الحـلــــم
وقت من البطا وبليل فراق السياطينه ... بعد شفت الضيا ينزع من ثياب المساء الثلثين
تحايلت المنام إلي مثل بيتج تمرينه ... وأنا إلي من تفارقنا وأنا ما غمضت لي عين
غريبه كل حلم في رقادري تزورينه ... والأغرب كيف أحلم الحلم وارجع وأحلمه بعدين
قبل يومين شفتج في المنام وقمت من حينه ... ونمت أمس ورجع نفس المنام إلي قبل يومين
أنا إلي قبل أسافر شلت قلبي من شرايينه ... تركته في إيدج مثل الأمانه وأحفظيها زين
ترى حفظ الأمانه دين مجبوره اتردينه... أجل ما في احد جد قالج حفظ الأمانه دين
مرد الملفي بيلفي ويستوفي وتوفينه ... بعد ليله ثلاثة أربعه عشره شهر شهرين
إذا انتي منتي بقد الكلام إلي تقولينه ... حرام أستأمنج حاجه وإذا جيت أطلبج تنسين
تخونين وتبين أرضى وأحد يرضى تخونينه ... أنا لي جيت اخونج مع حبيبه ثانيه ترضين
من أول ما رجعت من السفر ما شفت لج بينه.. وأنا إلي كنت أحسبج قبل أدوس أرض المطار تجين
تكونين انتي أول شخص عيني تحتضن عينه ... وكنت أتخيلج من زود فرحت رجعتي تبكين
وأشوف بدمعتج حكي وأعرفه قبل تحكينه ... وأجيب أحلى من إلي بتحكينه واتركج تحكي
تقولين الوطن نور وأقول بنور مضويه ... تقوليلي غديت أحلى وأقول عيونج الحلوين
كلام نام بشفاهج وخفتي لا تصحينه ... ضخرتيه الغرام إلي أنام ويتركج تصحين
تغانمتي غيابي لين رجحتي موازينه ... تعلم ن يدج لمس الكفوف وعلمج تجفين
وليتج لاقيتبه شئ فيني ما تلاقينه ... ماهو بغرور لكن خابرج مالج أمل تلقين
تغافلتي بغلا وإلا بحلا ماهوب من زينه ... تزينه الصور بس الصحيح ابن الحلال زوين
وأنا ماني بناقص عنه يوم انج اتبدينه ... نصيبي هو نصيبي لو يسددها من الصوبين
قنوع بمظهري والسم ما يذبح ثعابينه... على قول المثل ماني حلو لكن ماني شين
إذا اهداج الزهر مره فأنا اهديتج بساتينه ... وإذا لهاج بفرح ليله فأنا تهت لبكاج سنين
وإذا استضعفتج أملاكه وشتتج ملايينه ... فأنا حتى فتات الخبزه اقسمها معج نصين
طموحي بس أجي واظفر بشيء تستحقينه ... تدينته تسلفته سرقته مومهم امنين
كأني من كثر ما ارضى بكل إلي تمنينه ... لو انج تطلبين الله يعنيني بقول آمين
أنا ما ألعب على الحبلين وقت الطيش وسنينه ... تبين ألحين يوم اني كبرت ألعب على الحبلين
ترى عند البدو بذات عيب إلي تسوينه ... حلاتج لا عشقتيني تعشقيني ليوم الدين
غرام تسكن ضلوعه حشيمه من مجانينه ... جفا يجمع معزتنا ولا عشق يذل اثنين
إكثار إلي تحدوني وقالولي تحبينه ... أمانه لا تخليني صغير بعينهم تكفين
لأني كل ما قالوا تحبينه أقول مسكينه ... عليج الله وأمانه علميهم منهو المسكين
أنا خايف لي طاح الجمل تكثر سكاكينه ... وأنا ما عادت ضلوعي تحمل طعنة السكين
مثل ما قالوا المكتوب واضح من عناوينه ... لو ارحل منج للغربه بسافر من ظلامج وين
كفايه كل حلم في رقادي تزورينه ... كفايه من تفارقنا وأنا ما غمضت لي عين
قبل يومين شفتج بالمنام وقمت من حينه ... ونمت أمس ورجع نفس المنام إلي قبل يومين
هذه ثاني مشاركة لي وهي أيضا قصيده للشاعر حامد زين
أتمنى لو أعرف رأيكم لو أعجبتكم:(
تحياتي ...... لورا
LoOoRa @looora
عضوة جديدة
يلزم عليك تسجيل الدخول أولًا لكتابة تعليق.
LoOoRa
•
بحور 217
"حبيتك الوقت كله مابقت ساعه تركت لك هالدقيقه حبني فيها"
وأيضا
"ياليتني مخلوق من غير تفكير او ليتني مجنون ماني بصاحي":17:
"حبيتك الوقت كله مابقت ساعه تركت لك هالدقيقه حبني فيها"
وأيضا
"ياليتني مخلوق من غير تفكير او ليتني مجنون ماني بصاحي":17:
كفايه كل حلم في رقادي تزورينه ... كفايه من تفارقنا وأنا ما غمضت لي عين
ابيات رائعه...والأروع..اللي كتبته..:26:
تسلم يديك:26:
ابيات رائعه...والأروع..اللي كتبته..:26:
تسلم يديك:26:
LoOoRa
•
ونة خفوق:
"اشوفك حلم مثل احلام خلق الله ........ لاني بطايلك وان فتحت ضيعتك"
أرجو أن تعجبك هذه الكلمات البسيطه
"اشوفك حلم مثل احلام خلق الله ........ لاني بطايلك وان فتحت ضيعتك"
أرجو أن تعجبك هذه الكلمات البسيطه
الصفحة الأخيرة
وهذه القصيدة ايضا أعجبتنا ...