لكل من سالنى عن الدعاء الذى قلته لكى احمل
السلام عليكم ورحمه الله وبركاته
اولا شكرا لكل من رد عليا فى موضوعىhttp://forum.hawaaworld.com/showthread.php?t=1714849
وكل من دعا لى ولابنتى ولزوجى جزاكم الله خيراااااااااااااا
واشهد الله ان كل من طلب من ان ادعو له قد دعوت له من كل قلبى
اولا الكثير طلب منى ادعيه الحمل التى قراتها والتى بفضل الله جعلتنى احمل فى خلال شهر
بصوا يا جماعه مالاخر هاقولوكوا بالظبط ايه اللى انا عملته
اولا كنت بروح المكتب اللى انا بشتغل فيه بشغل قران على الكمبيوتر الخاص بالعمل يوميا صوت مشارى راشد بالصدفه والله كانت دايما تجيلى سورة مريم
كل يوم كل يوم اشغلها واسمعها والكمبيوتر يعيدها وانا شغاله عادى فى شغلى
لحد بعد فتره معينه لقيت نفسى بردد معاه وتقريبا حافظه
لحد ما جيت مره امسك المصحف لقيت نفسى حافظه نص السورة بجد اه والله حفظتها من السمع
من هنا قررت حاجة قلت لازم اكمل نص السورة التانى وفعلا والله كم يوم بس ولقيت نفسى حفظتها وبقى معايا السورة كلها (اللهم لك الحمد)
بقيت اصلى بيها علطول كنت فرحانه بقى حافظه سورة جميله زى سورة مريم كل الفرائض
تانى حاجه مهمه جدا جدا
الاستغفاااااااااااااااااار
طيب ما كلنا بنقول استغفر الله
طيب انا والله العظيم لما كنت بستغفر كنت بفتكر فى كل مره ذنب(ما فيش حد كامل ) وباستغفر من قلبى
هاشرح بالتفصيل لانى وقتها وصلت لحاله انا بجد مش عارفه اوصلها دلوقت
استغفرى واندمى وابكى على كل ذنب عملتيه لحد مالدموع تنزل منك
كنت كل يوم وانا فى التاكسى رايحه الشغل ماسكه سبحه فى ايدى واستغفر ووالله كنت بعدى ال 2000 استغفار وسبحان الله ما كنتش حاسه بمسافه الطريق
وفى يوم وانا فى الطريق وانا بقول دعاء سيد الاستغفار اندمجت جدا جدا لدرجه انا انا نسيت اقول للسواق على الاتجاه فاخد اتجاه ثانى ولما فقت زعلت اوى اوى ان انا ما ختش بالى وقلتله على الطريق بس قلت الحمد لله اللحظه دى عمرها ما تتعوض مش مشكله ان شالله ما كنت رحت الشغل فى اليوم ده خالص
انا طولت كتيييييييييييييييييييييييييير عليكوا بس والله من قلبى عاوزاكوا توصولوا للحاله اللى انا فيها يمكن اللحظه دى كانت السبب فى حملى
ادعيه الاستغفار
استغفر الله
استغفر الله واتوب اليه
استغفر الله العظيم الذى لا اله الا هو الحى القيوم واتوب اليه (سمعت الداعيه/سعاد صالح بتقولها فى برنامج)
دعاء سيد الاستغفار
اللهم انت ربى لا اله الا انت خلقتنى وانا امتك وانا على عهدك ووعدك ما استطعت اعوذ بك من شر ما صنعت ابوء لك بنعمتك على وابوء لك بذنبى فاغفر لى فانه لا يغفر الذنوب الا انت
يارب ارزق كل واحده مشتاقه لكلمه ماما بحمل سريع فة اقرب وقت
دعاء العمر @daaaaa_alaamr
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
الله يوفقك ويجزاكي خير