تكفون ساعدوني ولاتبخلون علي

الملتقى العام

السلام عليكم ورحمه الله وبركاته كيفكم بنات ان شاءالله طيبين حبيت اقولكم سالفتي بدخل في السالفه ع طول بدون مقدمات وياليت اللي عندها كلام يجرحني انها توفرها لنفسها لان مافي القلب مايكفيه انا تزوجت من ست سنوات تقريبا بدت حياتنا تخللها مشاكل وهموم بعد بعد ماكشف وزوجي ولقو عنده انعدام في الحيوانات المنويه بعد ماعرفت حزنت عليه وحزنت علا حالي وحلفت اني ماعرف زوج غيره ولا احسسه في يوم من الايام اني بحاجه لطفل ومرت الايام وبدت حياتي انا وهو في مشاكل التفاهم بيني وبينه شبه معدوم انهار وهو ينهار في ابسط المشاكل وداءما احس انه متذمر من حياتي معه انا ما انكرفيه انه فيه صفات حلوه تتمناه اي وحده من كرم وطيبت قلب وحنيه ولا يوجذ فيه صفات المعيبه للزوج ولهذا كنت اعشقه بجنون ولا ادعي الكمال لنفسي بس عدم التفاهم هو اللي وصلنا كذا وصبرنا ع بعض قلت يمكن نفسيته تعبانه وحاولت اني اسعده بس اكتشفت اني اسبب له التعاسه هو يعترف لي بحبه بس الظروف هي اللي وقفت بينا بعد مرور خمس سنوات اهلي انزعجو من حالي وكنت احاول اني امتص من غضبهم واقولهم هاذي ارادت الله ولا احب احد يتدخل بحياتي الخاصه وبعد ماعرفو موقفي ماصارو يتدخلون وقالو هاذي حياتك وبكيفك واهلي كانو يعاملونه بكل ود واحترام وماحسسوه في يوم من الايام انهم خايفين علا بنتهم لانهم مايبون يجرحونه وكانو يحسسونه. بانه ولدهم بعد كذا دور لي اخوي وظيفه بس المشكله مكان الوظيفه في الرياض وهو في الشرقيه اخذت الاذن منه قبل مااوافق علا الوظيفه وقاللي ماعندي مشكله وبحاول اطلب نقل للرياض والحمد لله توظفت وكنت اجيه بين فتره وفتره وهو بعد يجيني كل خميس وجمعه مع العلم كانو ابوي يتضايق من روحتي له بالحالي بالقطار بس كنت اصر باني لازم اجيه واذا وصلت للبيتي اقوم بتنظيفه واغسل له الملابس واطبخ من كل مالذ وطاب لاني احي بتانيب الضمير طبعا انتم تعرفون حوسه الرجال لاصار عزوبي والغبار اللي يملي البيت حدث ولاحرج يعني يروح علي الويكند بس في تنظيف بس هذا الشي اشوفه واجب علي يكفي انه بديره وانا بديره اذا بتقولين جيبي شغاله تريحك هو يتضايق من الشغالات المهم بعد مرور سنه وهو في جهاد مع مدير عمله ان ينقله بس مافيه فايده بتقولون ليش انتي ماتنقلين بقولكم عملي ماله فروع الا بالرياض لانه داءره حكوميه جديده بعد كذا طلب مني افصل نت الوظيفه قلت ليش افصل انا ماجيت هنا الابعد ماخذت مشورتك وليش مانصبر سنه كمان وبعدها نشوف ونقرر قاللي ولايوم اذا انتي حابه ترجعين حياك الله مانتي حابه بتشوفين حرمه قدامك قلت ليش اوالله اني نفسيتي تعبانه مرره انت بعيد مني صح اني معي اهلي بس والله احس بالغربه قال هذا الكلام فاضي قلت انا بعد ماتوظفت حسيت اني نسيت موضوع الخلفه وتحسنت نفسيتي اصبر علي الله يوفقك يمكن النقل يجي باي لحظه قال لي اعطيني رقرارك انا ولا وظيفتك بسررعه وهو يصرخ. وانا اصرخ هينا فقدت السيطره بنفسي وقفلت الجوال وحسيت اني مخنوقه وبدون مقدمات شفت نفسي اكلم امي وانا منهاره من البكاء قلت لامي كيف اتصرف قالت امي بطقاق هالحين صابره عليه هالسنين وعمرك اللي راح وتضحيتك اللي ماقدرها جاء يهددك ويتوعدك بحرمه المفروض انه يقدر ويضحي مثل مانتي ضحيتي معه بعد كذا راحت امي لابوي وقالت له القصه قال ابوي الرجال هذا ماينفعك خلك تشوفين نفسك ويشوف نفسه لاتظلمينه ولايظلمك ويكن الله كتب لكم اللي فيه خير انا بتكلم معه وخليه يطلقك انا حسيت اني ابنهار والله يا بنات حسيت الدنيا تلف فيني وصليت وسحدت لله وطلبت منه ان يكتب اللي فيه خير كلم ابوي ابوه وحاوله ابوه واعمامه وكمان هو حاول ان ترجع الامور بس مافيه فايده طلقني طلاق واحد وبعد مرور المشكله اكثر من اسبوعين سمعت بخبر زواجه انه هينا صعقت قلت كيف بالبساطه هاذي وهو اللي حدني ان اشكي لاهلي مع العلم ماعمري شكيت لاهلي في من يوم من الايام انا مااقول الا الله يوفقه ويسعده وييسر اموري كلها بس بعد التجربه هاذي احس بالخوف من تجربه الزواج

واطلب منكم اخواتي تدعون لي بكل خير وهل اللي عملته كان صحيح
16
1K

يلزم عليك تسجيل الدخول أولًا لكتابة تعليق.

تسجيل دخول

ام مشاري$$$
ام مشاري$$$
ياليت. تردون علي ادري ان الموضوع خلاص انتهى بس احب اعرف هل انا اخطيت في حقه او ظلمته. هل انا انانيه. ياليت تردون او ترفعون الموضوع
(نوووشه)
(نوووشه)
صحيح او مو صحيح خلاص الامر انتهى يالغلا
لاتعاتبين نفسك ولا شي ولا تندمين على شي فات وماعاد بيدك شي فيه
هذي إرادة ربي ولعل في امرك خيره
عيشي حياتك وانسي مافات والله يكتبلك الخير في قاادم الايام
كادي
كادي
شوفي حبيتي انتي مو غلطانه
ويمكن خيره
بس الغلط بعدك عنه طول الاسبوع الي خلي زوجك في فراغ والفراغ يخلي الواحديفكر الف فكره

يمكن الي سار خيره لك واختبار من رب العالمين
عشان يبين لك حقيقته وهل يستحقك فعلا او لا
لكن هو الخسران
لا تزعجين نفسك
واحمدي ربك ما عندك عيال منه
والا كان ضاعو بينكم
يعني العله منه ومع كذا تزوج
ارجل لوبغى يتزوج تزوج ما ينتظر اعذااااااار وعلل
وما يستحق قلبك الابيض وطيبك
والطلاق مو نهاية العالم انا قد تطلقت وكنت احسب حياتي هذيك احسن حياه لكن الله اكرمني باحسن منه مية مره
الله يرزقك بالي احسن منه ويرزق الذريه الصاااااااااااااالحه يارب
ام مشاري$$$
ام مشاري$$$
هو حاول يرجعني ويمسح الماضي ولا خلا احد الا وارسله عشان ارجعله بس ابوي خذا الموقف بقوه ورفض اين ارجع له
ام مشاري$$$
ام مشاري$$$
تسلمون على ردودكم وجعله الله في موازين اعمالكم بس وين الباقين