noraah
noraah
عندنا مشكلة وأزمة تربوية بس كيف نحدد أسباب المشكلة

علشان نضع الحل والعلاج ؟!!!!!
كاميرةفيديو
كاميرةفيديو
والله جيتي على الجرح البنات هالايام ماعاد في هيبة للمعلمة والسبب الاهل نعم الاهل هم السبب وانا استنتجت هذا من مواقف كثيرة اشوفها وكذلك الادارة اللي تصدق اي شي من البنت وتكذب المعلمة على طول
1-البنت تقول لامها الله يخلي ابلة ف عطتنا هدايا اليوم,الام:الله يخلي ابو ريالين(ليش التحقير اهم شي النية ولوكراع شاة؟)
2-حتى النيات دخلو فيها هالامهات,البنت:والله ابلة ف حبيبة معنا,الام: وش دراك انت تلاقينها تبي اداء عالي بس مو عشانها حبيبة
3-البنت: اخذت 4 من 15 في الاختبار,الام:(وبدون ماتعرف السبب ولا شافت الورقة وناسية انو بنتها زيرو بهالمادة)ولا يهمك بكرة اكلم المديرة انا وام فلانة وفلانة ونشكي عليها وبتجبرها تعيد لك الاختبار(طبعا لو مو لاقين وجه عند الادارة ماتجرو يتبلون عالمعلمة)
4-البنت: امي امي ابلة ف تقول اذا ماحسنا مستوانا بتخصم من درجة النشاط,االام:كذابة ماتقدر الحيوانة تخسي(في امهات هذا مستواهم)
اما بعض المواقف اللي صادفتها وتدل على قلة ادب البنات
1-وشو له اوطي صوتي عندكم يعني انتو مجرد ابلات؟؟؟؟؟؟؟؟
2-الموقف هذا كنت شاهدة عليه نادت المديرة المعلمة لوجود ام طالبة تشكي عليها
المديرة:هذي ام فلان تقول انو انت ماسمحت للبنت تروح لدورة المياه والبنت ترجتك وماسمحت لدرجة البنت طرشت(الله يكرمكم) بالصف ويوم انها طرشت هاوشتيها وقلتي لها اطلعي برة مع هالريحة
المعلمة:باستغراب والله ماحد طرش بحصتي ياابلة
ام الطالبة:والله لاوريكم والله عند التوجيه و....
المديرة(وهي مصدقة 100%مع الام) نادو الطالبة
المديرة:ياطالبة وش اللي صار بحصة ابلة مظلومة؟
البنت: ابد ياابلة انا استاذنت اروح دورة المياه
المديرة:اها والابلة ماسمحت لك صح؟
البنت: الا سمحت لي ورحت وهناك دخت وطرشت ثمن رجعت الفصل
المديرة:علامات استفهام؟؟؟؟؟؟؟؟؟؟؟؟؟؟
الام:علامات الاحراج
المعلمة:طيب الحين من اللي اخترع هالحكاية
البنت:انا ماقلت لامي الا اللي قلته لكم
الام:لا انت قلت كذا وكذا
المعلمة في خاطرها: يانت كذابة يا بنتك كذابة مافي تفسير غير كذا
المديرة:بدون اعتذار خلاص ياابلة روحي حصتك
والله على ماكتبت شهيد
ها عرفتو السبب؟؟؟؟؟؟؟؟؟؟؟؟؟؟
**شذا الورود**
**شذا الورود**
السلام عليكم ورحمة الله وبركاته وبــــعــد والله ياأخوات إسأل مجرب ولاتسأل طبيب ولا أقول هالكلام لأني أدرس لا والله لكن الآن بشهاده الجميع أبنائنا وبناتنا للأسف صارو قليلين أدب ماعندهم شئ إسمه إحترام للمعلم وإلا وش تسمون ذا الأسلوب من إحدى الطالبات يوم قالت رائده فصلهم بنات حافظو على الفصل لايتقطعن الصحائف قالت : فاضين لك ياأستاذه نقابل الفصل علشان ماينحاس! بـــدون تـــعليق!
السلام عليكم ورحمة الله وبركاته وبــــعــد والله ياأخوات إسأل مجرب ولاتسأل طبيب ولا أقول...
اختي الموقف الذي ذكرتيه لم يأتي من فراغ ولكن مماتراه وتسمعه ولانستطيع لوم الطالبة على ذلك وإنما نلوم العاقلين الناضجين نلوم المربي الذي تجدينه عند كل كبيرة وصغيرة يهب لنجدة الطالبة المظلومة من المعلمة المتوحشة ويهرع ليكيل للمعلمة السباب دون حتى أن يعرف مالقضية وان كانت ابنته تحتاج لتقويم سلوكها أم لاء وهم يظنون أنهم بذلك ينفعونها لا والله إنما يربونها على الأنانية وقلة الأحترام لمن هو أكبر منها مماينعكس سلبا عليهم وعليها مستقبلا ..
وجزاك الله خير على مرورك ..
)( اليـاقوتهـ )(
صدقت والله وانا اضم صوتي لصوتك ياتفاصيل
**شذا الورود**
**شذا الورود**
أضم صوتي لك صراحة صار المعلم هو الحيطة الهبيطة كل ينط فوقه يعني حنا نلقاها من مين والا مين من 30 طالب مسئولة عنهم 6 حصص باليوم والا الادارة والا الاهالي تجيك الام شايشه ليش تسوون في بنتي وليش تقولون لها وآخر شي تطلع البنت كاذبة على اهلها طيب تأكدي من بنتك اول بدل ماتصيرين في موقف محرج لاويقولولك امتصي غضب الطالبات <<<وش معصبهم وأمتصي غضب الامهات <<< حتى لو انها غلطت عليك وامتصي غضب المديرة <<< وفي البيت امتصي غضب زوجك <<هذازوجك جنتك ونارك وامتصي غضب اولادك حشا اسفنجة هذي مو معلمة وكله كوم وقلت أدب الطالبات كوم يالله الله يعينك يهالسفنجة <<< عفواً قصدي المعلمة دمتم بسلام صافيــ الروح ــة
أضم صوتي لك صراحة صار المعلم هو الحيطة الهبيطة كل ينط فوقه يعني حنا نلقاها من مين والا مين من...
جزاك الله خيرا اختي على مرورك ..كله بأجره ياأختي ومافيه شي يضيع عند رب العالمين..