أظل أبتسم

أظل أبتسم @athl_abtsm

كبيرة محررات

كــــــلـ يــومـ

الأدب النبطي والفصيح




كـل يـوم تبعـد لـك عـن القلـب ميليـن
وكــل يــوم وتـزيـد التعـاسـة تعـاسـة

وكل يـوم و أعاملـك باللطـف والليـن
و وأنــتَ تعاملـنـي بعـنـف و نحـاسـة

وكل يـوم وأنـت تعكـر المـاء بالطيـن
والمشكلة ! نشرب سوى من نجاسة

وكل يوم و أزرع لك شجر بالبساتين
أزرع ! وحطابـك يـجـي مـعـه فـاسـه

وكل يوم و أشري لك أمل لـو بالديـن
وتوطى الأمل مـن قـو قلبـك و باسـه

وكـل يـوم و أنـت تقـول بزيـن بعديـن
وبعـديـن ! عـيـا لا يـجـيـب الـونـاسـة

وكـل يـوم تثبـت بالحجـج والبراهـيـن
إنـك خطـا عمـري و أصــل انتكـاسـة

مدري الخلل من أصل تركيبة الجيـن
وإلا .. بـفـعـل الـتـربـيـة والــدراســة

حيرتنـي بالـحـب و أسلـوبـك الشـيـن
وشلون تجمع بين حـب و شراسـة ؟

لو أنت صـادق جيـت بأسلـوك الزيـن
و ضحيت مـن أجلـي بوقتـك و ناسـه

مثلـي أنـا ضحـيـت بـالـروح والعـيـن
وبدمعـتـي و أشـيــاء أكـثــر نـفـاسـة

عجـزت أعــدل وضعـنـا بينـنـا البـيـن
مــا فـادنـي فـكــري وقـــو الـفـراسـة

خـلاص يكفـي عتـاب أرجـوك تكفيـن
مــا عــاد فيـنـي حـيـل لأيــة سيـاسـة

تعبـاان أبغـى أرتـاح لـو بـس يوميـن
وأشرب من أنهار السعد نص كاسـة

برمي سلاحي وأنسحب عنك هالحين
متـنـازلٍ عـــن حـبـنـا مـــن أسـاســه

اعتـبـري إنــي حـلـم باللـيـل شفـتـيـن
وفي عز حلمك .. مذن الفجـر حاسـه


منقوله8لعيونكم واللي عجزانه تقراها هذه صوتيه
تفضلو الرابط




http://www.youtube.com/watch?v=Y6YuPa057MU&feature=player_embedded
10
925

يلزم عليك تسجيل الدخول أولًا لكتابة تعليق.

تسجيل دخول

أظل أبتسم
أظل أبتسم
افااااااا ياذا العلم الحين حاطه القصيده من يومين ولا رد..
وجايبتلكم الرابط صوتي وصوره وش زينها لا لا زعلتووني منكم...وين الردود يالغوالي
فديت نفسي~
فديت نفسي~
تسلمميييييييييييييين ياقلبي
طبعي كذا&
طبعي كذا&
قصيده حلوه تسلمين انا من ناحيتي اعشق قراءة الشعر يعني ما احتاج الرابط
مشكوره على جهدك
حـوور
حـوور
قصيده جميله يعطيك العافيه
تقبلي مروري ...
عيوني للحزن معنى
تعبـاان أبغـى أرتـاح لـو بـس يوميـن
وأشرب من أنهار السعد نص كاسـة


يعطيك الف الف عافيه ماقصرتي