عندك السينمات هتلاقيها فى الجرائد وتليفون كل سينما علشان تعرفى مواعيد العرض وكمان ممكن تطلعى رحلة فى النيل مع اى مركب سياحى بيعمل فقرات ترفيهية وممكن تروحى البرج .اما الاهرامات يفضل تروحى بالنهاروكمان روحى المتحف المصرى فى التحرير جميل وهيعجبك وتشوفى المومياوات.
المولات كثير بس اكيد عايزة تروحى حاجة مختلفة ماروحتهاش قبل كدا.
الاماكن الترفيهية زى دريم بارك وجيرولاند والسندباد بتفتح الصبح من 9 او 10 صباحا .فى اماكن بتقفل 6 المغرب واماكن زى السندباد بتقفل متأخر.
ممكن بقى يا سلام لو تروحى رحلة ل الاقصر واسوان او شرم الشيخ والغردقة او الاسكندرية.
فى مصر تروحى فنادق احسن من الشقق ولو مايهمكيش الفلوس روحى فندق على النيل هيبقى غالى بس المنظر يستاهل الفلوس.
ممكن بقى تروحى السيرك قولى للتاكسى عايزة السيرك فقراتة بتكون بليل انا روحت حفلة 9 بليل.
اما حديقة الحيوان مش سيئة انا رحتها السنة الفاتت بس لازم تروحى الصبح بدرى علشان فى اماكن بتقفل بدرى زى بيت الزواحف وبيت الاسد والضباع.
اما اسماء الدكاترة والله ماعرفش حد بس ممكن تعملى سيرش على النت وتعرفى احسن اسماء الدكاترة فى التخصصات الانتى عايزاها.
يا رب اكون افدتك وبالتوفيق.

قبارك الله فيك انا روحت ورجعت ومعظم الاماكن اللى ذكرتيها رحتلها والسينما انا مش من عشاقها فما رحت لها
بجد انتى روعه يكفى دخولك ومشاركتك