لاتخربينها في الاخير خلاص مابقى شي ومن ناحية البنات خلي بنتك عليهم مثلا انت عندك شغل وهم قاعدين عطيهم بنتك وقولي امسكوها لين اخلص ووكلوها . ورتبي فرشهم وهم في الغرفة يشوفونك علشان يقومون يصلحونها عنك . اذا دخلت تكنسين الغرفة وفيها احد قولي الحمدلله انت هنا الاكل على النار اكنسي لين اجي ...

معذورة والله ياقلبي وانا حاسه فيك وصدقيني مريت بظروفك كم مره واستمري على وضعك واصبري ولاتبينين انك متضايقه بالعكس اعطيهم وجه حلووو وابتسمي بوجيههم انا عارفه انه صعب بس حاولي وكلها فترة وتعدي بالعكس زيدي في كرمهم وضيافتهم وبعدين يحطونك فوق روسهم ومايشفون احد احسن منك بس اهم شي اتحملي واصبري وحاولي تجهزين بعض اغراض الغداء من اللليل او انك اذا طبختي اليوم ولنفترض كبسه + ايدام زيدي الكميه يعني زيدي كميه الدجاج او الحم واذا استوي قبل لاتحطين الرز شيلي المرق مع اللحم او الدجاج الزائد وهذا بيكون غداء لبكره ممكن تغيرين في الكبسه القادمه باضافه طماطم مثلا عشان ماتشبه اليوم السابق ونفس الشي الايدام وغيري الخضار فقط واعملي نوع سلطة جديده وطبعا اهم شي يحفظ بالفريزر مو الثلاجه وحاولي تريحين نفسك بأفكار زي كذا وقبل لاتنامين اذا نامو كلهم لفي على البيت بسرعه وحاولي ترتبين ترتيب سريع علشان تخفيفين عنك الشغل اذا صحيتي وجهزي كل شي من بدري يعني قبل الغداء جهزي صحون الغرف وحتى الشاهي جهزيه واجلي اول بأول وقت الطبخ علشان ماتتعبين والله يساعدك

مالك الا تطلبين من زوجك يتلحلح ويجيك شغاله بالشهر اللين يجيكم شغاله

كلمي وحده من البنات لاجيتي تشتغلي تمسك البنت

واصبري .. الحمدلله مااهم قاعدين عندك طول العمر

اجل وش يقولوا البنات اللي ساكنين مع الحموله الله يكون بعونهم

الله يعينك
في رائي وسعي صدرك ولا تحملين نفسك فوق طاقتها وخلى البنات يساعدونك قوليلهم باسلوب حلو وسوي الشغل على راحتك ولا ترهقين نفسك ولا تكرفين
والله يساعدك