مرحبا خواتي
ابستشيركم في شغله وعطوني رايكم اللي تشوفينه الافضل لوكنتي مكاني
انا جامعيه غير متزوجه عمري 27 سنه طبعا لحالي في البيت لان الباقيين اخواني وخواتي متزوجين
والوالد حالته ماتسر حتى العدو والله شايب طايح لاهو حي ولاميت تعبان
يعني بس انا والوالده الله يخليها لنا في البيت
طبعا انا 3 سنين عاطله ومالقيت وظيفه تناسبني
ورحت الاسبوع اللي راح لمديره في اكاديمية الفيصل وطلبتها توظفني وكدا
لاني ادرس عندهم حاليا حاسب
طبعا شرحت لها وضعي بعدين قالت انا اعرف مالك مدرسه اهليه
يمكن يقدر يوظفك في الاداره في مدرستهم
وقلت خلاص لاتنسين الله يجزاك خير
والاسبوع هدا وانها تكلمني وتقولي يقول يحتاجون المدرسه موظفه في الادارة عندهم تمسك الة تصوير وتصور للمدرسه وجميع الاوراق
طبعا راتبها 3000 ريال
وش رايكم بنات اروح لهم خصوصا اني ماجد نفسي في مجال التدريس وتعب البنات
وش رايكم
يلزم عليك تسجيل الدخول أولًا لكتابة تعليق.
ماشاء الله الوظيفة حلوة بس ضبطي وضعك مع المواصلات عشان ماياخذ جزء كبير من راتب وطبعا قبل استخيري والله يوفقك ويرزقك من واسع فضله .
صراحه وظيفتك ما تليق بشهادتك
و مرتبها قليل جداً وين جامعيه و 3000
أنا الأن أخر سنه ثانوي
حصلت براتب 4000 و 5000
لكن أنتي أعرف بظروفك و حاجتك
ممكن تجربي حتى ربي ييسر لك الأفضل
و أستخيري هذا الأهم و الله يكتب لك مافيه خير
و مرتبها قليل جداً وين جامعيه و 3000
أنا الأن أخر سنه ثانوي
حصلت براتب 4000 و 5000
لكن أنتي أعرف بظروفك و حاجتك
ممكن تجربي حتى ربي ييسر لك الأفضل
و أستخيري هذا الأهم و الله يكتب لك مافيه خير
الصفحة الأخيرة
شغله سهله وراتب كويس
وتغيير جو وعلاقات اجتماعيه
هذا رأيي والله ييسر لك ويوفقك