ماشاء الله تبارك الله
كبسة الدجاج بالروب طريقة شفتها من زمان وطبقتها وصورتها وحفظتها بجهازي يوم حبيت أنزلها دورت على صاحبة الطريقه وبحثت بالمنتدى
عشان أعرفها وأنزل رابطها بس للأسف مالقيته
فرجاءً أي وحدة تعرفها ترسل لي الرابط عشان أضيفه بموضوعي
كبسة لذيذة أتمنى تجربونها والله يجزي خير صاحبة الطريقة
المقادير والطريقة بالصور
نحط البصل مع الزيت والدرسين والهيل وورق الغار وحبتين قرن فلفل حار
نقلبهم على النار ونضيف الدجاج ونقلبهم مع بعض
نضيف البهارات كمون وكزبرة ناشفه وبزار وحبتين ماجي
نضيف الطماطم المقطع
نضيف علبة الروب
ونقلبهم على بعض ونتركه دقائق على النار
نضيف الماء والملح ونتركه على النار لغايه مايستوي الدجاج
يتبع
لاحد يررررررررد
نرفع الدجاج من المرق ونضع قليل من ماء الورد ننقع فيه قليل من الزعفران ونصبه على الدجاج
نضيف الرز ونتركه على النار
لغاية مايتشرب الرز
نحط عليه الدجاج ونتركه على نار هادئه لغايه ما ينشف
وهذي الشكل النهائي للكبسه
ايش رايكم ؟؟؟؟
ومطرح مايسري يمري
بالعافيه