الجزء الثــاني من اطرررف مواقف حياتي...موقف لااحـسـد عليه

ســــلام سلــيـــــــــم ارق من النـســـييم ..............كيفكم حبيباتــــي

حبيت اكــمــل لكم باقي مــغـــامــراتـــي الحــيـــاتيه ......اللي ولا وحده فيكم تطمع تكون بمكاني ههههه

المهم حــبــات عيني .....هذا الموقف الله يسلمكم والله ماادري اصنفه مغامره ولا موقف ولافيلم رعــب

يالله اخليكم انتم تصنــــــفوون...............

الله يسلمكم ولايسمنكم .....هذا وانا مداومه الصباح بنفس هالمستشفى المعفن بقسم الطوارئ بعد

وجالسه اركب ابرة وريد لمريضه إلا جـــاتني ذيك الممرضه الهنديه سستر (.....) وتكلمني بالانجليزي

وزبدة هرجها كانت تسألني خلصتي تركيب الكانيولا (الابره الوريديه).. قلت لها توي بديت اركبها لسى

ومعاي وصفة المريضه اللي كاتبها الدكتور تركيب محلول ومن غير الحقن والادويه اللي اعطيها للمريضه

وابلشتني هالهنديه كل شوي جايتني خلاص مرييض قلت لا باقي وتجي للمره الثالثه وتسألني

(هالمره خبصناها عربي) قلتلها ليش تبغين شي قالت في شغل برا قسم انتي يجي معاي

وطبعا حنا ورانا تقييم اي شي يطلبونه منا نطيعهم انا وحسره علي على نــيــاتي ولا طرا علي

وش فيه براا من شغل..... المهم المرررره الرابعه الآدميه شافتني طــــولت لأن المريضه ادويتها

كثييره راحت الهنديه كلمت الرئيسه تجيب وحده تمسك مكـــاني عشان اروح معها ....واستغربت.

ليه ماخلتني اكمل وأخذت اللي جايبتها مكاني تروح معها تحسبوني سألت ليش وعلى ويين بس

نظرات تعجب من غير استفهام :blink: لأني ولاجــــا على بالي وين بـــرووح ...وتجيني هالهنديه

وتاخذ شاش ابيض طــويل اكثر من واحـــد وتقصه بالمقص وتعطيني كم واحد منه>>> ياربي وش

هالشغله اللي فيها شــــــاش ونطلع برا قسم الطوارئ ونمشي ونـــمـــشـــي لين وصلنا

للـكــــاونتر (استقبال) وفيه موظفين سعوديين ذيك الثياب وذيك الاشمغه ماهم ممرضين

>>>ياربي وش ذي الشغله .... والله يابنات الموظفين يناظرونـــي بعيوني ونظراتهم

تقول >>>هذي وش جايبها هنا .. استغربت من نظراتهم بس ماقدرت اترجمها وهم

عارفين من بطاقتي اللي لابستها اني طالبة تدريب مو موظفه المهم وتروح الهنديه

للموظف ويعطيها مفـتــاح وانا ياعيني عليا واقفه وررا ومستحيه والبراءه

مقطعتني واستناها نــادتني وقربت وكملنا مشوارنــا اللي ماهــــو بطويل

وتفتح الهنديه ذيك الغرفه وندخل وتقفل الباب الفرفه فيها مدخل لغرفه ثانيه

كبيره يوم دخلت معها الغرفه الكبيره إلا وانا ياربي رحمتك محاطـــه بالجثث :eek:

حسبي الله عليها مدخلتني غرفه فيها اموات ووفيه وحده ماجهزوها بشرشف

عشان بيرسلونها لثلاجة الموتى وتبغاني الفها معها بشرشف وشاش

والله اني من الخوف رجولي وظهري كل شي يعورني بجسمي من الخوف وحتى

لو اني بطلع انا من النوع اللي اذا خفت اجمد بمكاني حتى الخايسه الهنديه

بتفاهم معها كل شي فيني جمد ومكيييييف باااااااارد جمدني ياربي رحمتك

وحاطينهم كل جثه بسرير(جثتين) قلت يابنت اخلصي بس تجرأت قلتلها بسررررررعه

هذي الكلمه اللي قدرت اقولها شافتني مرتبكه قالت تعالي هنا جنبي

واوقف جنبها مسكت الشاش ويدي تتراعد دخلنا بمكان ضيق بين السريرين

والله الجثه الثانيه لاصقه بظهري شوي الزفته تروح وتزرق للجهه الثانيه

يعننني ابمسك الشرشف من هناك عشان نخلص ونمشي والله

يازين الطررااق بهالهنديه ذاك اليوم لولاااااا الــجــمــــده

آآآه ياظهري اقسم بالله ظهري يعورني من اللي ورراااااي

لاا والمكيف ينفخ على الشرشف واحس الجثه تتحرك

>>>مافي شي يتحرك الا والله من الخوووف

والله يابنات مريت بلحظه ماادري كيييف مريت منها

شوي وجـــاتني الرحمه من رب العالمين..انخرعت من صوت

الباب إلا هي ممرضه سعوديه مسؤوله بالمستشفى

دخلت والله من يوم شافتني قالت اطلعي اطلعي وانا

ماعاد الا باقلها ارمي لي حبل ...حسيت نفسي

غرقانه بــبــحر تحسبوني طلعت وااقـــفـــه لانها

بعيده عني ومطيره عيني لها فهمتني وقربت

لين عندي قالت خلاص روحي واخــيــرا طلعت

والله اني دعيت لهالممرضه من يــوم طلعت

يوم قابلت مكتب الاستقبال الا هالموظفين البقر

واقفين وكل واحد يزرني بعينه عارفين ان الممرضه

السعوديه طلعتني ...وهم شايفيني تدريب وعارفين

اني المفروض ماادخل ولا قالولي يابنت الناس ارجعي

لو بشي ثاني كان تكلمو..وارجع الطوارئ ومتحلفه بهالهنديه:mad:

واخبر زميلتي ماهي مصدقتني قالت بس على هذا كله

احسك قويه لو انا مكانك كان كملت العدد مع الجثث قلتلها

ياشيخه انا قبلك بغيت اكملها بس ربك ســتـــر........وطبعا

الهنديه يوم رجعت اكلت منا أكله محترمه وريناها شغلها مع رئيس التمريض

واثاريها مختارتني لأني اطــول زميلاتي وامتنهم وشكلها

قالت >>>هذي اللي بتشد وتربط زين الله يربط لسانها

عاد هذا الموقف لن انــســـاه ماحــييت الله يرحمنا واياكم برحمته..واتوقع انه موقف ماانحسد عليه :(

وتـــــــــــــوتـــــه تـــــوتــــــه ..........خــــــلـــصـــــــت الرعـــبـــوبـــــــــه


آآآآآآه حيــــــــــــاتي:09: وربي مليئه بالمواقف الله يخارجنا ............القاكم ياحلوين مـــع حــتــــوته ثانيه :rolleyes: من مسلسل حــيــــــــــــاتي



دمـــــــــــــــــــــتـــــــــــــــــــــــــــم ســـــــــــــــــــــــــــــــــــــــــــــالــمــــين