ولدي وثقته بنفسه ؟؟؟ ساعدوني بليييز

الأمومة والطفل

بنات الله يسعدكم مين تساعدني في حل مشكلة ولدي

ولدي عمره 5سنوات و10 اشهر طبعا هو دلوعتي ويمكن هنا المشكله

طبعا لاحظت بعد مادرسته ان ثقته بنفسه مهزوزه شوي

ويخاف من اي شي ؟؟

يعني في المدرسه اذا المعلمه صرخت وخاصمت احد زملائه هو يبكي احيانا مو دايم

واذا قلت له شي قال اخاف المعلمه تخاصمني

مع العلم ان معلمته غايه في الاخلاق وحسن المعامله لكن اغلب الاطفال شقي

وايضا يخاف يكلم اي طفل شقي في الفصل لانه يخاف انه يطقه

يعني ولدي هادي في المدرسه زياده عن اللزوم رغم انه في البيت شقي جدا

ولا يجلس في مكان واحد يعني حرك

طيب وش اسوي له اللحين هو تمهيدي يعني دلع المشكله اذا دخل الابتدائيه

وش الحل يابنات

كيف انزع الخوف من قلبه

وكيف اعزز ثقته بنفسه وتكون له شخصيه مستقله عن الكل

الله يسعدكم ساعدوني
5
651

يلزم عليك تسجيل الدخول أولًا لكتابة تعليق.

تسجيل دخول

شوقي للفجر
شوقي للفجر
معليش حبيبتي يمكن كلامي يزعلك شوي بس ان اعتبرتك اخت صراحه انت السبب .. اللي فهمته انه دلوعتك عشان كذا ترى التدليل الزايد (يعععععدم الطفل) فهو يشوف تعاملك له في البيت في قمة الرقه وطبعا العالم الخارجي غير مش الكل راح يعامله مثلك يمكن صار عنده اختلاف البيت غير وبرى شي ثاني فطبيعي يخاف ..انا ما ودي اتفلسف لكن هذا حسب معرفتي المتواضعه وان شاء الله يفيدوك الامهات اللي مرو بنفس التجربه بس والله كسر خاطري .
سديم الفجر البعيد
انا عارفه اني قد اكون سبب لذلك ذكرت لكم بانه طفلي المدلل


عموما شاكره ومقدره لك مرورك غاليتي
أم_خطاب
أم_خطاب
طيب هو بسم الله عليه كبير حاولي تفهمينه وتكلمينه ادري تقولين قلت ولا فاد معليش حاولي مهو شي سهل بس احمدي ربك انه يفهم انا عندي ولد عمي نفس الشي بس عمره سنتين ونص يعني بالله وش تقوليلنله ووش تفهمينه صغير ولا يدافع عن نفسه اذا احد طقه الله يعنينا عليهم:(
سديم الفجر البعيد
حاولت معه وبظل وراه لحد مايتغير باذن الله
بس مشكلة ولدي انه حساس واي كلمه تزعله

لذا حبيت اخذ اي معلومه ممكن تفيدني من اخواتي في الله
لانه تنقصني الخبره في هذه الامور ومن بعضنا نستفيد اكيد

مشكوره حبيبتي ام خطاب ماقصرتي يالغلا
الله يسعدك
][§][-~المتغـلية ~-][§][



دلوعتك احس كثير صح صعبه نقول لاي ام لا تدللي طفلك
لكن دلال عن دلال يفرق

يعني فيه دلال يخرب الطفل ويخليه ضعيف هش وماراح يلاقي برا باب بيته كل الناس يدللونه ويدارونه
لهذا ابدي شوي شوي عامليه كارجل صغير قوي ثقته بنفسه وامدحي فيه الاشيا الحلوه الي يسويها
وقولي المعلمه قالت انك اليوم مثلا قوي وحفضت الدرس وغيره حتى لو لا بس مجرد تشجيع ويتحمس ان فيه متابعه مستمره ون الي بالمدرسه اذ كويس تعرفه ماما ... الخ

وربي يخليه لك :26:


..

.