لو انتوا مكاني ايش بيكون موقفكم

السلام عليكم
كل عام وانتم بخير خواتي
ابغى اقولكم سالفه لو كنتي انتي وثنتين من سلفاتك ماشاء الله العلاقه ممتازه وسهرات واجتماعات وميانه
وفجأه في ليله وضحاها يقلبون رسميات تدقين عليهم يعتذرون يقابلونك برسميه تسألينهم عسى ماشر في شي يقولون أبدا مافي شي
يعني ماأذكر مره عزمتهم واعتذروا
المشكله عمرررررري ماطريتهم الا بالزين ودايم امدح فيهم واقول خواتي مو سلفاتي
عشان اقولكم يمكن سمعوا مني كلمه
بس احترت وصرت افكر كثير اتمنى الوحده لو في خاطرها علي شي تجي تقولي في وجهي يافلانه انا زعلت منك عشان كذا وكذا
أمي وعماتي اذا الوحده في خاطرها شي ولا سمعت كلام عطتها في وجهها وكل وحده تقول اللي في خاطرها ولا يتقاطعون ولا شي ويرجعون يتعازمون ويسهرون مع بعض ولا في خاطر احد منهم شي خلاص اللي في قلبها قالته في وجهها
اما هذولا زي اللي يتصددون حتى اذا جيت ابغى اجلس
انا قعدت اقلبها في راسي خلاص اقطعهم وحده من سلفاتي اعتذرت البارح ماتجي للعشاء قالت معزومه وانا اعرفها من قبل عمرها مااعتذرت
قلت بخاطري والله مابغصب احد يجي عندي ولا بروح افرض نفسي على احد غصب من بغى يعزمني بطيب خاطر
اما كذا من وراى خشمها لاوالله
الله يستر عليها ومسموحه
وانا من النوع اللي يشهد الله ماأشيل في خاطري على حد ابدا ابدا وانا قد سمعت كلام كثييييير ومواقف كثيره
انتوا لو مكاني ايش بيكون موقفكم لان سلفتي اذا عزمتني بعتذر منها