح ويكح كحه مكتومه مره يحمر وجهه ويستفرغ بعض الاحيان والله اني اناظره وابكي مدري وش اسوي المهم رجعنا للمستوصف وسووله اشعه وقال كويس شكله ماعنده ماعند جدتي
شفنا الولد بدا ينزل وزنه فقط لمده اسبوع تغير حاله صاريرضع 60 فقط اي رضاعه ابو شهرين من الكتمه

وبعد مشاورات مع ابوه وديناه للتأمينات عطوه بخار ثم اشعه ثم تحاليل مدري تحاسير بهالمسكين مافيه مكان بيدينه ولا رجلينه ماغزوه ابره حسبي الله عليهم
وبالاخير قاسوا نسبه الاكسجين كانت نازله وخطر عليه كتبوا له تنويم

تنومنا لمده 5ايام وخلال ذلك اعطوه اكسجين وبخار كل 6ساعات ومضاد ومغذي وكان معاه اسهال المسكين اكرمكم الله

وبعد ماشاف الدكتور ان حالته مستقره وبدا يرجع للرضاعه بالتدريج فكوا المغذي والكسجين بقينا على البخار وقررلنا الدكتور خروج


ولكنه قال ان صوت الخشخشه اللي بصدره مع الكحه الشينه يمكن تجلس يوم يومين اسبوع اسبوعين وبالتدريج تخف
وطلعنا على هالاساس

ارتاح لمده اسبوعين وهالحين صوت صدره فيه ازيز مدري وش العله

وسلامة اولادنا والله يشفيهم ويخليهم لنا

الله يعافيها ان شاء الله

امسحي جسمها بزيت زيتون دافيء وبعدين لبسيها ملابس قطنيه بكم طويل ودفيها اذا الجو بارد

ومسحي رجولها كمان بزيت زيتون ولبسيها جوارب سميكه وباذن الله راح تخف وتتشافى


الله يشفيها ويخليها لك

الله يشفيها