زوجي مدري وش فيه وانا ابغى احمل ،الله يفرحها باللي تتمنى اللي تدخل وتعلمني

السلام عليكم
بدخل بالموضوع على طول
احس اني مشتته وافكاري مشوشه
تعبانه نفسيتي مدري وش فيني
والله مدري وش صاير لي
متضاييقه ومقهوره ومن اليوم ابكي احس بتشتت مدري وش اسوي

فجأه لمابغيت احمل جاتني مشاكل
تأخر الدوره
ميلان الرحم
تكيس

هرمون حليب

لما بدأت بعلاجها
لقت الدكتوره بويضه واعطتني ابرة تفجير وحددت ايام للجم......

بس اللي حصل مصيبه انصدمت
زوجي ماقدر
مانتصب ابداً
خلال هذاك الاسبوع كله
وبعده صار عادي
انقهررررت وبكيت

بعدها صار خلاص على طول ماصار ينتصب

زين ان صار بالشهر مره
وبطلوع الروح
رجعت الدوره تلخبطت
جبت له عسل ولقاح وجنسن والخلطه كامله من وادي النحل
اخذها كم يوم بعدين رفض
قلت روح حلل عادي
رفففففض
وعصب وزعل

ومن بعدها زاااد
تعبت
اقوله طيب انا اللحين اخذ علاجات وتمريخ
وجلوكوفاج وقرف تحملت للين صرت عوووود نحفت
وبدات تظهر لي مشاكل بالكلى وانت ولا انت راضي تحلل بس
يمكن سليم مافيك شي


واليوم طفح بي الكيل قلت روح خذ لك فياجرا عادي كل الناس ياخذونها

تعبت منه
وصارت مشكله بيننا بسبب هالموضوع

وللمعلومية هو عاطل من غير وظيفه عشان ماتقولون ضغوط عمل
وله سنتين ونص عاطل عشان ماتقولون من التفكير يعني بالعكس عاجبه وضع انه جالس بالبيت
وعمره ٤٠
وانا ماني صغيره ٣٤
ياااااربي رحمتك
مرررره تشتت
مدري وش فيه
هل اللي فيه معناه ضعف
او مشاكل بالحيوانات المنويه
فهموني
وبس تعبان ومفحاله ويبغى ينام
طفشت صابره على عطالته واللحين كأننا اخوان بالبيت
ابغى احمل
وبعدين مابغاها يجيني بكيفه


أسألكم بالله علموني وش اسوي
وين اروح

أسأل الله العظيم رب العرش العظيم ان يبشرها باللي يسعدها اللي تجاوبني
واللي ماتعرف تدعي لي بالحمل الشهر هذا ومايجي رمضان الا انا حامل ويتمم لي على خير