الحين زوجي يبي لنا بيت دورين وانا عندي طفلين ومايبي اجيب شغاله يقول بتحكرني في البيت
بس افكر اجيب كل اسبوع شغاله بالساعات تنضف لي الاشياء الغثيثه وملابسه الله يسلم الكواي يكويها

انا موظفة وما عندي شغالة وزوجي رافض فكرة الشغالات ويقول الواحد ما ياخذ راحته في البيت لو فيه احد غريب،،،، والله اني تعبت ومو قادرة انظم وقتي وما انظف البيت الا مرة بالاسبوع وتطلع روحي وانا انظف لأني مو متعودة في بيت اهلي على الشغل،، وافكر الحين اترك الشغل واتفرغ بس للبيت ابركلي:09:

والله ياعيوني
الشغااله غثا وهم بمعنى الكلمه

الحمدلله ماعندنا شغاااله والبيت واقف ماشاءلله نظااافه

بس انتي ادعي الله انه يعاونك بشغل البيت

وترى يعجبني الحرمه يوم تجي ماسكه بيتها وعيالها نظيفين وبيتها حللو ومرتب
وكل شئ بيدهاااا
حتى لو موظفه

هي المسأله كلهاا تنظيم وقت والله

نظمي وقتك وشوفي كيف حالك

الحمدلله ماعندي شغاله :)

عندي ولدين وبنت .. فعلا رااحه مابعدها راااحه عدم وجود الشغاله بالبيت تاخدي راحتك انتي وزوجك باللبس والحركات :)

مع اني احيانا اتعب واتمنى تكون عندي :09:

من ناحية النظافه الحمدلله بيتي نظيف بس لازم من الالعاب كل شوي تنزل الصاله وتصير فوضا لاااازم

لكن انا بقولك جدولي ومريحني الحمدلله :)

وهذا غير اني وانا على فراشي اسوي مثل مانصح سيد الخلق عليه الصلاه والسلام ابنته ..

سبحان الله 33 مره
الحمدلله 33
الله اكبر 34

والله مفعوولها سحر سبحان الله ..

وانا حريييصه على اني اقوم بدري وسط الاسبوع لكن الويكند طبيعي بسهر واصحا الضحى ..

الاشغال اليوميه ..

لما تقومي بدري يكون عندك وقت كاااافي انك تخلصي اشغال البيت .. قبل مايجي زوجك ..

اصحا بدري مع زوجي على الساعه 7 الصباح وبما ان الدنيا اجازه اولادي يكونو نايمين ..

اسوي فطور لزوجي وافطر ..

انظف غرفتي .. ارتب السرير .. امسح الكومودينو والتسريحه وعواميد السرير ..

الصاله بتكون مرتبه .. بس امسح الطاولات .. والتلفزيوون ..

اغسل الحمام الله يكرمك اللي نستعمله يوميا ..

يكونو الاولاد صحيو ماعدا بنتوتتي اللي تصحا معايا من صباح رب العالمين :09:

.. افطرهم .. اغسل مواعين الفطور ..

اطلع اللحمه او الدجاج اللي ناويه اطبخه على الغدا ..

اتصفح الانترنت .. اتفرج على التلفزيون شوي :)

اصلي الظهر .. اطلع انام ساعه او ساعه ونص مع بنتي ..

اصحا من النوم واقوم اطبخ ..

بعدها اكنس الصاله واطلع فوووق .. اخللي عيالي يرتبو غرفهم <<< ممكن اساعدهم بس معودتهم هما يرتبوووها هما مسئولين عنها ..

واكنس الغرف فوووق ..

اخذ دش .. اتعطر واتزين استعدادا لجية زوجي من شغله ..

اخللي الاولاد يشيلو العابهم من الصاله ويرتبوها معايا بسرعه ..

وافضا باقي اليوم لاولادي وزوجي نتفرج تلفزيون نشرب شاي نطلع زي كده ..

هذا بالنسبه للنظام اليومي الروتيني عندي ..

اما الاسبوعي ..

انظف الثلاجه ..
اغسل حمام الضيوف << محد يدخله ..
اغسل الملابس واكوي اللي يحتاج كوي ..
اغير ملايات الاسره ..

النظام الشهري ..
بعد كل دوره << مادري ايش دخل الدورة بالموضوع :22:
بس عشان يكون مر شهر :)
انظف غرفتي تنظيف عميق .. التسريحه .. غرفه الملابس ..
انظف غرفت العيال تنظيف عميق .. الالعاب المكسورة ارميها .. اسوي جررردد على الالعاب والملابس ..
اسوي جررد على المخزن ..
ارتب دواليب المطبخ وامسحها ..

تقريبا هذا جدولي الروتيني .. ومرتااااحه جدا عليه الحمدلله ..

:) :26:

<<< حاااسه اني طولت بس قلت يمكن اي اخت تستفيد

والله حتى انا نفسي اعرف كيف بعض الحريم مشاء الله ما يتعبون بس اتوقع هذا راجع لتربيتها يعني يوم انها عند بيت اهلها كانت شايله البيت كله فهذا الشغل اللي تسويه ولا شي عندها يعني شقه صغيره بسيط امرها عندها فيه اختلاف كبير يوم كانت شايله بيت اهلها كله وطبخ وغسيل....الخ
واحس الوحده اذا اشتغلت تعود نفسها على الشغل ويصير عادي لكن اذا تعيجزت خلاص تستمر على هالحال ويمكن تزود يعني اغصبي نفسك على الشغل لين يصير عاده:)
ونصيحه لصاحبه الموضوع اذا عزمتي واتخذتي قرارك انك ما تجبين شغاله فيه اجهزه كثيره تسهل عليك مهمات الشغل مثل غساله المواعين <<مفيده مره وكثير بنات جربوها وريحتهم شوفي قسم الترتيب والنظافه هنا في المنتدى في بعد غساله الملابس اللي تريحك من التسبيع وراتب الخادمه خليه لاكل المطاعم يعني مو دايم طبخ في البيت خليه لغسل الملابس عند الغسال اذا ما فيه وقت وكذا...احس انك بترتاحين من الخدامه الله يعين
تحياتي:26: