وانتي طالعه من الحمام نشفي كويس اذا متزوجه في بيتك لاتلبسي كلت عشان التهويه حلوه
ملابسك الداخليهتكون قطن بعد الاستحمام والنتنشيف حطي بودره تمتص العرق فالمنطقه

الغسول الطبي اكيد مو كل يوم يكفي مره في الاسبوع

كلوت قطني واحد البسه قبل النوم والثاني اول مااصحى من النوم اغسلها بالغساله بمويه وصابون قبل النوم كل يوم وانشفها قبل لااغير ا وبعد كل حمام لشعر اشيله كل اسبوع بالموس وكنت اتعب ورحة وريحة نفسي وسويت ليزر اجلس ثلاث شهور ولو طلع يطلع خفيف مره وناعم

الملابس الداخليه اغسلها بمويه وصابون وفنش وكلوركس الوان

اقصد اني اغسل المنطقه بمويه 1وصابون قبل النوم كل يوم اذا ماكنت بتروش

اللي تقول لا تلبسي كلت بالبيت كيف بالله يصير كذا من جدكم انتم طول اليوم بالبيت بدون كلوت !!! والافرازات اللي تطلع من الوحدة وين تروح بالملابس ؟؟!!!!!وقتها بتصير ريحة الوحدة مقرفة
انا سمعت دكتوره تقول تخلي عن الكلوت وقت النوم بس عشان التهويه اما بقية اليوم االوحدة تلبس كلت وتنظف المنطقة وتعقمها بغسول طبي وبعد الدوره تستخدم المسك الاسود
لمدة ثلاث ايام وماراح تشوف روائح مو طيبة انا استخدم غسول سيتا روز مره روعه ولازم الكلوت يتغير مره اومرتين باليوم

اولا ريحة تحت مو بس من قلة العنايه من تنظيف
يعني اوكيه تشيلين الشعر باي طريقه اما نزع او حلق
غسيل المنطقه لغسول طبي يومياً غلط
لانه الدكتوره تقول كثر استخدام الغسولات الطبيه تقومين بقتل الباكتيريا النافعه اللي تحمي المهبل من الباكتيريا الضاره
البكتيريا الضاره هي تسبب ريحه افرازات مزعجه وحكه
ثلاث اشياء وحده منهم فيك معناته فيك اللتهابات مهبليه
اما بسبب قلة العناية الشخصيه
عدم تنظيف المنطقه عن الشعر
غسل المنطقه بغسول طبي مره او مرتين بالاسبوع المنطقه مو بس جوا لا الجلد الخارجي يمين شمال كذا لانه العرق اللي تفرزه البشره ومو بس عزق ماده دهنيه تفرزها الجلد يلامس الملابس الداخليه فتقلب عرق + افرازات المهبل + افرازات الجلد الدهنيه
توصل كلها للمهبل
فتسبب اللتهابات اللي هي ريحة وغيره
تغيير الكلوت يومياً حتى لو مافيه شي ونظيف لازم يغير زي ماقلت قبل الجلد يفرز عرق وماده دهنيه فتوصل لحساسه عشان كذا لازم يغير يوميا
عند النوم لاتلبسين كالوت ياليت السراويل اللي يجون طوال شوي المقعد يمون بعيد عن المنطقه الحساسه عشان تاخذ راحتها المنطقه المفروض ماتلبسين بالنوم
بس اذا انتي من اللي يتحركون كثير بالنوم ويرتفع ثوبها وكذا والغطاء مايجلس فالافضل لبس سراويل طويله او بجامعه تحتها مافيه كلوت اذا صحيتي من النوم البسي
حتى السنتيانات يفضل مايلبسون وقت النوم عشان الدوره الدمويه تتحرك فيهم


الدكتورات ينصحون بالجلوس بالبيت بدون اللي تحت لانه الكلوتات ناقل للالتهابات ( عرق + افرازات المهبل + افرازات الجلد الدهنيه )


هذا هو النظافه الشخصيه عسول مره او مرتين بالاسبوع
تنشيف المنطقه بعد كل حمام بالمنديل
ازالة الشعر
الكلوت يغير يوميا والافضل وقت النوم مايكون عليك الا طويل
الغسول لازم طبي من الصيدليه مو الرخيصه
بس




لكن فيه نظافة ثانيه حتى لو كنتي مسويه كل هالاشياء راح يصيبك اللتهابات مهبليه وحتى كنتي مهتمه السبب


(الدوره)
عدم الاهتمام فيها تسبب بعد الطهر (ريحه - وافرازات مزعجه - وحكه) او واحد منهم مو كل الثلاثه
اثناء الدوره
تشربين المشروبات البارده والمويه البارده
الغازيات
الحوامض زي الليمون ، البرتقال ، الكيوي ، اللبن ، الزبادي اي حاجه حامضه
تمشين حفيانه على السراميك
تنامين عند المكيف ماتلبسين سراويل طويله
الجوع وعدم الاهتمام بالتغذيه ايام الدوره
هذولي المحظورات يخلون الدوره ماتنزل زين وتجلس بالرحم وتطهرين من الدوره لكن رحمك غير نظيف فيتحول بالطهر افرازات مزعجه ولها ريحه السبب الرحم ينزل هالامور من اللي داخله


لازم الاهتمام بايام الدوره
اول ماتنزل الدوره تمتنعين عن المحظورات السابقه
المويه تشرب بحرارة الغرفه مافيها برود ابداً
العصير برضو يكون بحرارة الغرفه
الغازيات خطررررررر على الرحم هم اللي يسببون مشاكل في الرحم مو بس على الكلى
الحامض والبارد يوقف الدم ويجمده بالرحم
من اول يوم بالدوره لازم كل شوي تشربين دوافي
يانسون ، بابونج ، كمون ، اي شاي اعشاب ، حليب بفلفل اسود او ابيض ، زعتر ، قشر قهوة ، زنجبيل ، او اي مشروب اعشاب مخلوط اي اعشاب تحفز الرحم انه ينزل الاوساخ اللي فيه لو شاي اسود فيه زنجبيل بس مافضل الشاي الاسود لانه يكسر الحديد اللي تحتاجينه بايام الدوره
ولازم يكون دافي لان الدافي يمشي الدم بالجسم
يعني اذا نزف ضرسك يقولون لك تمضمضي بماء بارد يوقف الدم كذا الرحم لو تمضمضتي بمويه شبهه حاره يوقف نزيف الضرس لا يستمر ينزل
كذا الدورة الدمويه بالجسم تشربين دافي يتحرك الدم فيحرك الدم الفاسد اللي بالرحم فينزل اللي فيه ويلفظ الرحم اللي المفروض يطلع منه


وطبعا مو بس الدوافي يحرك الدم بجسمك
ممنوع تجوعين بالدوره او تاكلين توست بجبن او سلطه هضار او سلطة فواكهه
لازم تعوضين الدم الفاقد منك بهالايام لانه الجوع يقلل الدم بالجسم تشربين دوافي عشان ينزل الدم الفاسد طيب كمية الدم الجديده كيف تعوضينها عشان تتحرك الا بالاكل
لازم تاكلين اكل صحي يزيد الدم بجسمك ويعوضك بدال اللي فقدتيه
يعني الجووووووع ممنوع بايام الدوره
اكلتي ثلاث وجباتك جعتي كوليلك تفاحه موزه خوخه قطعيهم سلطه وكليهم لحد ماتشبعين او سلطة خضار خس وطماطم وخيار وجزر لاتحطين ليمون فيها
ساندوش جبن المهم اكل مفيد يعوضك الدم ويبعد عنك الجوع
وتحرصي على التمر ممتاز بايام الدوره


بس


هذي العناية الشخصيه
تنظيف خارجي
وتنظيف داخلي


اغلب البنات قولولك عن التنظيف الخارجي السطحي
بس لازم العنايه الداخليه بايام الدوره


راح تشوفين جفاف للمنطقه مافيه ريحه ولا افرازات
منطقه مريحه اهتمي بدوراتك وراح تتغيرييييين كثير ولا لك ريحه صدقيني


البنات قبل الزواج مهملات بالدوره مو بتغيير وتنظيف المنطقه لا بالتغذيه والتدفيه
كلنا كذا ومانهتم بدوراتنا الا اذا تزوجت الوحده
كنت كذا مهمله بدوراتي اكل اي شي ولا اهتم بالجوع ماكل وحتى الفطور مافطر نام
ومشاكل الافرازات وريحتهم مع اني اغير واهتم بالنظافه الخارجيه بس فيه شي مزعج
بعد ماقرب الزواج اهتميت بالدورات تغير كل شي المنطقه نشفت وريحه المنطقه حلوه مافيه افرازات
كانت لي صديقه راعية اهتمام بدوراتها كانت اذا شافتنا نشرب غازيات وعلينا الدوره تنهبل تقول منتو صاحين هذا خطر على رحمكم واذا شربنا بارد تنصحنا اننا نهتم ونعتني بالدوره عشان نكون مانصاب بالالتهابات المعبليه اللي تسبب ريحة وافرازات بس بنات كنا مانهتم بالدوره اننا ننظف الرحم
بس عرفنا كلامها يوم جاء الزواج


فيه نوعين من الالتهابات المهبليه
1- اللتهابات بكتيريه وهي عدم العنايه الخارجيه والداخليه او كثرة استخدام الغسول الطبي اللي يسبب قتل الباكتيريا النافعه فيسهل اصابة المهبل بالبكتيريا الضاره.
2- الالتهابات الفطريه وهي تنتقل عدوى عن طريق استخدام المرحاض العمومي يعني الفرنجي امير ناقل للالتهابات الفطريه هي تنتقل عن طريقه للرجال والحاريم
الرجال طبعا مايضرهم بس الحاريم هي اللي تضرهم والزوج يكون ناقل للعدوى للزوجه والبنات الغير متزوجات ممكن ينتقل لها من الافرنجي يستحسن ماتستخدمينه ولا بالمستشفيات لو فيه عربي
انا انتقلت لي من المستشفى كنت مرقده خمس ايام ونتقلت لي
طبعا مايعرف النوعين الا الدكتوره تسوي مزرعه او مسحه ويحللون لك يشوفون نوع الالتهاب وعشان تتجنبين الاسباب


الفرنجي انتبهوا كل الدكاتره يحذرون الحاريم منه لانه ابخرت المويه الراكده بالكرسي ينتقل للمنطقه والمويه الملوثه قريبه للمنطقه تتصاعد الابخره للمنطقه والمويه لازم يجي شي منها
انا العربي لا بعيد حيييييل عن المنطقه المويه الملوثه


كلامي كثير وطويل واسفه على الكلام اللي كثرته
بس هذا هي الطريقه الصحيحه للعنايه الشخصيه
الخارجيه والداخليه
ماينفع واحد بس لازم كلهم مع بعض