محروووق قلبي على اخواني .. وش اسوي معاها ؟

يا امهات
ياللي رحتو و خليتو عيالكم

ابوي مطلق امي من فتره .... و هي بمنطقه و احنا بمنطقه

انا ادرس بالجامعه و ارعى اخواني الحين بدالها

اذاكرلهم و اونسهم و العبهم و ...كل شيء اسويه

الحين المشكله من يوم ما تطلقت امي و مرة ابوي كاثره مشاكلها و اشوفها كل يوم تتمادى اكثر

تقولون صار لها جنحان و قامت تنافخ

المشكله انا مو قاعده اقول لابوي على كل صغيره و كبيره تسويها

لحد اليوم ... سوت شيء ما قدرت اسكت عنه و وصلت براسي اني انزل عندها و اوريها الطق على اصوله

بس اخوي اصغر مني بالجامعه و مسكني ... ما رضى يخليني اتصرف و راح يتكلم معاها و يخوفها

تعرفون الشباب ما يفور دمهم بسرعه زينا يالبنات

المشكله :
اخوي الصغير - 11 سنه - كان يطق باب غرفتي وانا نايمه و ماسمعته الا بعدين
كان يطق و اسمع صوته مدري شيقول ... طلع يبكي

فتحت الباب و اول ما دخل علي يصيح و وراه خدامتنا متأثره المسكينه شوي و تصيح معاه

سألته وش صار ؟
قال لي : مرة ابوي و اخواني ( بين 12 سنه الى 5 سنوات )>> من ابوي .. جاو فصلو علي التلفزيون و وحده من اخواتي على ابوي قامت تقول:
انقلع لبيتكم انت زي امكم تحب المشاكل ... يقول انه ما سوا شيء ابد قاعد يتفرج .. فجأه تجمعو عليه و قامو يتكلمون عليه و على امي و يقول هي وراهم تضحك عليه يوم يصيح و تطنز على شكل عيونه .. و هو عصب و قام مد ايده على اقرب وحده منه و راحو تجمعو عليه طقوه ... و مرة ابوي (الحيه) تسوي نفسها تمسكهم عشان لا يطقون و هي اصلا تمسكه لهم عشان يطقون و يهجون .. و بعدين طردته و جا عندي


انا ما كنت عايشه عندهم بالاشهر اللي فاتت و ما ادري وش كان يصير لهم منها و من اختي الكبيره مع انها اختي من امي و ابوي الا انها واقفه مع مرة ابوي زي الخبله تبي تسوي فيها عاقله و هي جدا منافقه تبي تكسب مرة ابوي عشان ابوي يمدحها و يعطيها فلوس و يمشيها


ابوي يحبها ( مرة ابوي )

و هذي مو اول مره هذي ثالث مره بس كل مره اسكت و امشيها و اقول اهي مريضه و اخواني بزران متربين على يد مريضه نفسيا


بس الحين طالت و شمخت ... و صارت تتكلم علي ( مقهوره ليش رجعت اعيش معاهم ) و تقول لاخواني الصغار :
اختكم غبيه ما عندها مخ ..


واحد من اخواني عنده توحد بسيط ( 8 سنوات ) و عليا

و الثاني ( 11 سنه )

و اخ بالجامعه ما يكون بالبيت علطول وقت الدراسه يكون بالسكن حق الطلاب

ابوي ما اقوله على سوالف الحريم و البزران لانه شغله بعيييد من البيت و ما يرد الا متأخر

وش اسوي مع هالانسانه

مالها الا كيد النساء مع اني ما اعرف اصير خبيثه زيها اللي يضايقني اواجهه و اذا تكلمت عليها اقولها و هي تسمع

كيف اتصرف مع هالانسانه المريضه ؟؟؟؟؟؟؟؟؟؟؟ ابليس يقول انزل و ادوس ببطنها اللي ما تستحي

مدري شلون يعيشون الاشكال هذي

على فكرة اخواني كتومين يمكن تصير لهم حاجات انا ما ادري عنها لانهم ما يتكلمون معاي لازم اسالهم اذا شيء مضايقهم تعبو نفسيتي عليهم