شورو عليا .. دراستي ولا ولدي ولا زوجي الغدار

بسم الله الرحمن الرحيم

اخواتي ولله مدري اشتكي لكم ولا افضفض ولا اخد رايكم بمشكلتي اللي لها وجهين

يا اجلس بالبيت اغسل واطبخ وخدامه لزوجي الي مايرحم

يا اكون مستقبلي واترك ولدي .. طبعا ماحتركه بس حنشغل عنه شويه

انا نسبتي نازله مره ولي سنتين اقدم بالجامعات وانرفض وكنت مره انقهر ودعيت الله وانا باولد اني انقبل باي جامعه واكمل دراستي والحمدلله صار الي ابغاه وانقبلت وسجدت لله سجدة شكر
سجلت بجامعه عن بعد

لكن بعد التسجيل ودخلت اجلس اقرا بالمنتدى طلعت شهادتهم زي شهادة الانتظام وكل اسبوع اروح يوم واحد فقط وباقي الايام عن بعد عن طريق النت

عل طول جا ببالي ولدي ... فين اتركه ولو تركته رح اتطمن وارتاح ولالا

ومشكلتي مره متعلقه بولدي وهو عمره الان 9 شهور .. يرضع مني ابدا مايقبل رضاعه ماينام الا بحضني

ماقدر ابعده عن عيني نص ساعه اخاف عليه من كل شي

واهل زوجي ساكنين تحتي لما انزل لهم .. اخوات زوجي صغار اصغر وحده 9 سنوات والكبيره 17

بس كلهم جاهلين بالتعامل مع الاطفال انا اللي اقلهم لا سيبوه لا شيلوه كدا لاتحطي على ضهره لاتاكليه اي شي .. وانواع التنبيهاااااات

ومسكت نفسي ما انزل لهم واجلس قلقاااااانه ببيتي واقول معليش ام زوجي تنتبه له


وهيا بصراحه تحب ولدي مررره وتنتبه له بس خلاص اول مايبكي يطلعوه ليا وانا ارضعه واغير له البامبرز

/// يعني اقدر ان رحت الجامعه اتركه تحت .. طيب كيف بالنسبه للرضاعه طيب قلت اعودو عالحليب بالفروله وياكلوه شربه او سريلاك ..... بس 6 ساعات كتيييير ... <<<< عقلي يوسوس لي ان ولدي حيصير له شي لو غبت عنه


0------------------

طبعا من كتر التفكير زوجي شافني مو على طبيعتي قال ايش فيكي قلت له الحضور لازم يوم بالاسبوع وخايفه على ولدي فين ااحطه قال عادي عند امي قلت بس المشكله اخواتك مايعرفو للصغار وامك تشيلو دقيقه وتحطه بالارض كيف البامبرز كيف ينوموه قال خلاص ماتبغي تدرسي مو لازم اجلسي بالبيت ولاعاد تقولي بدرس ومعصب

حطمممممني ... يعني بدل مايهديني زادني بلا ،... للاسف مره حساسه وبكيت من القهر لان لي سنتين انتظر ولما انقبل يتحطم حلمي عشان ولدي كاسرني ..


قال لي ليه تزعلي وجلس يصرخ وانا متفاجئه منو .. قلت له مو زعلانه عالجامعه زعلانه من اسلوبك قال لي انحرررقي

انقهرررررت ... سكت شويا قلت له لاتكلمني بهالاسلوب ليه تقول انحرقي قال سمعتيها كذا قلت ايوا قال اجل انحرقي

كذا بدون سبب يسبببب

قلت انت انحرق ... سبني رجعت له السبه مرتين وثلاثه

وادري اني غلطانه لاني رديت عليه بس عصبني يعني بدل مايهديني يسبني


.....

وللاسف جوزي دايم كذا مايفهمني وعصبي ولا يقدر مشاعري مع اني ما امدح نفسي والله لكن حنونه مره عليه وان شفته متضايق ومزعلني اروح له واساله ايش فيه دايم مدلعته ومهتمه بنفسي وبجسمي حتى بعد ولادتي اللي يشوفني يحسبني 16 سنه .. ودايما اعاتبه ليه لما تزعل مني تخسف بيا لسابع ارض يقول معليش لما اعصب انسى نفسي وانتي حبيبتي واتحمليني ... ويجلس بالايام يعاملني كاني خدامه ...خداااامه حتى كل مشاكلنا يقول لاهلي ماتكنس ماتمسح مع انه كذاااااااااااب ولما ازعل منه واروح بيت اهلي يجي يعتذر مني .. اقول له ليه تعتذر وتجي دامي غلطانه المفروض ماتجيني دام ما امسح البيت يقول لي معليش انسي ومدري ايش

تبغي تروحي بيت اهلك ،، مسحي الارض .. تبغي اجبلك مدري ايش .. غسلي الحمام

اقله هذا بيتي لاتعاملني كاني خدامه عشان لا اكره بيتي .انا منظمه وقتي كل يوم اسوي شي غير الشغل العادي من كوي وغسيل للمواعين وولدي اللي بيهد حيلي ... حتى وزني صاير 43
. ووالله اني ماني مهمله ببيتي ما انام الا وهو نضيف ومبخرته ومو عشانه عشان نفسي لكن بالقوه يطلع عيب ... ليه المنديل طايح شيلي المنديل ومسحي الارض ووووو وبعدين اوديكي عند اهلك

يعني اهلي مره بالاسبوع وبالمضاربه اروح وصرت ساكته عشان ولدي وامري لله

مع اني ودي اترك له ابو البيت اللي هو فرحان فيه واخليه هو يمسح فيه ..

ماني مقصره معاه من هذيك الناحيه ابدا وكل شي يبغاه اسوي له هوا .. ومع هذا كل مافضي راح اخد له سجاره .... وما احلا بعينه الا لما يآذن الفجر ..

وانا بعد الفطور كل يوم اتحمم والبس فستان واعدل شعري بالجل واتعطر وهو ريحته ديزل محروق من الدخان ... استغفر الله ياربي... طيب وحنون بس لاحب ينكد عليا ينكد بسهوله

مضايقتني شغلة تبغي شي .. مسحي الارض مسحي المطبخ .. طيب وديني وان رجعت سويت البيت لا قبل ماتخرجي .. غير ان ولدي معايا بيدي اسهر معاه .. يصحيني بالليل 50 مره وارضعه .. وانواع التعب مع الصيام وقبل رمضان
واوقات من حر مافيا اشتكي لامه .. وقتلي اصبري معليش واوقات اشتكي لامي وتقلي اصبري ومعليش وزوجك ماله امان قدمي وادرسي عشان تبني مستقبلك ... يعني بسبب تصرفاته الله يسامحه خرب كل صفه حلوه فيه

يعني اكيد لا انقبلت يبغا يجلس يذل فيا ما اوديكي الجامعه الا لما تنفضي البيت كله .. ايش الانتقام هدا .. وشغاله رافض ونا امابغا بس برضه الرحمه حلوه /... ولدي لوحده يككفي متعبني


..................... دخلت الحابل بالنابل من ضيقتي وقهري ..


ياجماعه لو وحده زوجها زي زوجي تدرس وتترك ولدها عند ام زوجها اهم شي تبني مستقبلها ولا تدعس على كرامتها ونفسها عشان حرصها الزايد على ولدها



زعععععععللااااااانه .... يارب اهدي زوجي وباقي رجال الارض وحنن قلبهم علينا حسبي الله ونعم الوكيل .............